Zeaventien Proveensien
Oet Wikipedie, de vraaie enzyklopedie
Den Zeaventien Proveensien is nen beneuming veur et geheel van vörstendommen dat in den löp van den 14den tot 16den eeuwe in hende kwam van den Bourgondischen hartogen as den laanden van herweerts oaver.
[bewark] Vörstendommen
Et was et karngebeed van den Bourgondiërs noa et verlees van den arflaanden in 1477 under Karel den Stolte, in dizzen zoak et hartogdom Bourgondië zelf.
Under Karel V van et Heiligen Roomsen Riek wöd het merendeel an vörstendommen vereanigd in nen personelen unie, dat wil zeggen dat hi-j telkens hartog, graaf of here was in den proveensie.
- 1. Groafschap Artesië
- 2. Groafschap Vloanderen
- 3. Kasselri-jen Riesel, Dowaai en Orchies (mangs Riesels-Vloanderen eneumd)
- 4. Doornik en et Doorniksen
- 5. Heerlekheid Mechelen
- 6. Groafschap Namen
- 7. Groafschap Henegouwen
- 8. Groafschap Zeelaand
- 9. Groafschap Hollaand
- 10. Hartogdom Braobant en Markgroafschap Antwarpen
- 11. Hartogdom Limburg en den Laanden van Oavermaas
- 12. Hartogdom Luxemburg
- 13. Heerlekheid Utrecht
- 14. Heerlekheid Freeslaand
- 15. Hartogdom Gelre en Groafschap Zutfent
- 16. Heerlekheid Grunnen
- 17. Heerlekheid Oaveriessel (mit Drenthe, Lingen, Wedde en Westwoldingerlaand)
Den hierboaven gevolgden riege hef geen vaststoanden inhold. Zeaventien was op nen gegeaven tied et antal stoatenverteggenweurdigers bi-j den Stoaten-Generoal in Brussel en zie bunt dat getal blieven neumen. Moar den verteggenweurdigingen konden wal ens wesselen umdat nen bepoalden heerlekheid mangs ofhing van nen anderen. Zo heurden Zutfent bi-j Gelre en Limburg bi-j Braobant. An dee andere kante hadden et markiezoat Antwarpen, Doornik of Riesels-Vloanderen mangs nen eigen verteggenweurdiger.
