Woolters

Oet Wikipedie, de vraaie enzyklopedie
Gao naor: navigasie, zeuk

Woolters, echten naam Martin ter Denge (geboren 11 desember 1985) is nen muzikaant, skriewer en dichter oet t Twaentse Riessen. Hee dut skriewen en zingen in t Riessense dialekt en dreg dit ok in dee taal oet noar de boetenwaerld. Ok is hee nen aktieven biedrager op de Neersassiese Wikipedie. As geborene Riessender hef Woolters nog völle Twaents met-ekreggen en doar is hee greuts op. Iets wat dan ok vaak in zien woark weerummekump is t behoold van de streektaal en ok zo völle meugelik op ne modaerne manere.

Naam[bewark | bronkode bewarken]

De naam Woolters is ne familie-bienaam of skeeldnaam. In bepoalde delen van Twaente kump t gebroek van bienaamns völle vuur en zo ok in Aenter en Riessen, woar at Woolters vort kump. De presiese herkumst in nit wis, moar t verhoal geet at de boerderieje woar zien familie in ewoond hef vroger van ne familie Woolters hef ewest. Um t onderskaeid te maken tussen disse familie Ter Denge en ne aandere, wordt in t dageliks laewen mangs de naam Woolters gebroekt.

Woark[bewark | bronkode bewarken]

Skriewerieje[bewark | bronkode bewarken]

t Meeste hef Woolters op disse Wikipedie eskrewen, zowat allemoale in t Twaentse dialekt Riessens. Behalve Wikipedie skrif hee ok gedichten en proza. Hee dut oonder aandere n kollumn in n Niejen Bodbreef, n blad van de Kreenk vuur de Twentse Sproak. Zien rubriekje "Plat op t Web" geet, zo as de naam al zeggen dut, oawer t gebroek van t plat, vuurnamelik t Twaents, op t internet. Zo gung t n kaer oawer wo en wovölle t plat in de sosiale media gebroekt wordt.

Doarnööst hef e ok de tekst eskrewen van de nummers Skriefmesjiene en Bleu Man dee duur Tonny Nijland en Martin Ter Haar espöld zeent oonder aandere op de Twaentse jazzerieje. Op de tweede Jazzerieje skreef hee Kræng, wat oetvoord wör duur Petra ter Denge, en wat de eerste pries halen.

Muziek[bewark | bronkode bewarken]

Woolters spölt de klaeine tromme in n muziekkorps in Riessen. Zien muzikaliteit breg hee nit allene doar te geheure, mer ok via internet. Op YouTube hef hee verskaeidene leedkes en deuntjes oetebrocht, woarbiej hee zich vuural duur reggae löt beïnvleuden, moar hee maakt ok daansmuziek en hee kombineert dit mangs met de Twaentse sproake. De oonderstoande nummers en deuntjes zeent duur Woolters oetebrocht via YouTube. De nummers "Loat Kuuln", "Doot es Heanig an", "Wearldhearskoppieje" en "Daanske" hebt Twaentse tekst. Disse verskes wordt geregeld op proweensiale en lokale radiostatsions edraeit.

  • Loat Kuuln (Loat Toch Goan) (2008)
  • Boulevard Sountering (2009)
  • Dreumt Mer Lekker (Sweet Dreams)
  • Fruity Loops Reggae (2009)
  • Sleepless (2009)
  • Verlöarn (2009)
  • Earlikheaid (Honesty) (2009)
  • Tukkermars (2009)
  • t Eande van Augustus (2009)
  • Doot es Heanig an (2010)
  • Wat n Woark (2010)
  • Wearldhearskoppieje (2010)
  • In This Love (2010) - cover van Bob Marley
  • Daanske (2011)
  • Basic Rockers Reggae in FL5 (2011)
  • Liquid Dub Revised (2011)
  • Wat n Woark (2011) - verniejde versie
  • Afrika (2011)
  • Deankt (Vuurde'j Skreewt) (2011)
  • Pieker Dub (2011)
  • Liesbeth Spies (2012) - Protestversken teegn de doomoalige Minister van Binnlaandse Zaakn

Zeet ok[bewark | bronkode bewarken]

Oetgoande verbeendige[bewark | bronkode bewarken]

Nuvola apps ksig.png Dit artikel is eskrewen in t Twaentse dialekt van Riessen, in de ANS.