Wikipedie:Praothoek

Niej berich derbie zetten / Nij bericht der hìnzetten

De praothoek / De kwedelhörn / n Kuierhook Welkom in de praothoek van de Nedersaksiese Wikipedie. Hier ku'j gezellig praoten en diskussies voeren over alderhaande zaken die mit Wikipedie van doon hebben of je kunnen gewoon effen wat biekletsen. Aandere verwiezingen Botstaotus anvragen / request bot status Archief van "De praothoek"

Artikelantallen per dialek

Hieronder vie-j een overzichte van de artikelantallen per dialek. Sεrvιεи | Overleg » 23:30, 29 mei 2010 (CEST)

Aktueel euverzicht:

1. Achterhooks: 762
2. Tweants: 677
3. West-Veluws: 598
4. Grunnegs: 504
5. Stellingwarfs: 472
6. Drèents: 372
7. Oost-Veluws: 144
8. Sallaans: 115
9. Urkers: 12

Meeste artikels oktober 2011: Achterhooks: 756 Tweants: 616 West-Veluws: 586 Grunnegs: 497 Stellingwarfs: 469 Drèents: 357 Oost-Veluws: 142 Sallaans: 108 Urkers: 11

Meeste artikels mei 2010: Achterhooks: 718 West-Veluws: 548 Tweants: 506 Grunnegs: 462 Stellingwarfs: 426 Drèents: 294 Oost-Veluws: 137 Sallaans: 103 Urkers: 11

Hoogste greui (mei 2010-oktober 2011) Tweants: +110 Drèents: +64 Stellingwarfs: +43 Achterhooks +38 West-Veluws: +38 Grunnegs: +35 Sallaans: +5 Oost-Veluws: +5 Urkers: gelieke ebleven

febrewaori 2009-mei 2010: Tweants: +238 Grunnegs: +55 Stellingwarfs: +45 Achterhooks: +29 Drèents: +29 West-Veluws: +28 Sallaans: +9 Urkers: +3 Oost-Veluws: +2

Onderwarpen per variant

Ik bun n betjen met CatScan an et knoojen ewest, doar kö'j deursniedingen van kattegeriejen met maken. Gif wal interessante informatie, ovver wat veur kattegeriejen per sproake anwezzeg bunt. Ik denke dat iedere heufdkattegerie in elke sproake verteggenweurdegd zol motten wean, um ne balanseerde encyclopedie te kriegen. Dus hier wat kattegeriejen dee't in ne bepoalde variant onderverteggenweurdegd of ovvermoateg anweazeg bunt, dus a'j neet wet wat of i-j wilt skrieven, kan dit wat inspiratie gevven:

• Grunnegs: niks ovver sport of sporters (Marianne Timmer is toch Grunnegs?), weineg ovver geogroafie, weineg meziek
• Tweants: ovververteggenweurdegd in meziek, moar weineg ovver netuur
• Dreants: gin sporters, weineg geogroafie
• Achterhooks: ovververteggenwoordegd in Geogroafie, weineg Geleuf, weineg Netuur
• Sallaans: gin Netuur, weineg Meziek, ovververteggenweuurdegd in Geleuf (dus te weineg in de andere varianten).
• Veluws: ovververteggenweurdegd in Netuur, weineg Meziek.

Dit is gin kompleet ovverzicht, alleneg moar woar da'k op ezocht hebbe. Droadnaegel 01:58, 9 jan 2011 (CET)

Goa ik even n projektje van moaken! Grönneger 1 11:40, 9 jan 2011 (CET)

Sj-klaank

Wat mie opvuil is dat veul Grönnegers (veuraal de ollen) gain sj (/ʃ/) zèggen kin. Lèstens heurde ik n man op tv dij zèggen wol van "finishing touch", môr hai zee "vinnezing töts". Is dat bie joe ook zo? Grönneger 1 20:27, 20 jan 2011 (CET)

Joa, det heur ik ook wal es. Mer hier wil t nog wal es det t öar lukt as ze öar beste doot. Dan maakt ze dr mear /sj/ van. Of nen heeln zwoarn /s/ met roonde lipn. Mer det heur ik n aandern (Hollaanders) ook wal daagliks doon. Woolters 01:01, 21 jan 2011 (CET)

Zaak Warmelink/Mathonius (RB-NDS 28-01-2011)

De zaak tussen gebruiker Erik Warmelink en gebruiker Mathonius op 28 januari 2011 in het Praotkefee van de Nedersaksische uitgave van Wikipedia.

Zaak in feitelijke instantie

Gebruiker Erik Warmelink beweert dat hij in zijn privé-sfeer wordt lastiggevallen en bedreigingen ontvangt van voor hem onbekende personen. Daarbij beweert gebruiker Erik Warmelink dat gebruiker Mathonius verband houdt met deze bedreigingen en zich schuldig maakt aan verdacht en hinderlijk gedrag. Gebruiker Mathonius meent geen enkele relatie te hebben tot de omstandigheden van gebruiker Erik Warmelink en wenst niet langer 'onterecht' te worden beschuldigd. Naar aanleiding van dit conflict en de hinder die andere gebruikers, zoals gebruiker Woolters en gebruiker Droadnaegel hiervan ondervinden, zal ik als onafhankelijke derde een uitspraak doen om de Nedersaksische Wikipedia en haar gebruikers deze hinder te ontnemen.

Uit eerder voorgevallen situaties is gebleken dat gebruiker Erik Warmelink weldegelijk op persoonlijk vlak last heeft van bedreigingen van zijn persoon of diens familie en dat deze dreigende personen, wie dit ook moge zijn, zich ook tot Wikipedia, deze en andere uitgaven, begeven om gebruiker Erik Warmelink te bejegenen. Echter is een verband tussen gebruiker Mathonius en deze bedreigingen niet direct af te leiden uit de gedragingen die deze gebruiker tot dus ver op deze uitgave van Wikipedia heeft vertoond. Daarbij moet ik wel vermelden dat ik de mogelijkheid van enige betrokkenheid van gebruiker Mathonius bij de privé-zaken van gebruiker Erik Warmelink niet uitsluit. Als onafhankelijke derde doe ik de volgende uitspraak:

Uitspraak

Overwegende dat deze en alle uitgaven van Wikipedia zijn bedoeld om samen encyclopedische artikelen te schrijven, is het niet mijn intentie om hier een der partijen in zijn gelijk of ongelijk te stellen. Gezien beide standpunten niet kunnen worden bewezen, zonder dat de andere partij een ander verloop van omstandigheden blijft beweren, is het derhalve ook onmogelijk om een der partijen gelijk te geven. Echter de hinder die de Nedersaksische Wikipedia en zijn gebruikers ondervinden, is genoeg aanleiding om tot oplossing van dit conflict te trachten. Met het recht dat ik heb als onafhankelijke derde, verbiedt ik beide partijen om zich de komende drie maanden met elkaar te 'bemoeien' op deze Nedersaksische Wikipedia, op straffe van éen maand blokkering. Wanneer een gedraging van een der partijen leidt tot ernstige situaties, dan dient de andere gebruiker zich hier niet om te bekommeren, maar laat dit dan over aan een andere gebruiker die het eventuele vandalisme zal behandelen. Onder 'ernstige situatie' en 'eventueel vandalisme' versta ik niet kleine wijzigingen in een handtekening of een verwijzing naar een Nederlandstalig sjabloon.

Tot slot wil ik nog even zeggen dat het gebruik van de Nederlandse taal op deze Wikipedia een uitzondering is en dat iedere gebruiker die hier tracht bij te dragen op zijn minst zou kunnen proberen de taal te begrijpen. Verzoeken om over te gaan op het Nederlands zijn naar mijn oordeel dan ook niet bindend.

Slotbepalingen

Tegen deze uitspraak kan niet in beroep worden gegaan. Daarmee verklaar ik de zaak gesloten. Grönneger 1 11:38, 28 jan 2011 (CET)

Grönneger 1, bedankt veur et deurhakken van disse knuppe. Jammer dat et mot, en neet plezereg um te doon, moar et gif wal dudelekheid. Droadnaegel 23:02, 28 jan 2011 (CET)

Zie hier voor een reactie van mijn kant. Met vriendelijke groet, Mathonius (overleg) 12:14, 30 jan 2011 (CET)

Isoglossen

Ik bin wel benijd welke isoglossen binnen t Nederlaands Leegsaksisch de verschaaidene dialekten onderschaaiden. Tuzzen t Grönnegs en t Drìnts is dat nait zo stoer, oe-ou, ie-ai, uu-ui, wij maokt-wie moaken, etc., môr hou wordt t bie de aander dialekten? Grönneger 1 15:57, 9 feb 2011 (CET)

Tweants-Sallaands: hoes-huus, steet-stiet, book-boek, beukske-buukie, neet/nich-niet.

Tweants-Achterhooks: Tweants hef nen velearen wriefklaank (hardn -g/Duutsen Ach-laut), Achterhooks hef zachten -g/Ich-laut. Achterhooks sprekt de leste -en in woarkwöarde en zelfstaandige naamwöarde volledig oet (lopen), t Tweants maakt dr nen lettergreepmetkleenker van (loopn, net as Grönnings, Sallaands en Dreants dus). t Kan wean det wat Achterhookse dialektn dee't körter bie Tweante lignt dit leste ook doot.

Woolters 16:50, 9 feb 2011 (CET)

Tussen Tweante en Achterhook löp gin isoglosse, of in elk geval valt der neet verskeidene samen. A'j van Wenters, noar Nee, noar Hoksebarge goat, bunt der wal kleine verskillen, moar is feajlek n mooi veurbeeld van n dialektkontinuum. Meer noar et zuden in den Achterhook, en meer noor et noorden bunt der wal wat. Noord Achterhooks hef absoluut gin zachte g, harder kö'j ze hoast neet kriegen. Dat begunt zon betjen op de liene van Vasseveld via Deutekem noar Zutfent, en dan he'j al hoast de helfte van den Achterhook ehad. Bi'j de Liemers is et echt zacht. Zelfde verhaal veur de oetgangen, Liemers lope, de buurte van Deutekem / Hummelo -en, dus lopen (luustert moar noar Normaal), wieter noar et noorden loop'm. Veur mien geveul bunt der gin echte isoglossen op de grenze van Achterhooks en Tweants. Wieter noar et noorden wal: ovvergang van neet (Achterhook/Zuud Tweante, of Tweants-Groafskaps) noar nich (hardcore Tweante) beveurbeeld. Woar herken ik nen Tukker an? Veural an de lengte van de klinkers, in et Achterhooks bunt dee vake wat korter. ACT laand, TWE laaaand (ok wat nasaler). Droadnaegel 23:15, 11 feb 2011 (CET)

En de -e den? Dij ken ik typisch van t Achterhouks, komt dij ook ien Twìnte veur? Ik bedoul bieveurbeeld wi'j ziene/zene, ik bu'j an et doene/doone, ik heb ekregene. Grönneger 1 10:11, 12 feb 2011 (CET)

Det is ook in wat zuud-Tweantse dialektn al, Grönneger. Bv. Eanters: kökne, vuugele, egoane/edoane/ezeene/estoane. Al is det allene t voltooide deelwoard. Woolters 16:27, 12 feb 2011 (CET)

En veeeardr wat Droooadnaeeeegl zegt, vieleu dooooot wat laaaankgerektr vaaaake ;). Woolters 16:31, 12 feb 2011 (CET)

Bewarkingsinterface

↑ Hierboven stoat ploaties. k-Heb ekuezen voor "monobook", "Laot de warkbalke neet zien" en haar ekeuzen veur "De uut-ebreien bewarkingsbalke neet anzetten" en "Dialogen veur 't toevoegen van verwiezingen, tebellen en meer neet inschakelen". Den dommen balk stiet-r toch. Ik bin neet bliede. --Erik Warmelink 21:36, 16 feb 2011 (CET)

Inderdoad vrömd, met vector lik et wal good te goan, moar doar he'j niks an a'j dat neet wilt. A'w toch an et vroagen bunt: de verstekweerde veur thumbnails is 220px, noo de resolutsies op et scherm steeds hoger wordt, mag dat veur mi-j ok wal wat groter. A'k anemeld bun, kan'k et instellen, moar dat bun'k neet altied, en dan vind ik net wat grotere pleatjes der better oetzeen. Droadnaegel 22:20, 16 feb 2011 (CET)

Vector zit mie wat völle an de grootte van t font (weal 2 slagen kleiner as wa-k gewoon bin). --Erik Warmelink 09:16, 17 feb 2011 (CET)

Over de thumbnails, da-s lastig, veur nen vaste monitor is t te luttik, veur n mobieltien is t te groot. --Erik Warmelink 09:16, 17 feb 2011 (CET)

Veur mobiel he'j toch http://mobile.wikipedia.org/ ? (nog) neet in et Nedersaksies, moar toch. Droadnaegel 21:09, 17 feb 2011 (CET)

Dat giet nog neet echt mooi, vergeliek tabellen op http://mobile.wikipedia.org/transcode.php?go=Groningen+%28city%29 moar s met en:Groningen (city). --Erik Warmelink 02:20, 18 feb 2011 (CET)

Wat noe precies ewarkt hef, wee-k zo neet, moar noa wat prutsen in mien veurkeuren, he-k monobook weerumme en gin bewarkingsbalke meer. Zeet ok nl:Wikipedia:De kroeg/Archief 20110226#Nieuwe software vanaf 7:31. --Erik Warmelink 02:20, 18 feb 2011 (CET)

Raandstadproveensie

Moi,

Ik zag dat TristanAidan t artikel Raandstadproveensie aanmoakt haar en nou leek mie dat wel n schier onderwaarp om over te diskusjeern. As der n raandstadpervìnzie komt, zellen ozze streken nog meer benoadaild worden. Hou kieken joe hier tegenaan? Ik zel mien mainen waiten loaten noadat joe dat doan hebben.

