Winter Guard International

Uut Wikipedia, de vrye encyklopedy
De groep Intension oet Marum in Grönningn

Winter Guard International, vuural bekeand en vuur t gemak of ekörtt töt WGI, is de opvolger van de in 1977 op erichte Indoor Colorguardwedstriedn. WGI is ne organisasie wat wedstriedn en kompetisies opsteelt vuur visueel opvoordne keunste. De noadruk lig hierbie op colorguards (vlagndreeiers) en seend n antal joar op indoor percussion (slagwoark binnshoes). De wedstriedn wordt eheuldn in de VS en Kanada. t Heuwdkantoor van WGI zit in Dayton, Ohio.

WGI is op ericht duur zes leu in San Francisco: Don Angelica oet Niej Jersey, Shirlee Whitcomb oet Zuud-Kalifornië, Stanly Knaub oet Seattle in Washington, Bryan Johnston en Marie Czapinski oet Chicago in Illinois en Lynn Lindstrom oet Arlington Heights in Illinois. Zee richten de eerste klasse van WGI op, de ofdeling Vlagndreein. De tweede klasse, indoor percussion, wör pas in 1992 op ericht.

WGI wör op ericht as ne extra wedstriedverbaand tusken de hoogseizoenn duur. De leu dee't metdoot an WGI, komt vake oet n Drum & Bugle Corps. Disse korpsn doot in de weentermoanden nit zovölle. Vandoar at dr as teegnhanger vuur de leefhebbers wat in t weenter organiseerd is. Ook umdet de colorguards en t slagwoark vake ne oonderstönnde rolle hebt, is WGI de geleagnheaid um as colorguard of slagwoarkgroep es echt te loatn zeen wa'j in hoes hebt.

WGI steelt vaste regels en kriteria op, leawert oonderwies en hulpe, en regelt wedstriedn op regionaal, laandelik en internasjonaal nivoo.[1]

In Europa[bewark | bronkode bewarken]

In Europa wordt alle joarn noar Amerikaans vuurbeeld de CGN-wedstriedn (Colorguard Nederland) eheuldn en t IPC (Indoor Percussion Circuit).

Verwiezing[bewark | bronkode bewarken]

  1. https://web.archive.org/web/20130329015046/http://www.wgi.org/contents/History.html Winter Guard International. History.] Bekekn op 5 april 2011.

Websteas[bewark | bronkode bewarken]