Wikipedie:Spelling
Op disse pagina vie'j de spellingsrichtlienen veur de verschillende Nedersaksiese tongvallen. De meeste daorvan hebben gien offisiële spellingsregels, mer der bin overal zwat wel spellingskommissies die n schriefwieze uutebröcht hebben.
[bewark] Systeemteksten van Wikipedie
De systeemteksten van Wikipedie bin eschreven in t West-Veluws, de schriefwieze die daorveur gebruukt is, heet de Algemene Nedersaksiese Schriefwieze (ANS). Naost de systeemteksten is oek t veurblad in t West-Veluws (oek in ANS), de artikels van de maond en t leste niejs dat op t veurblad steet bin altied verschillende Nedersaksiese dialekten. Der is eprobeerd um bie de vertaling van de systeemteksten zo goed as t kan rekenige te houwen mit de aandere tongvallen van t Nedersaksies, zo bin de beschrievingen veur de tabblaojen bieveurbeeld in t Twents en de tekste in de zeukbalke ("zeuken") is vertaald in de meestveurkoemende dialekten.
A'j wat te klagen hebben of wat vragen willen, kom dan effen langes in de praothoek.
[bewark] Schriefwieze
De Algemene Nedersaksiese Schriefwieze (ANS) is onze veurkeursschriefwieze. t Wörden onder aandere gebruukt in de systeemteksten, veur t schrieven van Nedersaksiese artikels en teksten, veur t beneumen van onze kategorieën en gao zo mer deur. De Algemene Nedersaksiese Schriefwieze ku'j op diede pagina bekieken, daor vie'j n beschrieving van de klanken (in t Internasionale Klankeschrift) en de biebeheurende letterkombinasies.
In de tabel hieronder vie'j n overzichte van aandere meugelike schriefwiezes.