Grönneger 1 17:16, 27 feb 2011 (CET)

Ja t kan ook in t vuurdeel wean, want zo krie'j nog mear t Oost teegn West, of twee stoatn in 1 laand. Zo lok iej juust ne reaksie oet van de leu van boetn de raandstadproveensie dee't zi'k benoadeeld veult, en doarumme as teegnreaksie zik op de lokale saamnleawing goat richten met investeern. Wellicht keump dr dan ook mear saamnwoarking tusken de "Sassenproveensies", wat oonze sproake wier vuurdelig kan wean. Mer ik zin nit zonnen ekonoom of stoatkeundigen. Woolters 17:51, 27 feb 2011 (CET)

Presies, dat wol ik ook zèggen. Messchain kriegen wie n soort Belgie, mit twij of drij federoale stoaten: Hollaand-Utrecht-Flevolaand, Fraislaand-Grunnen-Drìnte-Overiesel-Gelderlaand en Limbörg-Broabant-Zeelaand. Grönneger 1 21:17, 27 feb 2011 (CET)

Ik denke dej dan eerder een noordelijke pervincie Frieslaand/Grunning/Drenthe zolden kriegen (die drei hebt now al veul mandielige structuren) en een oostelijke Oaveriessel/Gelderlaand. 't Döt een beetien denken an de grote departementen van de Bataafse Rippebliek. Ni'jluuseger 16:17, 7 mrt 2011 (CET)

Joa, môr as man noar ienwonertel kiekt, den is n grotere pervìnzie logischer dunkt mie. Grönneger 1 16:46, 7 mrt 2011 (CET)

Et ligt er moar an woar da'j noar kiekt. A'j kiekt noar antipathie tegen Hollaand, dan is zon betjen heel Oost Nederlaand, van Frieslaand tot Limburg vereanegd. A'j kiekt noar et geveul van verbondenheid van de leu, zölt Gelderlaand en Oaveriessel et met mekare können vinden, en de dree noordeleke previnsies ok. A'j kiekt noar inwonnertal, geleuf ik neet dat dat nen groten rol spölt in et geveul van de leu. A'j kiekt noar ekonomiese meugelekheden, dan zol de samenwarking van Broabant (dat wal es onderskat wödt, moar in feite ene van de grootste ekonomiese anjagers van ons laand is), met Gelderlaand (Arnhem-Nijmegen) en Oaveriessel (regio Eanske en Hengel) ne iezerstarke kombinatie wean. Met de Bataafse Republiek he'k persoonlek neet zovölle, woar den Achterhook samenvölt met n deel van Utrecht en Holland. Dat hef neet veur niks moar dree joar bestoan. Droadnaegel 23:03, 7 mrt 2011 (CET)

Ik mag dit aigelks wel lieden. Obwool der tuzzen Fraislaand en Grunnen voak spanningen binnen en n toalkundeg verschil, toch is de mentaliteit ien Grunnen meer aigenst mit Fraislaand as mit Drìnt, dij wat dat aangaait dunkt mie wat meer mit Overiesel het, t echte Saksische. Grunnen het wat dat aangaait meer overain mit Oostfraislaand, ook al is dizze overainkomst nait meer hail bekend deur de laandsgrìns. Ien dit filmke zitten de Floamse provìnzies der bie, mòr as dij der nait bie kommen, zol ik gewoon ain Zudelk Nederlaand doun. As Floandern der wel bie komt, zol ik nait én Zudelk Nederlaand doun én t Floams gewest beholden. t Floams gewest is wat dat aangaait ook mòr n kunstmoatege konstruksie mit veul verschil tuzzen de Westfloamingen, Oostfloamingen, Antwaarpers/Broabanders en Limbörgers. As Floandern der den toch bie komt, kinnen wie beter de aansloeting mit de Nederlaandse dailen weerom brengen. Wat de ienwoneraantel aangaait, t dunkt mie wel dat luu doar noar kieken goan. Ien n Heeg kiekt man nait zo noar regionoale kulturen, man kiekt noar 'efficiency' Grönneger 1 00:04, 8 mrt 2011 (CET)

M'n liejen dat 't der neet kump! As 't zol gebeuren dan zo-k in elk geval neet blie ween, behalve as Zeewolde dan bie Gelderlaand geet heuren of zokswat, van mien part kan dat hele Noord-Hollaand mien esteulen wönnen, 'k heb der niks mee. Mer bie ons (in Zeewolde) trekken wulen à meer naor Harderwiek en de Veluwe toe, in Almere is dat Amsterdam, daor woenen oek een bulte Amsterdammers (of-ekeurd volk dee de stad neet meer in mag ☺). Dus binnen zo'n previnsie is der awweer verschil, mer ja wees noen toch es eerlijk wat he-w tegensworig noen toch an zo'n previnsie, 't kan beter of-eschaf wönnen, en dan maak je der gewoon een "regio" van (regio Flevolaand, regio Gelderlaand...) 't scheelt gelieke een boel kosten! Sεrvιεи | Overleg » 18:39, 10 mrt 2011 (CET)

Doar zeg iej wat Servien. Oaweriessel besteet vuur de meeste inwonners nit. In Tweante en Sallaand sowieso nit. Tweante neumt zik Tweante, en Sallaand neumt zik Sallaand. In Healdern en Tweanteraand is t n lastig verhaal, vuural in Nijverdal, wat vuur de helfte Sallaands en vuur de helfte Tweants is. Mear iej zeet feaitelik noargns de offisjele oaweriesselse vlagge in de heuwe en in vlagnhoolders, behalve op proveensiegeböwwe. Vuural in Tweante zee'j aal mear vlagnmäste nöast t hoes komn met n Tweantevaandel dr in: ditte dus. n Nog grötter gebeed as bestuurlike indelige zal nog meender ansprekn as Oaweriessel al dut. Woolters 00:48, 11 mrt 2011 (CET)

Vrumde luu en vandalisme

Moi,

Vaalt t joe ook nait op dat as der vandalisme pleegd wordt, dat der den ien ais n vrumde luu binnen, dij wie hier noeit zainen, dij dat oplözzen? Roare boudel. Grönneger 1 13:19, 3 mrt 2011 (CET)

Zeet m:Small Wiki Monitoring Team, luu könt noe overal trollen en ze biet direct. t Idee zal weal wea'n dat as hier ok vlot ebetten wurd, de luu neet op de "grote" wikis goat trollen. --Erik Warmelink 14:57, 3 mrt 2011 (CET)

Kiek, vandoar. Nou, zo laank zai os nait ien e weeg stoan vin ik t apmoal bèst. Grönneger 1 15:07, 3 mrt 2011 (CET)

t Is allineg n bettien drok op speciaal:leste wiezigingen, moar wieders he-j der gin last van. --Erik Warmelink 15:18, 3 mrt 2011 (CET)

Ik wete nich, ov dat hier de richtige ord is, …

… man dat geevt noch nich noog Nedderzassis op Tatoeba.org. Kpeter b 09:51, 19 mrt 2011 (CET)

Machtig mooi um zo wat te zeen, ik zitte dr oawer te deankn um met te doon. NDS-relateert, en t was netjes in n kuierhook ezat, met naam en toonaam dr bie. Lik mie gin spam. Dr stoat wal vakerder zulke dinge hier. Woolters 12:22, 20 mrt 2011 (CET)

t Lik mie weal spam, Dr stoat weal vaker zulke dinge in mien mailbox. --Erik Warmelink 01:27, 22 mrt 2011 (CET)

Slomox zien noam staait der bie, dus zo slim zel t wel nait wezen. Grönneger 1 08:42, 22 mrt 2011 (CET)

Doar he-j geliek an, as Slomox metdoot, is-t neet slim. Maar Slomox haar nds:tatoeba nog neet an emaakt, en der waren iets van 150 of 160 zinnen op tatoeba, as ik t op nds en nds-nl zag. sulutil:Kpeter b hef twee biedroagen edoan, ene stiet hierboven, de aandere waar op nds en den lik barstends op zien biedroage hier. --Erik Warmelink 20:21, 22 mrt 2011 (CET)

Petticoat

Ik wos nait dat de musical Petticoat over n Grönnegs wicht ging. Grappeg om Chantal Janzen mit n Grönnegs aksìnt proaten te heuren:

• Chantal Janzen: "Arregat nog aan tou, Wilma Nanninga"
• körte doku

Grönneger 1 12:35, 21 mrt 2011 (CET)

Grönnegs blog

Moi,

Ik heb n blogje moakt mit wat achtergrond informoatsie over t Grönnegs. Den staait t touminste nait apmoal hier, môr is der ook nog n aander stee woar of man t vinden kin. Natuurlieks staait der wel n hìnwieze noar hier.

http://grunnegs.blogspot.com/

Grönneger 1 14:41, 21 mrt 2011 (CET)

Zut der skier oet Grönneger, en i-j hebt geliek, meer websteas ovver et Nedersaksies is better. Wa'k mi-j dan weer wal afvroag is: woarum is de sproake van ne webstea ovver et Grönnegs et Hollaands, toch neet umdat dat ne heugere stoates hef? Droadnaegel 00:37, 27 mrt 2011 (CET)

Doar heb ik n haile zet over noadocht en oetìndelk heb ik toch mòr veur Hollaands kozen omreden ik op dij menaaier meer luu, ook oet aander dailen van Nederlaand, kennes moaken loaten kin mit t Grönnegs en zien achtergronden. Doarnevven is t ook hail stoer om n bepoalde toalaigenschop te beschrieven ien de toal zulfs. Dat vin ik hier ook al muilek en wie nuimen hier geregeld "zo as t Hollaandse ..." of "(Hollaands: ...)". Grönneger 1 10:56, 27 mrt 2011 (CEST)

Schier, man. Misschien kunt ze op webstees as Dideldom een verwiezing naor oen blog zetten. Ni'jluuseger 18:36, 30 mrt 2011 (CEST)

Malinfo of Dokumentatie ?

Veur et beskrieven van mallen he'w no mal:Malinfo en mal:Dokumentatie. Et lik mi-j better um doar enen mal veur te gebroeken, um verwarring te veurkommen. Zelf he'k et leefste Dokumentatie, moar ik wet neet hoo of andern doar ovver denkt. Effen neet kieken noar kleuren, dee könt altied nog veranderd wodden. Droadnaegel 23:35, 24 mrt 2011 (CET)

A-k mot kiezen, dan he-k ok lever Dokumentatie. t Lik mie weal better um enen mal veur t beschrieven te gebruken, moar neet barstends belangriek: as enen völle schrif en lever Malinfo gebruukt, dan mag he dat van mie. --Erik Warmelink 17:29, 25 mrt 2011 (CET)

Is ok neet heel belangriek, zekers in dit geval neet, umdat et neet in de artikelruumte veurkump en malskrievers bunt ovver et algemeen gin absolute wiki-beginners. Moar ik bun wal veur dudeleke richtlienen, gewoon umdat dat minder sloddereg ovverkump, en efficienter, gin gezeuk wat noo den besten mal is, of hoo da'j iets in mot vullen. Etzelfde he'k noo met de infoboxen, da's noo ok n betjen nen kroam, en zit wal in de gebroekersruumte. Ik zol derveur wean um doar 1 stiel te kiezen, zodat et herkenboarder is veur de gebroekers, en makkeleker veur de skrievers. Dus ik hebbe de verskeidene infoboxmallen 's bi-j mekare ezat op Gebruker:Droadnaegel/zandbak en zol willen wetten wat of wi-j noo wilt:

• lettergreutte, wi-j hebt noo 100%, 95% en 85%, wat vi-j door et mooiste?
• border/randjen. Sommege mallen hebt een raandjen tussen de cellen, sommegen ok neet, zeg moar wat et wodden möt, moar loa'w ze allemoale etzelfde maken
• randjen um de vlagge, wal of neet?
• wal of neet ne achtergrondkleure veur de linkercellen
• de tekst in de linkercellen wal of neet vet-edrokt?
• Titel/naam van et onderwarp van de infobox: derbovven of derin?

Loat et moar wetten, dan köw de mallen n betjen op mekare loaten lieken, en noar miene mening ne better oetzeende encyklopedie maken. Droadnaegel 00:16, 27 mrt 2011 (CET)

lettergreutte: 100% (dat is: niks an doon, ok neet "font-size: 100%;"). --Erik Warmelink 13:26, 28 mrt 2011 (CEST)

raandtien um de vlagge: weal bie , neet bie . Dat mot n parameter wean. --Erik Warmelink 13:26, 28 mrt 2011 (CEST)

titel van de infobox: den stiet bovenan de bladziede, kö-j vake vortloaten. --Erik Warmelink 13:26, 28 mrt 2011 (CEST)

raandtien tussen de cellen, achtergrondkleure veur de linkercellen, tekst in de linkercellen vet edrokt: hef met mekare te maken, en wee-k nog neet. --Erik Warmelink 13:26, 28 mrt 2011 (CEST)

achtergrondkleure veur de linkercellen: neet bij de vlagge/t wapen. Zeet Luxemburg (laand), den grijzen box um de vlagge lik neet mooi. --Erik Warmelink 11:08, 13 apr 2011 (CEST)

He'j helemoal geliek an, Erik, ik was der nog neet an too ekommen, moar dat was een van de dingen dee't nog op et plan stoonden. Ik was moar vast an evongen met et veraandern van de mallen, heaneg an, zoda'w de tied hebt um te bekieken hoo et oetvölt. Wa'k zelf denke dat der nog gebeuren mot:

• invullen van de vlagge en wapenlinks onder de vlagge en wapen (zeet Oaveriessel veur n veurbeeld) in de verskeidene laanden-, previnsie- en gemeentemallen
• wapenlink (dus rechtercel) ok lechtgries gebeurd
• vlagge juust neet gries gebeurd
• umzetten van de gemeentemallen, plaatse-mallen en nog wat aandern noar standard infobox gebeurd
• maxwidth en height veur de vlagge- en wapenofbeeldingen, met et leefste wal wat ruumte vuur "portrait"-wapens
• vertical align van de vlagge (dus algemeen, verskoeven van de "markup" van de vlagge- en wapenofbeeldingen noar de mallen, moar dat is nogal wat wark, umdat elke ziede dan veranderd mot wodden, meskien dat Neagelbot doar wat doon kan)
• gries maken van et webstea veld (dus vootkop)
• meer of better gebroek maken van et region veld
• meer etzelde maken van de mal-parameters, in elk geval altied of in kleine letters, of in kleine letters met heufdletter

Woar ik nog neet helemoal oet bun:

• wal of neet n "dummy" ofbeelding as de vlagge of wapen ontbrök. Zojoa, dan meskien n mal:infoboxvlagge anmaken, zoda'w dat altied op dezelde manere doot
• de plaats mallen hebt no nen dubbelen kop, met verskillenden griesweerdes, ik bun der nog neet ovver oet hoo dat op te lossen is zodat et der ok nog n betjen good oet zut
• wieters bun'k nog n betjen an et prakkezeren hoo de mallen noo et best op ezat könt wodden zoda'w op et ende neet veur elk land, en elke gemeante en plaatse per laand aparte mallen in vief sproakvarianten hebt, dat könt der ne bulte wodden, en is onderholdstechnies neet handeg.

Dus, nog genog te doon. Ik denke, ik zet de lieste dee'k in et heufd hebbe hier effen neer, et kan natuurlek dat andern der heel anders ovver denkt wat der gebeuren mot, moar is in elk geval bekend woar ik hen goa, a'j mi-j neet teggenholdt :-). Droadnaegel 23:22, 13 apr 2011 (CEST)

Tekst oaver de taalgeschiedenis van noordoost-Nederlaand

Dizze tekst (en wiedere heufdstokken uut 't zölfde boek) gef een aordige, algemiene kiek op de geschiedenis van 't Nedersaksisch in samenhang mit die van 't Nederlaands. Ie leert det noordoost-Nederlaand talig al vrog een oavergaanksgebied was, det in de schrieveri'je zo vanof de Hoge Middelieuwen staorigan meer beïnvloed wördden deur 't westen, beveurbield umdet 't hudige Overiessel en Drenthe onder 't bisdom Utrecht kwamen te valen.

Veurdet de schrieftaal dudelijker vernederlaandsten, hef in de Hanzesteden an de Iessel een steugien een tussenvariaant bestaon tussen 't Middelnederlaands en 't westelijke Nederduuts. Dizze schrieftaal, die gebruukt wördden deur de invloedrieke religieuze beweging van de Mederne devotie, nuumt ze wal Iessellaands. Ni'jluuseger 18:26, 30 mrt 2011 (CEST)

Moin, kö-j mie t verschil anduden tussen "talig n oavergaanksgebied" en "deel van n dialektkontinuüm"? Oaver "al vrog", is r nen tied ewest dat noordoost-Nederlaand talig gin oavergaanksgebied waar?

Een dialectcontinuum hej oaveral daoras dialecten in mekare oavervluuit. Mit 'talig een oavergaanksgebied' wiest ze volgens mi'j op partie belangrieke isoglossen (bv. ou/ol), mar ok op de wisselnde oriëntatie van oonze gebieden - economisch en dus ok talig - op 't oosten (bv. deur de economische contacten van de Hanze) en 't westen (bv. deur 't bisdom Utrecht en de gruuiende economie van Hollaand).

Ik geleuve dej véur de westerse taalinvloeden niet meer spreken kunt van een oavergaanksgebied: 't idee is, mar bewies is betuun, det 't Middelnederduuts (en vervolgens 't mederne Nedersaksisch) in oenze streken ontwikkeld is uut 't Oldsaksisch. Ni'jluuseger 13:00, 6 apr 2011 (CEST)

Artikel idee: Neersassiese vergeliekings

Moi leu, ik heure deagns um mie hen nen machtigen hoop vergeliekings, dee't, a'j dr oawer noa komt te deankn, feaitelik beheurlik uniek zeent vuur oonze sproake. Non kan'k dr wal n ärtikel van startn, mer ik wol eerst heurn of t nit meuier is a'w det tehope doot. Met vergeliekings bedool ik dus oetsproakn as: Zo toa as hoondelear of zo dreuge as Sunterkloas zin gat, zo skel as nen Maleier, zo dikke as n driethoes. Woolters 19:25, 4 apr 2011 (CEST)

Bi-j makare is better, duch mi-j, want ik geleuf neet da'k der zo genog kenne veur n heel artikel. Moar et kan wean, umda'j der noo ekstra op goat letten, da'k der in ens ne bulte goa ontdekken. Da's vake zo, a'j argens bewust van wodt. Dikke as doezend man, rood as nen Ieslaander, smach as nen beer. Droadnaegel 22:12, 4 apr 2011 (CEST)

Na, kiek, doar goa'j al hen. Zo zat as n aap, drietn as nen bear, miegn as nen geeter, Zo blauw as n tientje, loopn as ne kiefte, oogne in n kop, net glöazige siepeln. Woolters 22:31, 4 apr 2011 (CEST)

Ik heb der gien weet van ho of dat 't noen krek in de aandere dialekken is mer hier he-j der wat in 't Nunspeets, ik herkenne der wè wat van in aandere dialekken: uut de tied koemen, zo vlogge as modder/stront tegen een barg op, kieken o-j waoter zien branen, op 't pad van vriendschap mut gres greuien, dee is in 't stro eleeg, 't mit mekare in 't wiere hemmen, an de leste memme liggen, zien hef gien ogen, de loch is of-eschraod, schone an de latte ween, hij is goed te passe, ze bin of-etrouwd, zo rood as een kralle, een Keulse reize, een Annemse reize, zo fien as gemaolen poppestront, dee hef een planke veur de kop, je kunnen m'n de bok fotsen Servien 19:25, 5 apr 2011 (CEST)

'Zo dreuge as Sunterklaos zien gat' is een hiele typische; 'zo zoer as eek' schöt mi'j ok in 't zin. En Mooi Wark heur 'Geil as een bossie siepels in augustus'. Volngs mi'j bint d'r ok een bulte die aj ok in 't Nederlaands hebt, zoas 'lopen as een kiefte', 'lopen als een kievit'. Ik wete niet of dit soort vergeliekings veural typisch bint veur 't Nedersaksisch (zoas zeespreuken det beveurbield bint). Ni'jluuseger 13:08, 6 apr 2011 (CEST)

Zo troag as dikke driete (duur nen trechter). Woolters 17:14, 6 apr 2011 (CEST)

Vergeliekingsvörmen

Onder Achterhooksen taalwiezer#Vergeliekingen staait:

De vergeliekende trap : et woord 'as' wördt ebroekt, in plaatse van 'dan' in et Nederlands, en ok de persoonsvorm is neet den eersten: NL: Jan is groter dan ik [ACT]: Jan is groter as mi-j

Is et in aandere dialecten van et Nedersaksisch ook zo? Heit et ik bun groter as hum of ik bun groter as hie? --::Slomox:: >< 10:58, 20 apr 2011 (CEST)

Joa, ik geleuf at det in aandere dialektn ook zo is. In Tweante is t in elk geval "ik zin/zun/bin/bun grötter äs um/Hee is grötter äs mie". Woolters 17:57, 20 apr 2011 (CEST)

Heldern/Ommen/t Vjenne: "ik bin groter as hem"; (a-j "hee is" wilt) "ik bin groter as dat hee is". --Erik Warmelink 21:51, 20 apr 2011 (CEST)

Et lik der wal op dat dat ovveral zo is: Grunnegs: Costa Blanca, Veluws: 2 (getal) -Droadnaegel 22:16, 20 apr 2011 (CEST)

Ik binne d'r weer late bi'j, mar as ('groter as') is algemien Nedersaksisch. Vake gebruukt ze dan (groter dan) onder Nederlaandse invloed. Ni'jluuseger 12:29, 6 mei 2011 (CEST)

Multilingual Challenge

Please help: replace this red text with a translation of the English message below. Thank you!

Announcing the Derby Multilingual Challenge This is the first multilingual Wikipedia collaboration. All Wikipedians can take part, in any Wikipedia language. The challenge runs from 1 May until 3 September 2011. Sign up now! " Wikipedia is particularly pleased to see that Derby Museums are encouraging the creation of articles in languages other than English." (Jimmy Wales, 14 January 2011)

Andrew Dalby 15:28, 2 mei 2011 (CEST)

Een bietjen laote

Wulen hemmen der neet ech bie stille estaon mer disse wiki bestung in meert 2011 awweer een jaor of vuve. Al vuuf jaor Nedersaksische infermasie beschikbaor op internet. Op naor de tien! Sεrvιεи | Overleg » 10:17, 4 mei 2011 (CEST)

Och mien god, joa dat klopt. Haar der hail nait bie noadocht, môr gefeliziteerd elkenain mit t eerste lostrom! Grönneger 1 10:38, 4 mei 2011 (CEST)

Blaksem joa, ach zo geet dr wal mear an oons vuurbie. En wat is non vief joar? Filseteerd allemoal in elk geval, en bedaankt vuur disse meugelikheaid Servien, en vuur de gode saamnwoarking en verstaandhoolding met mekaander allemoal. Woolters 15:01, 4 mei 2011 (CEST)

Ik bun der natuurlek neet van den anvang of bi-j ewest, moar ik wil de groandleggers ok felisiteern. Ik denke da'w der met mekare greuts op könt wean wat der presteerd is, met fealek moar n klein tröpken leu. Zeuk in Google moar es op Achterhook, of Tweante of Grunnen. En wi-j stoat nog moar an et begin, de beste tieden komt nog. Ze zölt van ons heuren, of ze noo wilt of neet. -- Droadnaegel 00:24, 5 mei 2011 (CEST)

Van harte filsiteerd. --129.125.102.126 04:54, 6 mei 2011 (CEST)

Nedersaksische radio

Wat menen jullie van de wèenselijkheid, lèvensvatberheid ezw. van een Nedersaksischtalig radiostesjon? Niet allennig veur meziek, mar mit een variëteit an pregramma's, dus ok ni'js, praoteri'je, humor, reportages, spöllegies, veurlezings, taaluutbouw en -bewustwörding... Kan det dan bèter per provincie, of pan-nedersaksisch wörden an-epakt? En kunt 't internet en/of piratenzenders hier wat betieken? Ni'jluuseger 12:39, 6 mei 2011 (CEST)

Det is non precies woer a'k zelf ook vake an deanke. Vie hebt al AllesPlat, mer det is allene mear muziek in t plat, en doarduur leg iej dr juust de noadruk op. Ikzelf zol groot vuurstaander wean van n radiostasjon wat gewoon dezelfde meuk dreeit as alle aandere populeare zeanders, allene is t genöal dr umhen in t plat. Op zonne wieze maak iej t gebroek "natuurlik" en leg iej dr nit de noadruk op. Det is precies wat Harm oet Riessen deed, allene dreeidn hee muziek vuur wat euldere tooheurders. Pan-Nedersaksisch, kearl wat n mooi woard :). Piraatnzeanders köant hier zeker wat beteekn, in det ze vake al n bekeand geluud hebt woer't völle leu (mear as de'j deankt!) an gewoon zeent. Woolters 13:21, 6 mei 2011 (CEST)

Doar denk ik ook wel ais over noa. Dit fragmìnt van Luxembörgse televee het mie noadenken loaten over zoks. Gewoon de 'mainstream media' dij op plat opereern as of t hail normoal is en elkenain (zulfs de prins, vanôf 3:48) dij t dialekt proaten. Zo zol t hier ook wezen mouten en n radiostoatsjon en n tv-zènder en n kraante op plat zol hier goud bie hèlpen. Zulfs bin ik nait zo veur de piroatenzènders, omreden dat weer te veul t imago van de domme boeren en woarbie allend de onderloag van de soamenleven plat proat, ien tieds dat dat haildal nait zo is natuurlieks, môr dat imago ruipst den wel over die ôf. Grönneger 1 23:54, 9 mei 2011 (CEST)

He'k ook oawer noadacht, Grönneger, mer ik moarke det ook de wat klokere, of better-eskoolde leu ook mangs vuur de wille nog wal es noar piraatnspul lustert (gewoon umdet det makkelik in t geheur ligt, as leu bv in thoes verbrekn goat: "bie dom woark heurt domme muziek"). Ik kan nit vuur aandere deeln van oonze strekke sprekn, mer ik wete det de oondernemmers in Riesn heuwdzakelik Riesns met mekoar kuiert (ik kenne dr ene den't n goodloopnd bedrief hef, n redelik stel harsens in n kop hef, en helemoal gek is van Normaal; minn buurman dut met bednspul en zit in n gemeenteroad, mer spölt vuur de wille wal trekzak). Doarmet is t dus nit allene mer vuur de oonderloage vd bevolking (van Riesn). Woolters 00:18, 10 mei 2011 (CEST)

Welk dialekt

Wat dialekt is dit? Ik wait nait of wie dij al haren op Wikipedie:Nedersaksisch beluustern, môr ik vroag t môr even. Grönneger 1 23:02, 9 mei 2011 (CEST)

De's Jelmer van 3FM. Den bewoarket al det soort nommers in t Achterhooks. Steet dr ook bie, trouwens ;). Woolters 23:34, 9 mei 2011 (CEST)

Oke, daanke, nait goud keken :) Grönneger 1 23:54, 9 mei 2011 (CEST)

nl:Jelmer Gussinklo oet Wenters in den Achterhook. Ik zal et nl artikel wal ne kere umzetten, dat soort leu mo'w natuurlek wal n betjen stimuleern. Droadnaegel 00:07, 10 mei 2011 (CEST)

Oet Wenters lik wat overdreven, veur zowied as ik kan nagoan is he op egreuid in Iezerlo (http://www.henkwestbroek.com/2004/de-mooiste-baan-ter-wereld). Is-e misschien in t ziekenhuus eboren? --129.125.102.126 06:01, 10 mei 2011 (CEST)

Et en Fret

Ik bun nou trech worrn mit dat afschrieven van dat öllste Grunnengse toneelstuk Et en Fret, dat is nou komplet op de Wikiborn: oldwikisource:Et en Fret. --::Slomox:: >< 20:59, 11 mei 2011 (CEST)

Moi Slomox, det is geweldig; waor hej de tekst weg? Ni'jluuseger 11:13, 12 mei 2011 (CEST)

Ut de Utgaav van K. ter Laan, 1957. --::Slomox:: >< 19:08, 12 mei 2011 (CEST)

10 jaar Nederlandstalige Wikipedia

Beste allemaal,

In januari dit jaar bestond Wikipedia 10 jaar: wereldwijd is dit gevierd, ook in Nederland. Op 19 juni 2001 is vervolgens onze eigen Nederlandstalige Wikipedia opgericht en Wikimedia Nederland nodigt jullie van harte uit om ook dit 10 jarige jubileum samen te vieren.

Op 18 juni is er 's middags een fotojacht, Wiki takes Den Bosch, om zoveel mogelijk monumenten te fotograferen. De stad staat er vol mee, nu de foto's nog!
's Avonds vieren we feest, met muziek, een hapje en een drankje en een klinkend glas om middernacht. Vier met ons mee en schrijf je in via formulier!

Vriendelijke groet, Ciell 09:14, 15 mei 2011 (CEST)

Veurblad

Huj allemaole! Zoa-j meschien wel ezien hemmen, hou ik zo'n bietjen 't veurblad bie, mer a-jie meehelpen willen, do dat dan gerus! Je maggen gerus joew eigen artikel op 't veurblad zetten ('t mut wè wat ween), en je kunnen vanzelf 't Platduutse artikel derop zetten a-k 't toevallig een keer vergete. Mer mu-w mit "Wos jie dat" anvangen? Wi-w dat behouwen, en gewoon biehouwen of mu-w 't vervangen mit wat aanders (zoas een vast artikel over 't Nedersaksisch, of een uutleg in aandere talen over 't Nedersaksisch)? Sεrvιεи | Overleg » 12:51, 15 mei 2011 (CEST)

Ik veende oons vuurblad dr, in vergelieking met aandere wiki's, onmeundig strak oetzeen, mer onmeundig vol. Ik bedole dan vuural t [encyclopedie]-blukn met al dee verwiezings noar aandere ärtikels. Iej köant n hoop wit loatn duur allene de köpkes dr in te hooldn en vanoet de artikels dee't achter dee köpkes zitt duur te wiezn noar de artikels dee't non zo kort op mekoar epakt stoat op de vuurziede. t Wos-jie-dat-blukn lik mie nit neudig, t is wal rappe en grappige kennisoawerdracht, mer neamp ruumte in, en iej mut t verdan biehooldn. Woolters 11:04, 16 mei 2011 (CEST)

A've t kopke Encyclopedie nou ais vervangen deur n koartke van t Leegsaksische toalgebied of n vast artikel over t Leegsaksisch. Grönneger 1 12:56, 16 mei 2011 (CEST)

Ik heb Wos je dat vort-ehaold en Encyclopedie vervangen deur een vast Nedersaksisch stuk (in mien eigenwieze spelling), vertaal 't gerus in een aander dialek, vul 't gerus an en verbeter 't, aanders steet der allinnig mer Veluws op 't veurblad dat mu-w oek neet hemmen, 't mut juus ofwisselend ween. Sεrvιεи | Overleg » 19:53, 16 mei 2011 (CEST)

Vertalen kan-k nog neet, en ok t ploatien wiezigen doe-k nog neet. Moar wat ducht-oe van (

→) t ploatien rechts woar de luu dee ok Plat proat, moar t met Duutse heufdletters schrieft, ok op stiet. --129.125.102.126 20:26, 16 mei 2011 (CEST)

Ik bun veur dee ofbeelding:

• Tekst van et artikel geet ok ovver et Duutse deel
• Slut an bi-j wat op de nds-wiki steet
• Blauw zut der better oet as greun (pov)

Droadnaegel 00:31, 21 mei 2011 (CEST)

Unblocking User:JackPotte

Hoi, the current rule "You may vote [...] not be blocked on more than one project" excludes me unless if you let me a second chance, after the only serious beginner error I've done three years ago. 88.164.137.127 22:21, 16 mei 2011 (CEST)

I don't mind if you would be unblocked here. I cannot see the 1 edit you made here that did get you blocked, but the fact that you communicate about it, and admit it was an error, makes me believe a 3 year block is enough. I did a quick browse through your en and fr edits, and I did not see any spammer-pur-sang behaviour, so I am in favour of giving you a second chance. Droadnaegel 23:27, 16 mei 2011 (CEST)

I would like to ask gebruker:Erwin to explain why (s)he/it used their unelected powers to block a user who has parents. Unblock JackPotte now. --129.125.102.126 23:39, 17 mei 2011 (CEST)

Finally I could vote with my account, I hope that it won't be refused after for this reason. Thanks for your attention. 88.164.137.127 20:37, 7 jun 2011 (CEST)

Spellen

Et is al eerder onderwarp van gesprek ewest, moar der lik de leste twee joar nog neet völle veranderd te wean. Ik kom der fealek weer op deurdat Servien hierbovven skrif: miene eigenwieze spelling. Is dee nog argens te vinden? De olde webstea woar't ze stond is oet de locht, geleuf ik. Ik hebbe wal 's kontakt ehad met et Staring-instituut, en dee zegt, de SONT spelling is et beste veur ne webstea as de onze, moar dee is dan weer neet op et web te vinden. Dus miene vroage is, hoo kö'w noo anfietern dat de spelling van et Nedersaksies meer standaardiseerd wöd? Dat lik mi-j ene van de veurweerden um as sproake meer serieus enommen te wodden. Ik geleuf dat onze wiki doar belangriek kan wean, wi-j bunt met afstand de grootste stea in et Nedersaksies, en good veurbeeld dut volgen. Dus wa'k mi'j veurstel:

• Maak een antal veurstellen, met veurestelde veranderingen, zodat de verskeidene veurskriften meer op mekare goat lieken.
• Neug de streektaalorganisaties oet, loa'w ze gewoon anskrieven, um doar eure mening ovver te gevven.
• Verander de skriefwiezes as gevolg doarvan hier, kan met nen bot, um as veurbeeld te denen. Wi-j hebt gin kommersjeel belang, dus wi-j bunt vri-j um veranderingen in te voeren.

Punt 1: Et lik mi-j da'k doar mot anvangen met de punten dee't neet metene de hakken in et zand zet, dus neet oa of ao, dat gif meteen stried, moar op punten dee't gin stried geft, moar neet dudelek umskrevven bunt in de veurskriften van de verskeinene organisaties.

Loa'k een veurbeeld gevven: ik bun veurstander van et gebroek van -ies in stea van -isch (meskien met oetzondering van et Grunnegs, woar et wat anders oet-esprokken wöd). Kö'w doar Staring, Goaitsen, Iesselakademie ezw in metkriegen? Zoa joa, en dat mot treadjen veur treadjen, dan goa'w toch meer op mekare lieken.

Dus, loat moar heuren, he'j nog meer van dit soort, neet kontroversiele veurbeelden? Dan kö'w ne lieste maken, en dermet de boer op noar de organisaties. Droadnaegel 01:20, 21 mei 2011 (CEST)

Ik bin oek nog altied veur zo'n spelling, 't huilt mien nog altied bezig. Ik heb 't dokement noen argens aanders neer-ekwak: [1]. A-j as vol an-ezien willen wönnen dan mu-j toch de spelling standardiseren, 't vergroot oek de overlevingskansen van een taal. Veur onze dialekken hoef 't neet zo'n prebleem te ween, 't lik allemaole wè aorig op mekare (mit uutzundering van 't Gronings, mer daor mut wat op te vienen ween). Op disse pagina: Wikipedie:Algemene Nedersaksische spelling ku-w veerder praoten over een standardspelling (dan blif 't op een plekke). Sεrvιεи | Overleg » 12:41, 22 mei 2011 (CEST)

Yankee captcha's

Kiek, dat ik altied weer zo'n USAnse puzzel krieg, doar kan-k nog inkommen (ik mot vort, ik mot elocked), moar vrömd blif t dat gebruker:62.194.89.103 an de captcha's neet zeet dat he gebruker:Servien is. --129.125.102.126 03:52, 22 mei 2011 (CEST)

Too wa-k waorschienlijk neet an-emeld, dan krie-j dat :-) (en haandmaotig Gebruker:Servien in-evuld)... Sεrvιεи | Overleg » 12:17, 22 mei 2011 (CEST)

Effen der tussenuut

Ik ben der effen een weekjen tussenuut. Groeten Sεrvιεи | Overleg » 14:58, 22 mei 2011 (CEST)

De praothoek

't Praotkefee is herneumd: 't heten hier altied 't "Praotkefee", mer a-w de SONT-spelling toe zollen passen op de systeemteksen, dan zo-j 't mutten herneumen naor 't "Praotcafé", had oek ekund mer a-j der over naodenken dan klink 't asof hier een stelletjen alkelissen zitten, de naam "De praothoek" pas hier beter dunkt m'n. Sεrvιεи | Overleg » 15:50, 8 jun 2011 (CEST)

Klinkt mi'j wat bèter toe as 'praotkefee'. Ik kwam hier ok al nooit veur zoeperi'je. Ni'jluuseger 18:43, 9 jun 2011 (CEST)

Kö'w det "de" nit better oet n naam haaln? Vie doot toch alle ärtikels zoonder lidwöarde? Is ook makkeliker met duurverwiezen. (skealt wal 3 letters! ;) ) Woolters 20:22, 21 jun 2011 (CEST)

Oek goed. Ik heb t alvas an-epas. Sεrvιεи | Overleg » 20:48, 21 jun 2011 (CEST)

Dat klopt, 'Praothoek' is ok Stellingwarfs. Hiel mooi! Groetnis --Kening Aldgilles 22:45, 21 jun 2011 (CEST)

Kattegerie herneumen 2

Wulen hemmen 't al es eerder besproken, da-w de naamruumte "kattegerie" aan wollen passen umdat e zo "efokseerd" (geforceerd) overkump. Daor ha-w een paor woorden veur: indeling/indelige, onderwarp, klasse, groep, onderwarp, soort, rubriek(?). Mer wi-w daor nog wat an veraanderen, of mut 't zo blieven? Zo ja, wat mut 't wönnen, en bin der nog aandere naamruumten dee an-epas mutten wönnen? Op Speciaal:Alle pagina's staon alle benamingen van de naamruumten. Groeten Sεrvιεи | Overleg » 19:50, 8 jun 2011 (CEST)

Ik zol "indeling" kaizen, dat is de maist neutroale noam. Noarnoast zol ik "willekeurig artikel" vervangen deur "zo mar n artikel". "Portoal" bin k persoonlieks ook nait zo wies mit, mòr k zol zo nait waiten wat of dat den wel wezen mout. Messchain kin "opslaon" veranderd worden ien "vastleggen". En ik zol "geld geven" veraandern ien "geld schenken", dat heurt even wat netter en dat kin bie dij ziede wel. Grönneger 1 20:16, 8 jun 2011 (CEST)

Ik weet nog niet ow kattegerie mut wiezigen in indieling of zowat. Ie breekt dan toch mit herkenbere termen van Wikipedia, lös van de taalversie. En wi'j zolden 't now wal iens kunnen wèden dej veur opslaon ok vasteleggen kunt gebruken, mar daomiet kump d'r een ni'je mitwarker die misschien twiefelt wat aw daormit bedoelt. Dus al te creatief mit ni'jviendings muw hier ok weer niet wèden. Ni'jluuseger 18:47, 9 jun 2011 (CEST)

He'j dan neet n probleem op elke ziede? De naamruumte zal zo te wiezigen wean, moar dan steet der nog altied op elk blad Kattegerie:x_of_y. Dan zo'j dee allemoal motten veranderen. Dat kan natuurlik met nen bot, moar den zal dan wal roodgleunig worden. Ik hebbe gin heel groot probleem met kattegerie, al zo'k et lever as Kategorie zeen, kump ok mooi met et Plattduuts ovverèn. Droadnaegel 22:49, 9 jun 2011 (CEST)

A-j 't in de "SONT 2.0-stiel" zollen doon, dan mut 't "kategorie" ween, mer dan steet de bot inderdaod roodgloeiend, een dag/paor dagen en dan is 't op-elös dus op zich gien prebleem :-). Sεrvιεи | Overleg » 23:30, 9 jun 2011 (CEST)

Ik bin neet wisse of ik "kattegerie" of "indeling" (of wat aan's) better vind, k weet weal da-k onmöndig starke argumenten wil zeen veur t veraanderen van zewat alle zieden. Veur mie mag "kattegerie" blieven. --129.125.102.126 00:25, 10 jun 2011 (CEST)

Oké dan hou-we dat zo. En Grönneger neumen al "Geef geld" dat ha-k 's mirregs al an-epas toevallig. An "zomer een artikel" za-k dee mirreg oek al te denken, in 't Nederlaans is 't an mekare, mer dat steet zo vremp, mer ja is meschien effen wennen. Sεrvιεи | Overleg » 22:02, 10 jun 2011 (CEST)

'Mar zo een artikel'. En wa'k al eerder opperde 'Netzölfde welk artikel', mar det wördt dus niet in alle dialecten begrepen. Ni'jluuseger 20:30, 20 jun 2011 (CEST)

'Egaal wat veur n blad' --Droadnaegel 21:46, 20 jun 2011 (CEST)

Of: "Dou mòr aine". Grönneger 1 21:49, 20 jun 2011 (CEST)

Inderdaod "do mer wat!" of nog arger: "kan mien 't schelen!" :-) Sεrvιεи | Overleg » 22:06, 20 jun 2011 (CEST)

Joa, dat is goed, "doet maar n lemma" is korter as "Willekeurige pagina" en de luu wilt lemmata. --129.125.102.126 23:55, 20 jun 2011 (CEST)

Nee, nait "lemma", dat vin ik zo'n verschrikkelk aanleerd woord. Grönneger 1 12:22, 26 jun 2011 (CEST)

Ik ook. "Bekiekt es n artikel"? Woolters 14:26, 26 jun 2011 (CEST)

Translatewiki.net

De systeemteksten dee op disse Wikipedie staon kunnen an-epast wörden op http://translatewiki.net, doar ku'j meehelpen mit t vertaolen van de systeemteksten (t hoeft van mien neet per se allinnig mer in t West-Veluws te ween, dit ku'j net zo goed in n aander dialekt doan). Ik mörken vandage dat de systeemteksten oek ampart nog in t Twents vertaold kunnen wörden, dus as doar veule behoefte an is dan kan dat (mer woart je, t is een bulte tekste dat vertaold mut wörden). Sεrvιεи | Overleg » 19:11, 2 juli 2011 (CEST)

Call for image filter referendum

The Wikimedia Foundation, at the direction of the Board of Trustees, will be holding a vote to determine whether members of the community support the creation and usage of an opt-in personal image filter, which would allow readers to voluntarily screen particular types of images strictly for their own account.

