Zunnekoekeloeren

Uut Wikipedia, de vrye encyklopedy
n Keerl die an t zunnekoekeloeren is.

Zunnekoekeloeren of zunneglupen is n oerouwe techniek waorbie'j veur n bepaolde tied naor de zunne staoren. Dit zol goed ween veur de lichamelike en geestelike gezondheid. De techniek wördden vrogger al gebruukt deur de Essenen, binnen t hindoeïsme (bv. in de Ayurvediese geneeskunde), deur de Maya’s, Lakota-indianen, in t ouwe Griekelaand en in Egypte.

Zunnekoekeloeren is niet zonder risiko, a'j t verkeerd doon ku'j der (permanente) schao an de ogen an overhouwen of ku'j zelf bliend wörden. t Staoren naor de zunne zo'j zeutjes an op mutten bouwen, daorbie mu'j oek rekige houwen mit de UV-index, die niet hoger mag ween as 2. Tot n ure nao zunsopkomst en vanaof n ure veur zunsondergang zol t veilig ween.

Doel[bewark | bronkode bewarken]

Veurstaanders van zunnekoekeloeren zegen da'j der meer energie van kriegen en n verminderde eetlust, deurdat t lief de zunne-energie opslaot en t ummezet in voedingsstoffen; zo as mit aandere vorms van inedia. t Zol oek alderhaande ziektes en kwaolen genezen of verminderen.

Zunnekoekeloeren is oek deel van de Bates-methode (van William Horatio Bates), n alternatieve therapie die bedoeld is um t zicht te verbeteren.

Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze.