Zwarte Cross Festival

Oet Wikipedie, de vraaie enzyklopedie
Gao naor: navigasie, zeuk
Megastunt in 2009
Stunten op den Zwarte Cross

Et Zwarten Cross Festival (sprek oet:Zwatten Kross) is et grootste muziekfestival van Oost-Nederlaand en den grootsten motorcross van West-Europa. Op de elfde uutvoering van et dreedaagse festival in 2007 kwamen ruum 90.000 bezeukers af, in 2011 meer as 150.000. De organisatie dervan is zo'n betjen in hende van rockband Jovink en de Voederbietels. Et wöd jaorliks eholden bi-j Lechtenvoorde in den Geldersen Achterhook

Geskiedenis[bewark | bronkode bewarken]

Den Zwarten Cross wöd in 1997 veur et eerst organiseerd, en was anvankelek nen grap. Et was nen crosswedstried waor iederene an met mocht doon, mit nen motor, brommer, scooter of n ander vervoermiddel naor keuze. Den name "Zwarten Cross" grep weerumme naor n verschiensel uut de jaoren 60, toon blérbekken in t café dee al te völle an et broezen waren aover eure kunsten op den krossmotor of -brommer uut-edaagd worden eur können in nen zwarten cross te bewiezen.

In 1997 wöd dan et verschiensel ni-j leaven in-eblaozen en wöd in Hummelo n crosslandjen ereageld. Maor undanks n betjen illegale uutstraoling wodden braaf vergunning an evraogd en verkreggen. Op graond van allenig mondeling neugen wodden n dealnemmerantal van 150 ehaald, en der kwamen rundumme doezend kiekers. Den dag wodden of eslotten deur n optreaden van Jovink.

Den opzet blek an te slaon: et tweede jaor waren der al 350 dealnemmers en 4 doezend man publiek. Eén en ander endigden aoverigens wal in n alderbastend antal gewonden en blesseerden, wat et veur de organisatie neudeg maken samenwarking te zeuken mit nen ervaoren crossclub. Dizzen wodden evonden in Halle in den HALMAC (Halse Auto en Motor Club). Daordeur kon vanof 1999 et officiële Grand Prix sirkuit de Kappenbulten gebroekt worden.

In 2010, 4 dagen veur dat t zol beginnen, wier t festivalterein op eschrikt deur nen storm. Hierbie raken 4 leu gewond. Alle tenten dee op dat moment al op ebouwd waren, wieren vort eblaozen, en de mega-tente raken onherstelbaor beschadigd. Daorumme wier der n butenpodium neer ezat. De schaa was zo'n 1 miljoen euro. 2 dage later was der weer nen storm, maor de schaae was disse kere neet zo groot. Op den zaoterdag van dat zelfde jaor kwam der bi'j n ongeluk met ene van den karmis-machines een metwarker umme.

Nao et deurslaond sukses van den Zwarten cross bunt der meer soortgelieke evenementen annevangen. Op riege Den Knastercross, Dollweekend en den Stouten cross.

Uutgaonde verwiezingen[bewark | bronkode bewarken]