Further details and educational materials will be available shortly. The referendum is scheduled for 12-27 August, 2011, and will be conducted on servers hosted by a neutral third party. Referendum details, officials, voting requirements, and supporting materials will be posted at Meta:Image filter referendum shortly.

Sorry for delivering you a message in English. Please help translate the pages on the referendum on Meta and join the translators mailing list.

For the coordinating committee,
Philippe (WMF)
Cbrown1023
Risker
Mardetanha
PeterSymonds
Robert Harris

Nedersaksische veurbielden

Wie bin veur joe een inspiratie deur hoe of ze mit et Nedersaksisch bezig bin? Veur mi'j onder aandere:

• Skik/Daniël Lohues, belangriek in de tied dat ik begon te begriepen wat et Nedersaksisch now wal en niet was.
• Et Huus van de Taol, daor kan de rest een puntien an zoegen.
• Lucas Jonker veur zien schrieveri'je over et leven in et Riestenlaand.
• Jan Poortman idem en veur zien muite veur de Platduutse schrieveri'je.
• De Stellingwarver schriever Johan Veenstra die mit zien vriendelijke nuchterheid veur mi'j et beste van disse streken vertegenwoordigt.
• Goaitsen van der Vliet/De Nieje Tied en Martin Koster/Roet veur heur gezonde krangheid.
• Hans Heyting en Roel Reijntjes om heur dichtwark.
• Henk Nijkeuter, Rouke Broersma en Stieneke Boerma om heur Drèentse literetuuronderzuuk.
• Gerard Rutger Buisman om zien lakonieke ballades en Stienwiekerlaandse mystiek.
• Boh Foi Toch om heur muzikale en tekstuele kwaliteit.
• Helligen Hendrik die de Nedersaksische humor vanni'js uutevunden hef.
• Van Jonge Leu en Oale Groond, zo'n beetien de eerste Nedersaksische tillevisie.

Ni'jluuseger 10:16, 8 jul 2011 (CEST)

Veur t Grönnegs is dat wat mie aangaait:

• • Ede Staal
  • Erwin de Vries
  • Alex Vissering
  • Siemon Reker

Aal vaaier veur t feit dat zai zain lòten dat t Grönnegs ook n serieuze kaant het en nait allendeg n old boeren kloagtoaltje is.

Om hail eerlieks te wezen heb ik mie wieder nait slim orientaaierd wat Leegsaksische persoonliekheden aangaait. t Wordt messchain tied om dat wel te doun. Grönneger 1 14:51, 8 jul 2011 (CEST)

Der bunt der al n paar eneumd, as Boh Foi Toch, met Hans Keuper en Willem te Molder, en de riege van Jonge leu..ezw, en Skik/Daniel Lohues. Wat der veur mi'j neet mag ontbrekken is Normaal: wa'j ok vindt van de muziek of teksten, ze bunt wal de band dee in t Nedersaksies de meeste nationale bekendheid hebt (ehad), en n soort trots/emansipatie veur t boerenlaeven hebt vereurzaakt.

Dan Arie Ribbers, joaren op de radio ewest met programma's in et Achterhooks.

En ik vinde Herman Finkers ok wal n mooi veurbeeld van leu dee't Nedersaksies oetdraagt zonder t imago van achterliken boer. Droadnaegel 00:18, 9 jul 2011 (CEST)

Ik mut zegn a'k dr ook nit zovölle hebbe, en dee wa'k wal hebbe zeent heuwdzakelik muzikaantn (gek hè? :P).

Normaal - As krangen puber kon'k mie helemoal oetleawn op de roewe Normaaltekste. Mer ook de wat heanigere nommers veund ik aait machtig mooi (leagere school in Hummelo, achter wolken, Ik kom altied weer terug).

Skik/Daniël Lohues - Lohues skrif misskien wal de meuiste verskes van Neerlaand, veend ikke. Zo seempel, mer doarduur grip t oe vake zo noar n haals. Hee is nen artiest woervan ik dr op vertrouwe at he zelfs zinne mäpkes op n kompjuter nog in t Dreants hef. En woerumme ook nit?

Jovink & De Voederbietels - de nieje normaalgennerasie, zoonder boern. Rock & Lol. Zee hebt t vuur mekoar ekreegn de grötste en trouwste fangroep van Neerlaand te kweekn. De Zwarte Cross is duur öar toodoon oet egröaid töt ene van de grötste en populearste festivals van Europa. De shoarmakeet hef dr n groot bröd met "Breudje Schoap!", ze verkoopt dr T-shirts met doarop Jovink - Niet Goed, Wel Hard (sponsor: slagerij Lovink oet Hummel). Det veend ik prachtig, en det veendt dr völle mear prachtig.

Herman Finkers - duur um keant Neerlaand Tweante. Ik keandn vroger hele shows van um woard vuur woard oet n kop.

Anne van der Meiden - Nit echt ne inspirasie, mer wal bewoonderensweard. Hee was aait professor Kommunikasieweetnskop in Utrecht. Monique Sleiderink verteeldn mie ooit es det zee doar les van um har, en det hee vreug: wie spreekt hier Twents? Sleiderink steuk as ennigste n vinger op, mer doarnoa dee Van der Meiden t hele kollege in t Tweants. Zinnen Tweantsen Biebel is um hoge an te priezn. Doarnöast is t gewoon nen plezerigen kearl den't ook nog dreuge oet n hook kan komn. Woolters 14:34, 9 jul 2011 (CEST)

En, ik goa t toch zaeggen, ozze wiki hier. Ik leuf dat wie, as grootste online bron van Leegsaksische teksten, n belaangrieke rol speulen bie t behold en de promotsie van de Leegsaksische streektoalen. Grönneger 1 (overleg) 21:56, 20 jul 2011 (CEST)

Fonds kleine activiteiten

Hallo, het bestuur van Wikimedia Nederland maakt attent op het Fonds kleine activiteiten. Hartelijke groet --Ziko 18:15, 11 jul 2011 (CEST)

Meeting of Wikipedias in Regional Languages

Hello everyone, There is a discussion going on about a possible meeting of wikipedians from projects in regional languages at the WikiConvention 2011 in Nürnberg. I am an active author on the Alemannic Wikipedia and would be interested in attending. However, I don't want to end up being the only one there. But if just one other user from a Wikipedia edition in a regional language signs up, I will too. I believe the deadline is the end of July. Cheers, --Terfili (overleg) 16:10, 19 jul 2011 (CEST)

It sounds interesting... unfortunately I won't be attending, since it's almost six hours driving. If it would have been in Bocholt, I would consider attending. Servien (overleg) 16:28, 19 jul 2011 (CEST)

Plautdietsche Wikipedie

Help onze Plautdietsche nobers en stem hier veur t anmaken van de Plautdietsche Wikipedie. Servien (overleg) 16:00, 20 jul 2011 (CEST)

Vakaansie

Leu, ik zin dr n poar deage tuskenhen. Heanig an! Woolters (overleg) 20:57, 21 jul 2011 (CEST)

Veul plezier daor! Servien (overleg) 20:58, 21 jul 2011 (CEST)

Systeemteksten in ANS

Ik bin begunnen mit t ummezetten van de systeemteksten naor ANS (mit t eerste deel (van zo'n 2700 teksten) bi'k klaor), mer t invoeren van t bestaand wil niet echt lokken, daor bi'k dus nog mee an t klooien, en ik bin noen oek nog bezig mit t leste deel (van zo'n 900 teksten). Servien (overleg) 18:11, 24 jul 2011 (CEST)

t Tweede deel is oek klaor. Noen mötten de bestaanden allenig op-estuurd wörden, dat geeft nog wel wat problemen... Servien (overleg) 22:23, 24 jul 2011 (CEST)

Goud waark Servien! Heloas heb ik doar nait zo veul verstaand van, aans wol ik die der wel mit haelpen! Grönneger 1 (overleg) 09:36, 25 jul 2011 (CEST)

Hach, t is mer goed da'w hier allemaole zo onze spesialiteiten hebben toch. Servien (overleg) 18:46, 25 jul 2011 (CEST)

Alles is in-evoerd. A'j noen nog onjuustheen tegenkoemen, dan heur ik t grege. Servien (overleg) 20:13, 27 jul 2011 (CEST)

WikiWoordeboek

Zo a'j misschien wel weten he'w een edeeld projekt mit de Duutse Nedersaksen, sinds gister he'w oek een veurblad in t Nedersaksies van Nederlaand (t Stellingwarfs), hierveur wörden oek de ANS gebruukt. Kiek op: http://nds.wiktionary.org/wiki/Wiktionary:Veurblad veur t resultaot. Servien (overleg) 20:14, 27 jul 2011 (CEST)

Herziening naamruumtes

• Kattegerie - volgens ANS: "kategorie"
• Overleg - t zelfde
• Overleg_gebruker, Overleg_MediaWiki, etc. - t zelfde
• Ofbeelding - "bestaand" is misschien beter, want daor vallen oek geluudsbestaanden onder.
• Mal - t zelfde
• Hulpe - volgens ANS: hölpe [hɶləpə]

Dus a'j wat veraanderd willen hebben: taok naauw of hold veur altied oew pies. Groet Servien (overleg) 20:01, 29 jul 2011 (CEST)

Met eens, behalve hulpe of hölpe. Det is n strekgebeundn oetsproakverskil en doar hooft volgens de ANS niks an te veraandern. Woolters (overleg) 20:16, 29 jul 2011 (CEST)

Dat is oek zo. Dan lao'w dat zo. Servien (overleg) 20:57, 29 jul 2011 (CEST)

Had der ene veerder nog anmarkingen? Aanders kan'k der mee veerder gaon. Servien (overleg) 19:05, 2 aug 2011 (CEST)

Gien op- of anmarkingen meer? Goed, dan gao'k t voort effentjes anpassen. Servien (overleg) 15:20, 6 aug 2011 (CEST)

Anschrieven over ANS

t Lik m'n n goed idee um de streektaalorganisasies te informeren over de ANS, en n verwiezing dernaor op Onzetaal.nl? Ha'w daorveur niet een algemeen adres an-emaakt, steet m'n iets van bie. Servien (overleg) 19:07, 2 aug 2011 (CEST)

Ik heb m'n eigen an-emeld veur info-nds <apestartjen> wikimedia <punt> org, dan ku'w daor vandaon de parsberichten sturen. Servien (overleg) 20:17, 8 aug 2011 (CEST)

Visite

Augustus 2011 hef noe al de meeste "page views per month" volgens http://stats.wikimedia.org/EN/TablesPageViewsMonthly.htm en wie hebt nog drie dagen te goan. --129.125.102.126 18:38, 29 aug 2011 (CEST)

Kö'w ok argens zeen wat de meest bekekken artikels bunt? Dee zollen dan onze beste zieden motten waen. As t de help pagina's bunt, gif dat ok te denken. Droadnaegel (overleg) 23:47, 30 aug 2011 (CEST)

Stats.grok.se hold wat bie, moar http://stats.grok.se/nds-nl/top is wat oald (Henrik mot nog te völle met t handtien doon: en:User:Killiondude/stats#How can I find out the top viewed pages for any given project?).

Vanuut de zölfde welle (http://dammit.lt/wikistats/) maakt Erik Zachte moandelikse samenvattings op http://dumps.wikimedia.org/other/pagecounts-ez/monthly/, zeet http://lists.wikimedia.org/pipermail/wikitech-l/2011-August/054655.html (en http://lists.wikimedia.org/pipermail/wikitech-l/2011-August/054645.html). --129.125.102.126 11:44, 31 aug 2011 (CEST)

Redirect

Der is van ales veraanderd. Woar kin man nou de deurverwies-kode vinden? Dij ston eerder aaltied zo makkelk onderien, maor nou mouten wie der noar zuiken. Grönneger 1 (overleg) 16:23, 30 aug 2011 (CEST)

Bovenan t bewarkingsveld bie "Meer funksies" > "Derbie doon" en dan t tweede ikoontjen. Servien (overleg) 18:12, 30 aug 2011 (CEST)

Nieje mal

Ik heb n nieje mal emaakt, Bdijkstra hef m'n daormee ehölpen, um t dialekt an te geven waorin n artikel eschreven is, ik viene t persoonlik wel makkeliker, mer heure grege wat julen dervan vienen. Veur n veurbeeld mu'j kieken op: Kampers. Servien (overleg) 22:52, 2 sep 2011 (CEST)

Ik bun der nog neet helemaole weg van. Veural as t spesifieke dialekt neet in is evuld, dan krie'j iets as op Elbersdorf: nen aoverbaodigen balk met: dit is eskraeven in t Grunnegs, met vlak daoronder de kattegerie: Grunnegs artikel: te völle tunt veur te weinig extra info. Wieters zo'k lever zeen dat de skriefwieze in nen aparten mal kump, al dan neet in dissen, zoda'w better könt zeen welke artikels in bv. ANS eskraeven bunt. Droadnaegel (overleg) 22:40, 7 sep 2011 (CEST)

Persbericht de deure uut

Ik heb vandage n persbericht de deure uut edaon over de Algemene Nedersaksiese Schriefwieze (naor de streektaalorganisasies). Ik bin beniejd naor de reaksies. Groet Servien (overleg) 01:40, 7 sep 2011 (CEST)

