Zielvest

Oet Wikipedie, de vraaie enzyklopedie
Gao naor: navigasie, zeuk

n Zielvest of woaterschop is n overhaidsienstaantsie dij ien n bepoalde regioon ien Nederlaand töt toak het de woaterhoesholden te regelen. Ook wordt t woord zielvest broekt om de regioon aan te duden woarover dij ienstaantsie gaait. t Gebied wordt nait bepoald deur gemainte- of pervìnziegrìnzen, môr deur strulgebieden ien n bepoalde regioon van bepoalde revieren en knoalen. As n zielvest aan zee ligt, wordt dit mit noam ien Hollaand n hoogheemraadschap (hooghaimroadschop) nuimd. Op dit momìnt binnen der 27 zielvesten ien Nederlaand.

Etimologie[bewark | bronkode bewarken]

t Grunneger woord zielvest komt van vrouger. Ien de middelaiven waar Noord Grunnen verdaild ien tientellen zielvesten, ien t begun regeld deur de kloosters. Zai haren dezölfde toaken ien heur gebied as tegenswoordeg t ministerie van Verkeer en Woaterstoat, dus nait allend de woaterhoesholden. Loater wörren de noudoagse zielvesten, overwegend waterschappen (woaterschoppen) nuimd, vörmd. Ien t Nederlaands heugt allend de noam Noorderzijlvest nog aan de olle en Grunnegse noam.

De noam zielvest betaikent "beheer/road (vest) van t ziel (ziel)". De zielen en dieken ien Grunnen waren de belaangriekste laandschopselemìnten ien de middelaiven, omreden der zönder de zielen en de dieken gain laandschop wezen zol.

Zielvesten ien Nederlaand[bewark | bronkode bewarken]

De noamen van de 27 noudoagse zielvesten ien Nederlaand mit heur offisjele Hollaandse of Fraise noam.

  1. Waterschap Noorderzijlvest (Grunnen, Fraislaand en de Drìnt)
  2. Waterschap Hunze en Aa's (Grunnen en de Drìnt)
  3. Wetterskip Fryslân (Fraislaand en Grunnen)
  4. Waterschap Blija Buitendijks (Fraislaand)
  5. Waterschap Reest en Wieden (de Drìnt en Overiesel)
  6. Waterschap Velt en Vecht (de Drìnt en Overiesel)
  7. Waterschap Groot Salland (Overiesel)
  8. Waterschap Regge en Dinkel (Overiesel)
  9. Waterschap Zuiderzeeland (Flevolaand)
  10. Hoogheemraadschap Hollands Noorderkwartier (Noordhollaand)
  11. Hoogheemraadschap Amstel, Gooi en Vecht (Noordhollaand en Oetrìcht)
  12. Hoogheemraadschap De Stichtse Rijnlanden (Oetrìcht en Zuudhollaand)
  13. Waterschap Vallei en Eem (Oetrìcht en Gelderlaand)
  14. Waterschap Veluwe (Gelderlaand)
  15. Waterschap Rijn en IJssel (Gelderlaand)
  16. Waterschap Rivierenland (Gelderlaand, Zuudhollaand, Noordbroabant en Oetrìcht)
  17. Hoogheemraadschap van Rijnland (Zuudhollaand en Noordhollaand)
  18. Hoogheemraadschap van Delfland (Zuudhollaand)
  19. Hoogheemraadschap van Schieland en de Krimpenerwaard (Zuudhollaand)
  20. Waterschap Hollandse Delta (Zuudhollaand)
  21. Waterschap Zeeuwse Eilanden (Zeelaand)
  22. Waterschap Zeeuws-Vlaanderen (Zeelaand)
  23. Waterschap Brabantse Delta (Noordbroabant)
  24. Waterschap Aa en Maas (Noordbroabant)
  25. Waterschap De Dommel (Noordbroabant)
  26. Waterschap Peel en Maasvallei (Limbörg)
  27. Waterschap Roer en Overmaas (Limbörg)

Nedersaksisch[bewark | bronkode bewarken]

Boetende hìnwiezen[bewark | bronkode bewarken]