Zuudwolde

Uut Wikipedia, de vrye encyklopedy
(döärstüürd vanaf "Zuudwolde (Drenthe)")
Veur de plaatse in de pervincie Grunning, zie Zuudwòl

Zuudwolde (Nederlaands: Zuidwolde) is 't grootste dörp en de veurnaamste kern in de gemiente De Wolden in de Nederlaandse pervincie Drenthe. Zuudwolde lig op zo'n vief kilometer ofstaand van 't Oogeveine in 't noorden en De Vaort (Oaveriessel) in 't zuden.

De körtbi'j elegen dörpies Fört en Veeningen maakten diel uut van de veurmaolige gemiente Zuudwolde.

Zuudwolde is de geboortestee van een bulte Drèentstalige publicaties en boeken oaver Drèentse onderwarpen, omdat er van 1980 töt 2008 de Stichting Het Drentse Boek evestigd was. Dizze uutgeveri'je, now onderdiel van 't Huus van de Taal in Beilen, gaf op Zuudwolde ok 't 'Drents Letterkundig Tiedschrift' Roet uut.

Zuudwolde in de Drèentstalige schrieveri'je[bewark | bronkode bewarken]

De Vaorter schriever Lucas Jonker (1873-1948) skreef in de jaoren twintig 't kraantefulleton Harm Boer'nlèv'n an de Riest, det in 1929 in boekvörm uutkwaamp en daormit de eerste Drèentstalige roman was. 't Wördden evolgd deur Harm, de boer van 't Hoogelaand (boekuutgave 1939). Dizze lèvensromans oaver de boer Harm Stok van 't Riestenlaand speult in de streek tussen Zuudwolde en De Vaort (grofweg de buurtskop Linde).

De umgeving van Fört was 't toniel in de schrieverije van Roelof Sieben (1919-2006).