Ik hebbe dr oawer neumd in mien nöalstukn in n Bodbreef vuur de KTS. Kiekn wat doarvan keump. Vaste nit völle, mer iej weett nooit. Woolters (overleg) 18:36, 7 sep 2011 (CEST)

Da's altied goed, toch! M'n liejen dat onze inzet in elk geval wat in gang ezet hef. Servien (overleg) 22:20, 7 sep 2011 (CEST)

Da's mooi, dan wet ze der in elk geval van. Eén ding is wal zeker: a'w der neet de boer met opgaot, wörd t zondermeer niks. Ik verwacht ok gin honderden reaksies, maor t zol mooi waen a'w in elk geval de leu dee't wal s Nedersaksies skrieft bereikt. Droadnaegel (overleg) 22:47, 7 sep 2011 (CEST)

Ik zag in "In t ni'js" dat de Onzetaal webstae n artikel hef an-emaakt. Mooi wark, Servien, "spread the word"! Droadnaegel (overleg) 23:40, 11 sep 2011 (CEST)

t Hef oek in t oktobernummer van t blad OnzeTaal estaon. Van t Staring Instituut hef der ene ereageerd op ons persbericht, waorin e angeef dat e ooit nauw betrökken was bie t opzetten van de SONT-spelling, en hij vient t op zich n goed inisiatief, mer hij was veraltereerd over t feit da'w op sommige punten aofwieken van t Nederlaands (zo as t/n in plaotse van 't/'n en -lik veur -lijk), mer ik heb uuteleegd waorumme o'w dat edaon hebben, daor is veerder niet echt reaksie op ekeumen. Ik heb an-egeven dat as der vanuut de streektaalorganisasies behoefte was an t veerder ontwikkelen van n streektaalspelling da'w der grege bie zollen ween. Servien (overleg) 20:13, 11 okt 2011 (CEST)

Anmelding veur beheerder

Hier he'k mi'j anmeld veur beheerder. Groetnis --Kening Aldgilles (overleg) 22:02, 7 sep 2011 (CEST)

Onderzuik noar de Leegsaksieze dialekten

Moi,

Tied veur n nije diskussie ducht mie. As onderwaarp: t onderzuik dat ien t verleden doan is noar de Leegsaksieze dialekten. Doarbie wil ik geern 2 koartkes even zain laoten: Jo Daan, Georges de Schutter.

Mien stelling is: t Dialektonderzuik ien Nederlaand het zok ien t verleden veuraal 'fokusd' ien t Frankieze dail van Nederlaand.

Dat is onder aander zichtboar ien de koartkes dij ik hierboven heanzet heb. De koart van Jo Daan bieveurbeeld. Zai maokt bieveurbeeld n onderschaaid tuzzen t Westfrais, Kennemerlaands, t Zaans en t Woaterlaands, ien tieds dat binnen t Grönnegs allend t Westerkertaaiers onderschaaiden wordt. Toch is der tuzzen Zoltkamp, Schaanze en Troapel liek zo veul onderschaaid as tuzzen de Noordhollaandse dialekten. Ook Emmen-Meppel is n wearld van verschil ien verlieken tou t onderschaaid tuzzen de Noordhollaandse dialekten. Ook as den noar t Riesens-Aenters en Vraiskenveens kiek, zai ik ook weer haile biezundere Twaentse dialekten, ien tieds dat dij nait weerom kommen ien de koart. En tou slöt, t konstrukt Gelders-Overiesels, woar ook t Örkers tou heurt, huif ik dunkt mie nait veul over te zaegen.

De koart van De Schutter den. Binnen t Frankieze toalgebied wordt onderschaaid maokt tuzzen vaaier regionen. Binnen t Saksieze toalgebied wordt gain onderschaaid maokt, ien tieds dat wie natuurlieks de Grönnegs-Noorddraentse, en eventuweel ook de Stellenwaarfse dialekten tou t Noordleegsaksies reken kinnen. Doarnoast nuimt man t nait Saksisch, maor Noordoost Nederlaands.

Doarnoast as man kiekt noar gemiddelde toalkoarten, den zugt man dat der n hail eande koarten bestoan van t Limbörgs en de isoglossen en de verwantschap mit de Rainlaandse dialekten. Houveul koarten, dij nait ien de laeste joaren deur n wikipedioan maokt binnen, bestoan der op t web? Hail wainig. De koarten dij de Nederlaandse dialekten zain laoten, laoten wel de verwantschop van t Limbörgs en t Zuudgelders mit de "Niederrheinische" dialekten zain, maor nait dijent van bv t Tweants en Sallaands mit t Bentumers. Messchain is dit dail van n 'kampanje' om n Nederlaandse ainhaid te promoten. As man de Nederlaands Leegsaksieze en Duuts Leegsaksieze dialekten verainen, den is der gain reden meer om dij dialekten as Nederlaandse diakten aan te duden.

Wat denken joe hiervan? Grönneger 1 (overleg) 15:11, 17 sep 2011 (CEST)

De taalkaorte van Georges De Schutter maakt bie mien niet zoveule indrok, die hef de boel op n hope ekwakt en dat neumden e dan Oost/Noord, daor waren wulen oek al uut. De taalkaorte van Jo Daan, kan 'k m'n eigen al wat meer in vienen, disse kaorte is ebaseerd op t taalgeveul van de dialektsprekers. Dialektplaotsen die volgens de dialektsprekers t zelfde dialekt hadden, mossen ze dan angeven mit n piele, as ze dat niet angaffen dan was dat de dialektgrens, op disse maniere bin der dan 28 verschillende dialektgroepen ontstaon. t Naodeel hiervan is da'j dervanuut gaon dat disse meensen n goed taalgeveul hebben, mer as dat niet zo is dan klopt de boel niet, en a'j t weer an de meensen van noen vragen dan krie'j misschien aandere antwoorden en n aandere dialektgroepering. Mien veurkeur geet uut naor de indeling op: Nedersaksies#Nedersaksiese_variëteiten, mer dat is vanzelf n algemenere indeling.

t Veluws ku'j eigenliks allinnig mer indelen as West- en Oost-Veluws; dit is namelik dudelik n geschei tussen de twee vormen (vanwegen de -en/-t uutgang bie warkwoorden en ol/ou), de stadsdialekten van Zutfen, Deventer en Apeldoorne lieken arg op mekaar (die hebben o.a. net as t West-Veluws de uutgang -tjen en gien -tien), t Zwols en t Kampers lieken der oek wel op (mer die hebben wel -tien en gien -tjen), wel hebben ze allemaole de brouw-r en vuilt de h vake vort, en Deventer, Zwolle en Kampen hebben veur -aor "-eur" of "-öör" (deur/döör vs. daor, weur/wöör vs. waor) disse dialekten wieken dus wel wat aof van de aandere dialekten derumheer (mer of dat genog is um t as n amparte groep/subgroep te zien, dors ik niet te zegen). Der blik oek niet echt n geschei te ween tussen t Oost-Veluws en t Sallaands, dat zo'j as één dialekt in kunnen delen (Sallaands-Oost-Veluws), mer of t Achterhoeks daor bie zol mutten koemen te staon kan 'k je niet krek vertellen, t Urkers zo'k ampart doon (ik begriepe in elk geval niet waorumme as dat bie t Gelders-Overiessels steet, want t zol namelik dichter bie t Veluws mutten staon op de kaorte van Jo Daan). Veerder bin der binnen t Veluws nog wel n paor plaotselike biezunderheen mer dat is niet zo biezunder da'j echte subgroepen an zol kunnen toewiezen, zo as veur t "Vriezeveens". Wa'j wel altied overal weerzien is dat der n overgangsgebied is tussen de verschillende dialekten (bv. West-Veluws > Oost-Veluws; Oost-Veluws > Sallaands; Sallaands > Drents; Sallaands > Twents; Achterhoeks > Twents, en gao zo mer deur). Servien (overleg) 20:31, 17 sep 2011 (CEST)

t Kaartien van Daan is juust neet westers, he gif t Sallaands en t Zuudoost-Dreants as 1 dialekt an. Dat kan allinig a-j t Noord-Bentems ok als Sallaans zeet. --129.125.102.126 23:40, 17 sep 2011 (CEST)

Det 'Sallaands' in Drenthe giet um een puntien van Zuudoost-Drenthe; in 't bezunder Schonebeek en Ni'j-Schonebeek, daoraj geleuf ik wal Sallaandse kenmarken as umlaut viendt. In Kocks zien Drèentse woordenboek he'k daor speuren van evunden. Veur 't Zuudoost-Drèents van beveurbield Erica (Daniël Lohues) en Klazienaveen giet det niet op. Ni'jluuseger (overleg) 10:20, 23 sep 2011 (CEST)

Dat is gin Sallaands in Dreante. Dat is Zuudoost-Dreants dat meer op Sallaands lik as op aandere dialekten in Nederlaand. --129.125.102.126 23:03, 30 sep 2011 (CEST)

Toovallig köm ik ditte teegn: http://userweb.port.ac.uk/~joyce1/dialects/index.html. n Oawerzicht van alle "Duutse" dialekte. Wellicht at oeleu dit ansteet. Woolters (overleg) 00:02, 19 sep 2011 (CEST)

Ik wete at dr in de bieb van de UU ne kaste vol met kaartn steet van alle dialekte van Neerlaand. Grote isogloskaartn dee'j egee nit oonder ne skenner köant legn, met stipkes en streepkes van alle verskillende wöardjes. Ik meane at t Meertens Instituut dr ook wat van op de webstea hef stoan. Iej mut ook rekn de'w vake te völle op ene kaarte weelt hebn, woerduur t onoawerzichtelik wörd, en t hele doel van de kaarte verlöarn geet. Woolters (overleg) 00:32, 19 sep 2011 (CEST)

't Is een open deure, mar alle indielings kuj ieuwig aover risselveren. Ie kunt d'r best wat veur zeggen um Zuud-Drenthe, Stellingwarfs en alles daoronder as Westfaols te zien, en Midden-Drenthe en alles daorboaven as Noord-Nedersaksisch, mar dan kuj netuurlijk 't misverstaand kriegen det d'r een radicale breuk is tussen Zuud-Drenthe en Midden- en Noord-Drenthe, intied det ok daor, zoas oaveral binnen 't Nedersaksische taalgebied, de oavergangen aordig vluuiend bint.

Interessant vien ik de Levenshtein-ofstaand, een meetmeniere die 't antal verschillen tussen 't zölfde woord in twee taalvariaanten vergeliekt, umme zo te bepaolen hoe groot de ofstaand is tussen die variaanten. Zo bint beveurbield in twee verschillende tiedparken de ofstaanden bepaold tussen Oaveriesselse en angrèenzende Benthemse variaanten, mit netuurlijk as dudelijke uutkomst de ze uut mekare gruuit. Een groot naodiel liekt mi'j det taal zoas weeregèven op schrift niet 't zölfde is as taal zoas die warkelijk klinkt of gebruukt wördt. 't Afrikaans kump dus mit Levenshtein aordig dichte bi'j 't Standerdnederlaands te liggen in vergelieking mit 't Nedersaksisch, mar det kump deur 't Nederlaandse woordbield van 't Afrikaans. De uutspraok is veul ofwiekender, um 't nog niet te hebben aover aandere woorden die vake in 't esproken Afrikaans de veurkeur kriegt (zoas anglicismes die 't Nederlaands niet hef), aandere uutdrokkings, een stark verengelste syntax ezw. Intied det goudgeef Nedersaksisch op schrift ofwiekend kan lieken, mar de typische Nedersaksische spreker mak d'r een inconsequente mengelmoes van tussen streektaal en standerdtaal, en vernederlaandst allerlei Nedersaksische kenmarken. As Levenshtein now ies toe-epast kun wörden op geluudsopnames in plaatse van eschreven taal...Ni'jluuseger (overleg) 10:39, 23 sep 2011 (CEST)

(Ni'jluuseger zien ondertekening kopieerd)

Ie schrieft "mit netuurlijk as dudelijke uutkomst de ze uut mekare gruuit". Dat kan de uutkomst wea'n, moar dat likt mie neet direkt natuurlik. Ik sprek "euro" eerder uut as "oiro" as as "djuro", moar beide likt völle meer op mekaar as "gulden" en "mark" ooit edoan hebt; wiej zegt an beide kaanten van de greanze "kompjoeter" (en dat is ok gin Duuts of Hollaands).

