Zeuven Fraise Zeelanden

Uut Wikipedia, de vrye encyklopedy

De Zeuven Fraise Zeelanden waren in de Middelaiwen zölstandege Fraise laandskoppen. t Is nait wizze of t tal zeuven letterlieks nomen worden mout of dat t der meer waren. In de bond van de zeuven zeelanden waren in alle gevallen meer as zeuven gebieden verbonden, mor of dij almoal as ain van de zeelanden zain wuiren is nait dudelk.

In n opdailing van de Fraise Noordzeekust worden de zeelanden zo indaild:

  1. Westfraislaand, van t Pettense Gat tot t Vlie tou;
  2. Fraislaand (Fryslân), van t Vlie tot de Laauwers tou;
  3. De Ommelanden (provìnzie Grunnen), van de Laauwers tot de Ems tou;
  4. Oostfraislaand (Ostfriesland), van de Ems tot de Jade tou;
  5. Overjade (Butjadingen), van de Jade tot de Weser tou;
  6. Hoadelerlaand (Hadeln), van de Weser tot de Elbe tou;
  7. Ditmaarsen (Dithmarschen), van de Elbe tot de Aider tou.

Varioatsies hierop nemen ook Fraislaand over de Aider op as ain van de Zeelanden, in stee van Overjade. Welkend nou juust is, is nait wizze.

De bond van de zeuven zeelanden kwamen elk joar op de dinsdag noa Pinkster biemekoar bie de Opstalboom, bie Aauwerk.