Oalde weurde greuit uut mekaar, moar nieje weurde bint t zölfde. --129.125.102.126 02:31, 1 okt 2011 (CEST)

Nog een darde punt: 't Nedersaksisch Instituut is vörtbezunigd bi'j de RUG; onderzuuk wördt now edaone binnen 't cluster Nederlaans-Fries-Nedersaksisch. Sinds 2007 is Siemon Reker wal hoogleerer Grunneger Toal en Kultuur, mar dan hej weer de veur 't Nedersaksisch kenmarkende fragmentatie: ieder dreit in zien eigen kringegien rond. Lu as Reker en Niebaum hebt daorumme nog wal een briede kiek op 't gehiel. Mar taalkundigen die heur toespitst op 't Nedersaksisch, kuj tellen mit de vingers van iene haand van een kerel die wal ies een ongelok ehad hef op de holtzageri'je. Van mi'j moogt ze wal ies onderzuuk doen naor 't Nedersaksisch van, zeg, mèensen onder de veertig, in plaatse van altied hoogbejaorde boerties op te zuken die nog olde veugelnamen kent. Ni'jluuseger (overleg) 10:39, 23 sep 2011 (CEST)

Dit [2] (zee blz 34) vin'k altied wal n skier kaartje: daor hebt ze dus inderdaod verskillen op fonologiese kenmarken bekekken (dus n soort van Levenshtein op geluud), en dan bewarkt zodat verskillen in kleuren naor veurten komt. De Hoppenbrouwers hadden ok al zoiets edaone, maor dan op frekwentie van taal features, hier bunt ze nog wat wieter egaon, en dan krie'j n beeld wat mi'j wal bekend veurkump: t hele Nedersaksies hef geleidelike verskillen, alleen t Grunnegs is dudelik anders (maor minder anders as t Nederlaands), en tussen den Achterhook en Liemers zit ne dudelike grenze. Alle wietere/kleinere opdelingen bunt krom/kunstmaotig umdat ze dan n verskil prebeert weer te gevven dat der op de grenzen neet is. Droadnaegel (overleg) 17:45, 23 sep 2011 (CEST)

Ik bin wel bliede mit dit kaortien. Is et kaortien niet naor et zin? Et begrip Stellingwarfs is bi'jkaans niet hielendal dudelik. De gebieden om Stienwiek henne en een diel van Drente wodden ok bi'j et Stellingwarfse taelgebied rekend, mar de luden daor weten vaeke niet dat heur dialekt Stellingwarfs is. Zi'j zeggen dan dat heur dialekt Noordwest-Overiessels of Drents is. Veur de meerste luden in de Stellingwarven bin de gebieden buten Stellingwarf gien Stellingwarfs dialektgebied. Onderzuuk is goed, mar ni'je begrippen bedaenken die niet begrepen wodden is veur mi'j wat aanders. Groetnis --Kening Aldgilles (overleg) 20:28, 23 sep 2011 (CEST)

Waj zeggen is hielemaole juust, Aldgilles. Ik bin (in Ni'jlusen/Zwolle) op-egruuid mit et Zuudvenegers van mien oma en moeder (Zuudvene lig krek onder Steenwiek), mar et begrip Stellingwarfs zol mi'j hielemaole niks ezegd hebben. Ik vun et zels een vrömdig woord en vreug mi'j of waor of ze dat praotten (toen ik mi'j in Amsterdam meer veur de streektael begun te interesseren), töt ik d'r achter kwam dat dat dus de tael van mien oma mos veurstellen. In mien femilie bestond gien achting veur et plat; ie praotten et gewoon, mor et wodden zels lillek evunden, en et hietten niet aanders as dialekt. Ni'jluuseger (overleg) 15:12, 24 sep 2011 (CEST)

De dialektiendailen is ienderdoad oareg kunstmoateg. Sikkom aal dialekten hebben n redelke overgong en wat dat aangaait is de greans tuzzen t Leegfrankies en Leegsaksies ook kunstmoateg. De Veluwse dialekten gongen ja ook vluiend over ien de olle Oetrechtse dialekten (dij nou sikkom oetstörven binnen). Op n gegeven momeant wordt der n bepoalde aigenschop of n groep aigenschoppen kozen as heufdlien. Sumtieds is dit onterraecht. Kiek noar t Limbörgs en Ripourisch (Ripuarisch). De Rainfrankieze dialekten binnen n zonuimde 'waaier' van isoglozzen. Tuzzen t Limbörgs en Ripourisch zit de isoglozze "maken-machen". Toch is de woordschat grotendail t zulfde en hebben zai t zulfde aksìnt. Ik zol zèggen dat t dezulfde toal(groep) is, maor omreden de toalkundigen de Benroader lien as n heufdlien aanwezen hebben, staait der nou n dikke greans tuzzen t Limbörgs en Ripourisch. n Aander probleem is natuurlieks de overgangsdialekten. Ploatst man dij boven of onder de lien? Neem t Midden-Dreants dat Ni'jluuseger nuimde. Veur lu oet de zudelke streken liekt t wel wat op t Grönnegs, ien tieds n Grönneger t veuls te Dreants vindt. Der binnen wat Grönnegs-Oostfraise woorden dij ook ien t Midden-Dreants weeromkommen, maor t akseant is aans, man het nait de ai-ou en ui klaanken en man zaegt "wij hebt". Aan aander kaant het t Midden-Dreants wel weer overgangsklanken as eei en oou ien stee van ee/ie en oo. Dus wat dat aangaait zol de ainigste richtige dialektkoart aine wezen mit dörpsdialekten en den mit verschaaidene kleuren zo as op de koart dij Droadnaegel zain lait. Kiek en as man den greanzen trokken het, den is nog de vroag of de bewoners heur dialekt ook zain as dail van dij groep, zo as Aldgilles en Ni'jluuseger terraecht zaegen. Neem bieveurbeeld de haile noam Leegsaksies/Nedersaksisch. Der binnen wainig lu dij waiten wat of dit is. Ook al heurt man of en tou ien Dreante en Tweante de noam "Saksisch" wel ains veurbie kommen, man vuilt zok toch Dreant of Tukker of Grönneger of wat den ook. Dreante is wat dat aangaait n lastig gebied. De maiste dialekten binnen greansoverschraaident, maor de ienwoners holden nait de dialektgreanzen, maor de perveanziegreanzen aan. Veuraal ook omdat as man veur zokzulf erkent dat t Veenkelonioals of Noordvaelds Grönnegse dialekten binnen, den betaikent dat ook ien ains dat zai gain Dreanten, maor Grönnegers binnen. t Zulfde mit t Stellenwaarfs. De Stellenwaarven liggen nait ien Dreante, dus is t veur t gevail vrumd om ien Dreante de noam Stellenwaarfs te broeken, wat weer n aofhankelkhaid van n Fraise streek betaikent.

Even weerom noar mien punt over t onderzuik. Mien mainen is dat t Leegsaksies te veul bie nkander schovveld wordt. Doardeur is net of der van Winterswiek bit tou Roschoul (of van Bunschoot bit tou Rugen en van Göttens bit tou Flensbörg) dezulfde toal proat wordt. Dit is nait realisties, maor t wordt wel voak doan. Ik wait dus nait of dit disinteresse vanoet t westen is of imperialisme vanoet ozze aigen streken, maor t klopt ien elk gevaal nait. Natuurlieks is t goud om soamen te waarken, omreden man den meer veur nkander krigt en serieuzer nomen wordt, maor goud. Stel die veur dat t Leegsaksies as minderhaidstoal erkend wordt. Ik zai nait, zo as ien Fraislaand, ain Leegsaksieze standerdtoal ontstoan, bv veur t onderwies, overhaidsstokken, ezw. Ien verlieken tou Fraislaand, hebben wie n te groot toalgebied mit te veul onderschaaid om doar suksesvol n standerdtoal veur te maoken. Regionoale varianten zol ik wel gebeuren zain, zo as n Grönnegse, Tweants-Achterhoukse, ezw., maor nait aine. En as der gain standerdtoal is, wordt de toal den nog wel serieus nomen?

Zo as Ni'jluuseger ook al zee, bin ik ook benijd wat der oet kommen zol as man vandoag opnij de dialekten onderzuiken zol. En ienderdoad den nait de olde meansken, maor de jongere lu, dus echt hou of t dialekt der tegenswoordig bie ligt. Hou veul dialekt der nog proat wordt en houveul dij dialekten nog aigensheden hebben dij verschillend binnen van t Nederlaands. t Is natuurlieks wel zo dat wie redelk "radikoal" schrieven. Wie broeken sumtieds woorden dij normoalerwies, ien t doagelks sproakbroeken, nait meer veurkommen. Man kent dij woorden en zaegswiezen nog wel, maor man kaist toch voaker veur de Hollaandse vaerzie. Grönneger 1 (overleg) 14:14, 25 sep 2011 (CEST)

Ik denke niet det d'r veul volk is, ok onder de Nedersaksiche activisten, det op een standerd-Nedersaksisch an wil, of det veur meugelijk holdt. Ik heb wal ies elezen van iene, die íen schrieftaal veul hiel Drenthe ambiëerde, dus ok mit 't vörtstrieken van regionaole verschillen, mar daor holdt 't wal zo'n beetien mit op. De regiolect-theorie is genuuglijk bekend (alderhaand verschillegies tussen plaatsen vaalt weg), mar verschillen as niet - neeit - nait zult d'r blieven, juust ok umdet wat oens nog rest van 't Nedersaksisch zo'n beetien verstiend is. Daor bedoel ik mit: elke Grunneger is hum d'r now van bewust det nait typisch Grunnegs is, dus die uutspraok zal d'r dunkt mi'j ok blieven. Een vörm as neeit is een tussenvörm (richting nait, geleuf ik), mar zal wörden eziene as typisch veur Geeiten (Gieten) en umgeving, en daorumme in staand wörden eholden, veur zowied lu de streektaal nog gebruukt. Mar daorumme liekt mi'j 't praoten van een kattegerie as 'Nedersaksisch' nog wal nuttig, um een grotere poletieke voest te maken. Ni'jluuseger (overleg) 15:14, 12 okt 2011 (CEST)

Stads- en dörpsdialekten

Redelk aansloetend op t veurige onderwaarp is t vaolgende: stads- en dörpsdialekten. Ik zag ien de liest van körtledene veraanderns t artikel over t Zwols stoan en ik vruig mie aof hou of t tegenswoordig zit mit de stadsdialekten en dörpsvarianten. Zo as vaolgens mie wel bekaend, ontstaait hier ien Grönnen aal meer n regiolekt, n tuzzenvörm van de Grönnegse dialekten en t Nederlaands. De grote veschillen, zo as oet/hoes-uut/huus blieven natuurlieks per regioon bestoan, maor echte dörpsdialekten bestoan binoa nait meer. Vrouger wazzen de dialekten van Troapel, Onstwedde, Zaellen en Vlagtwedde liek zo verschillend as t Oldambtsters, Hogelaandsters. Nou binnen de dialekten van Zaellen en Vlagtwedde sikkom t zulfde as dij van Bennewold en de dialekten van Troapel en Onstwedde binnen sikkom t zulfde as van Knoal. t Haile fait dat man ien Grönnen streekdialekten het, zaegt wat dat aangaait dunkt wel al genog. De dialekten kommen aal op groter schoal. Vrouger zee man ien de Marne "zös" en "löste" veur "zaes" (zès) en "laeste" (lèste), wat ze doar nou ook zaegen. t Raiderlaand haar vrouger typieze kenmaarken dij hail Duutseg wazzen, zo as "igg heb ettig oep mien teller doan on t loater in d'geutstijn goeid" veur t Hogelaandsterse "ik heb edik op mien bòrd/bred doan en loader ien geutstain gooid". Tegenswoordig wordt dizze zin zowel ien t oostelke Oldambt as op t Hogelaand t zulfde oetsproken. Allend de ollen, van veur WO II, proaten nog t echte lokoale dialekt. t Stadjers is hailemoal verdwenen. Der bestaait nog wel Grönnegs ien Stad, maor dat komt t maiste van boetenaof van lu dij van t plattelaand ien Stad wonen goan binnen. De oorspronkelke Stadjers dij nog wel Grönnegs proaten (de maiste Stadjers binnen overstapt op t Hollaands. Ien de achterstaandskertaaiern sumtieds ook letterliek Hollaands, mit n lichtelk Rötterdams akseant) hebben n hail eande overnomen vanaof t plattelaand.

Hou is dat bie joe? Ik wait dat bieveurbeeld t Riesens en Aenters nog hail leventig binnen en ook redelk veul aigensheden bewoard hebben, maor hou zit t bie steden zo as Aenskedee, Zwolle en Apeldoorn? Traauwens Woolters, ik kwam guster n jong tegen dij oet Aenter kwam en messchain is t vlouken ien kearke, maor t klonk net Riesens. Grönneger 1 (overleg) 15:03, 25 sep 2011 (CEST)

haha, nee zo slim veend ik det nit. Ik kan mie heel good vuursteln at t oe Riessens tookleenkt, want ik zegge zelf aait at Eanters de skaarpe variaant van t Riessens is (of aandersumme), Eanters kleenkt wat "heukiger". Ik zin trouwens wal froai beniejd wat den jonge zinne gedachten dr oawer zeent, en of he Eanters of Hollaands dee? (En of he hier nit es met wil komn deankn).

De verdeling binn Tweante dee't Jo Daan emaakt hef klopt wal redelik. Hee hef dr gewoon nit zovölle aparte dialektn oet loatn komn. Det Riessen/Eanter/Vjenne dr oetspringt is algemeen bekeand. A'k bv Karel van de Kate heure (den't oet Hoksebarge keump) veend ik det ook wal redelik "Riessens" andoon, met oetzeundering van de wark-karke-stark woer ikke woark-koarke-stoark zol zegn.

Hengel en Eanske hebt ne kleaine kern met platsprekkers, benaamd de euldere gennerasies, van boawn de 35 (wa'k zo kan inskatn). In dee steadn wörd ook aal mear Hollaands noar Goois model ekuierd. Almelo is n verhaal apart. A'j Ilse de Lange heurt kuiern, dan mu'j det x10 doon en dan he'j t "ammelooohs". De echte ooldn köant nog good plat (zo as dit meanske: Roelie spreekt) mer bie de jungere gennerasies blif dr allene n (onmeundig zwoar) akseant oawer (wat niejkommers en allochtoonn binn no-time hebt oawer enömn). In eslikte -n-, vlakke -ee-, -oo- en -eu-, de tweeklaankn -ou-, -ei- en ui wordt hoaste ne -oow-, -eej- en ne -eui-, (heb je dat touw in de tuin zien liggen? = heej da toow idde teuin sien ling?).

Dr is ne redelike eenheaid in Noord-Tweante. De döarpe albeargn, fleringn, geestern, soasel, maander, weersel, tubbig, tilligt, vasse, en det soort lignt redelik dichte bie mekoar, en doot ook völle saamn (karnaval, piraatnfeeste, teantfeeste...) en dr zeent weanig vuurzieningen, zodet ze aait boetn t doarp mut as ze wat biezeunders hebt (=sproakkontakt). Riessen en Eanter hebt aait redelik zelfredzaam ewest (oonder t walbekeande motto: "as t nit kan zo t mut, dan mut t zo t kan"). Woolters (overleg) 16:45, 25 sep 2011 (CEST)

Bie ons op de Veluwe en in rond Zwolle (waor 'k n hortjen n opleiding edaon hebben), praoten de jongeluui vake Hollaands (soms oek wel mit zo'n televsie-R), mer je hebben oek jongeluui die Hollaands praoten en dan nog mit n zwaor aksent, der bin oek wat tweedetaalsprekers he'k emörken, en de kwaliteit is vake wel aordig, échte platsprekers van onder de 25 zie'j niet zo biester veule meer, en as ze der al bin dan is t wel aordig vernederlaandst. t Zunde, mer ja arg veul ku'j der niet an doon. Ik weet niet krek hoe t in Apeldoorne zit, mer daor zal t niet zo aanders ween as in t noordwestelike gedeelte van de Veluwe bi'k bange. Op t westelike gedeelte van de Veluws he'j dialekten die arg op mekaar lieken, mer van darp tot darp he'j altied wel wat verschillen, langes t geschei mit t oosten van de Veluwe is der vake n overgang, bv. schuur > schure. De stadsdialekten (van Zwolle, Kampen, Deventer, Zutfen en Apeldoorne) lieken wel aordig op mekaar en bin wel wat aanders as de plattelaandsdialekten (mer vake zie'j ok wel weer dat de darpen derumhinne, iig in Apeldoorne is dat zo, niet zo aanders bin). Servien (overleg) 18:31, 25 sep 2011 (CEST)

Ik hebbe de indrok det d'r ok now nog wal dudelijke verschillen van plaats töt plaatse bint (misschien niet as ze krek naost mekare ligt), mar misschien kump det umdet ik schrievers leze die de taal van heur plaatse secuur weet weer te gèven, intied det in 't dagense gebruuk de variaanten van verschillende plaatsen meer enivelleerd bint. Mar ik denke niet det d'r in Oaveriessel een nivelleringsperces is in de örde van grootte die Grönneger angef; misschien umdet 't 'Grunnings' meer as ienheid wördt eziene.

Stadsvariaanten bint al hiel lange, al zeker tientallen jaoren, dudelijk Nederlaandser as de dörpsvariaanten. Ik mutte 't veural van anekdotisch bewies hebben. Gerard Rutger Buisman uut Stienwiek zee mee, ik zegge mit, wat uut 't piepkleine dörpien Zuudvene en trouwens ook uut Ni'jlusen kump.

De stadsvariaanten van onder aandere Stienwiek, Kampen, Zwolle, Dèventer, Zutfent hebt verschillende opmarkelijke oaverienkomsten die hiel onnederlaands bint, en die dus een aordige poze leden deur onderlinge invloed ontstaon mut wèden. 't Völt mi'j ok op det 't Zwols nog op aordig wat punties ofwiekt van de variaanten van plaatsen in de onmiddellijke umgèving, zoas Ni'jlusen en Dalfsen. De taal van de steden hef al ieuwenlaank aanders ewest, en an aandere percessen blote staone, as die van de dörpen. Ni'jluuseger (overleg) 20:27, 25 sep 2011 (CEST)

De Wikimedia Conferentie 2011 komt eraan!

Hallo allemaal!

Op zaterdag 5 november organiseert de Vereniging Wikimedia Nederland in Utrecht de jaarlijkse Wikimedia Conferentie Nederland!

De Wikimedia Conferentie wordt voor de vijfde maal georganiseerd en ook dit jaar hebben we weer een goed gevuld programma met diverse sprekers omtrent de thema's wiki's en Cultureel Erfgoed. Zo kun je meer te weten komen over de toekomst van gadgets voor Wikipedia, de meerwaarde van het vrijgeven van fotocollecties en kun je leren over het gebruik van sjablonen en categorieën. Aan het einde van de dag zal de prijsuitreiking van de in september georganiseerde fotowedstrijd Wiki Loves Monuments zijn, waarvoor je ook van harte bent uitgenodigd.

De conferentie vindt plaats van 9.30 tot 18.00 bij Media Plaza op Hoog-Catherijne in Utrecht (direct naast het Centraal Station!). Vanaf 15.00 uur is de conferentie vanwege de prijsuitreiking vrij toegankelijk.
Verenigingsleden krijgen bij ons uiteraard een speciale korting op de toegangsprijs. Nog geen lid? Maak dan gebruik van de mogelijkheid om je via de voorinschrijving kostenloos in te schrijven voor 2011 èn 2012!

Ga voor meer informatie naar wikimediaconferentie.nl en schrijf je in!

Tot op 5 november! Ciell (overleg) 10:02, 20 okt 2011 (CEST)

RTL: Boek met kerkliederen in het Achterhoeks

http://www.rtl.nl/(/actueel/rtlnieuws/)/components/actueel/rtlnieuws/2011/10_oktober/20/geestelijk-leven/boek-met-kerkliederen-in-het-achterhoeks.xml Zag t touvaleg stoan.

Grönneger 1 (overleg) 11:58, 20 okt 2011 (CEST)

Det zeent mooie dinge. Anne van der Meiden zeg aaltied det t plat de "skoefkoare" van t geleuf is. t Keump met nen grote Hollaandstaligen vrachtwaagn bie oe in de stroate, mer iej mut t met de Tweantse skoefkoare bie oe an t hoes brengn. In Riessen wordt regelmoatig koarkdiensten in t Plat eheuldn. Helaas nit bie de grötste koarkn. Dee zeent doar te konservatief vuur. Mer dr besteet zelfs n dialektkoor. http://ontmoetingskerkrijssen.write2me.nl/?P=4 Woolters (overleg) 12:03, 22 okt 2011 (CEST)

Vraogien over de apostrof

Waorom wodt de apostrof in woorden zo as 'hi'j', 'zi'j' en 'wi'j' bruukt? Gewoon 'hij', 'zij', 'wij' en 'bakkerij' schrieven is toch veul makkeliker? Waorom maeken wi'j dat zo moeilik? Groetnis --Kening Aldgilles (overleg) 19:41, 26 okt 2011 (CEST)

Mus niet neudig wezen. Maar ze verwart schriefwieze mit proatwieze. Inderdoad is hij en wij veule makkeliker en wie t mut zeggen wet best hoe oft uutespreuken wordt. Der wordt veul te veul krom eschreven. Mensen schrieft wat makkeliker en loat de uutspraak over an die dat kent. Faasco (overleg) 15:15, 15 apr 2012 (CEST)

Ik wete nit woerumme as ieleu det doot, misskien hef t te maakn met ne wil um nit helemoal Neerlaands te wiln liekn? Hier in Tweante he'w det deenk in elk geval allene bie saamntrekkings. Woolters (overleg) 01:50, 27 okt 2011 (CEST)

Dudelik. Ik weet et namelik ok niet. D'r bin wel meer dingen in et Stellingwarfs die aanders schreven wodden as dat et zegd wodt. De dubbele a in bijveurbeeld Duutslaand wodt niet uutspreuken. Een apostrof tussen de 'hi' en de 'j' is een betien onzin, vien ik, want wij zeggen et niet aanders as in et Standaordnederlaans. Mit de groetnis --Kening Aldgilles (overleg) 18:32, 27 okt 2011 (CEST)

Hoi Kening, dat is mi'j ok al es opvalen, dat komp deurdat ze in partie dielen van de Stellingwarven mi+j zeggen, mer vaeke gewoon ok mij [mej], toch schrieven ze wel i'j, hiel appart! Zo'j es de de schrieversronte moeten vraogen waoromme ze doen. Servien (overleg) 22:28, 27 okt 2011 (CEST)

Now heb ik vandaege toevallig al een e-mail mit disse vraog votstuurd naor de Schrieversronte, mar kieken wat ze daor zeggen. Ik heb ok even vraogd of ze verwiezen kunnen naor oonze Wikipedia. Groetnis --Kening Aldgilles (overleg) 23:34, 27 okt 2011 (CEST)

He'j t hier no ovver t Stellingwarfs of in t algemeen. Want veur t Achterhooks skrief ik lever wi'j as wij umda'w wi'j echt oetsprekt met nen korten i (as in dik), met daornao nen j klaank, en a'k wij zol skrieven, klunk dat veur mien geveul neet good, want dat zol ik oetsprekken as wei as in weide. De ij-ei kump bi'j ons ok veur en is echt nen aanderen klaank as wi'j, dus daorum bun'k derveur um wi'j te holden. Der bunt ok Achterhookse spellingsrichtlienen dee't daor wi-j veurskrieft. Droadnaegel (overleg) 23:51, 27 okt 2011 (CEST)

In et Stellingwarfs zeggen wij dat niet aanders as in et Nederlaans. Kleine verschillegies kunnen d'r altied wel wezen, mar et is wel zo verrekte onhaandig om zo te schrieven. Ik daenk da'k et mar beter laoten kan. Groetnis --Kening Aldgilles (overleg) 14:08, 28 okt 2011 (CEST)

A'j gewoon wij/wei zegen, dan ku'j dat beter zo anhouwen, a'j écht "wi'j" zegen (de i van pit + j derachter) dan ku'j dat oek beter zo schrieven. Volgens mien gebeurt dat in t Stellingwarfs niet arg konsekwent. Ik siteer t Haandboek Nedersaksiese Taal- en Letterkunde - Servien (overleg) 22:21, 29 okt 2011 (CEST):

"De "i'j" klinkt as de i van pit volgd deur n j. In de spelling van t Stellingwarfs is "i'j" n overkoepelend grafeem veur disse uutspraoke, die heufdzaekelik oostelik en zudelik is, en "ij" dat westelik zegd wordt (d.w.z. noordelik van de Lende). In dat gebied zeggen ze skreven uui- en uj-woorden mit n "ui"."

Kening Aldgilles, ie moen wal een beetien veurzichtig wezen aj et hebben over 'hoe wi'j et in et Stellingwarfs zeggen', aj et temiensen mit de algemiene visie iens binnen dat et Stellingwarver taelgebied deurlöp in Drenthe en Overiessel. In et (Zuudveneger) Overiesselse Stellingwarfs dat ik kenne, wodt de i'j-klaank wal degelik dudelik gebruukt. Dat d'r dus ok veul meensen binnen die de i'j-klaank niet gebruken, wus ik niet iens. E.e.a. komp overien mit Servien zien citaot uut et Handboek Nedersaksische Taal- en Letterkunde. Ni'jluuseger (overleg) 16:10, 3 nov 2011 (CET)

Aldgilles, ie nuumden ok de dubbele aa. In woorden as 'Nederlaand' en 'Duutslaand' hebben meensen d'r inderdaod vaeke de fut niet meer veur omme die lang uut te spreken, mar in woorden as 'kraante' kan e dan weer niet lang genog wezen. Variabel dus, in mien beleving. Ni'jluuseger (overleg) 16:18, 3 nov 2011 (CET)

Ik bin niet veur of tegen welke visie dan ok mar. Ik ken et Stellingwarfs zoas ik et schrief, en zo praoten de meerste meensken in Weststellingwarf et ok. Veur de schriefwieze van et Stellingwarfs kiek ik wel iens in de boekies a'j et weten wollen. Dingen die daorvan ofwieken schrief ik zoas ik denk dat et goed is. D'r bin niet zo vule die et Stellingwarfs praoten, en die et praoten doen dat niet allegeer neffens et woordenboekien. Is et Stellingwarfs dan al uutsturven? Zoas ie ok al zeggen, et is variabel. Groetnis --Kening Aldgilles (overleg) 18:35, 3 nov 2011 (CET)

Terms of Use update

I apologize that you are receiving this message in English. Please help translate it.

Hello,

The Wikimedia Foundation is discussing changes to its Terms of Use. The discussion can be found at Talk:Terms of use. Everyone is invited to join in. Because the new version of Terms of use is not in final form, we are not able to present official translations of it. Volunteers are welcome to translate it, as German volunteers have done at m:Terms of use/de, but we ask that you note at the top that the translation is unofficial and may become outdated as the English version is changed. The translation request can be found at m:Translation requests/WMF/Terms of Use 2 -- Maggie Dennis, Community Liaison 03:07, 27 okt 2011 (CEST)

Verkaizensprogram VVD

Mooi: Verkaizensprogram(moa) VVD ien t Grönnegs Grönneger 1 (overleg) 11:42, 20 nov 2011 (CET)

Daor kunnen der mee n veurbeeld an nemen! :-D Servien (overleg) 18:08, 24 nov 2011 (CET)

He'k de leste tied meer eziene, beveurbield ok hier. Ni'jluuseger (overleg) 10:27, 1 des 2011 (CET)

Kìrstverhoal ien t Grönnegs

Kiek, ik heb weer n nij projekje moakt, t kìrstverhoal ien t Grönnegs. k Heb mien stem zo vervörmd dat t liekt as of ik n ol pastoor ien n Reumse kìrk bin, mòr aigelks zit ik gewoon achter mien komputer. Grönneger 1 (overleg) 16:22, 11 des 2011 (CET)

Nuver; ok aordig dej veur 'Bedlam' ekeuzen hebt. Ni'jluuseger (overleg) 18:12, 19 des 2011 (CET)

Joa, Betlum is n noam dij n dörp hier ien Grönnen of Oostfraislaand zo hebben kon. "Betlehem" is ook nait de oorspronkelke noam, dus ook vertoald. Woarom zollen wie t den ook nait veur oszulf vertoalen? De Grönnegse biebel het ook kozen veur "Mattheüs". Persoonlieks haar ik kozen veur "Matthieu".

Kollegee, ik wìns joe aalvast noflike kìrstdoagen en n schier oetìnde! Grönneger 1 (overleg) 11:34, 22 des 2011 (CET)

Open Call for 2012 Wikimedia Fellowship Applicants

I apologize that you are receiving this message in English. Please help translate it.

• Do you want to help attract new contributors to Wikimedia projects?
• Do you want to improve retention of our existing editors?
• Do you want to strengthen our community by diversifying its base and increasing the overall number of excellent participants around the world?

The Wikimedia Foundation is seeking Community Fellows and project ideas for the Community Fellowship Program. A Fellowship is a temporary position at the Wikimedia Foundation in order to work on a specific project or set of projects. Submissions for 2012 are encouraged to focus on the theme of improving editor retention and increasing participation in Wikimedia projects. If interested, please submit a project idea or apply to be a fellow by January 15, 2012. Please visit https://meta.wikimedia.org/wiki/Wikimedia_Fellowships for more information.

Thanks!

--Siko Bouterse, Head of Community Fellowships, Wikimedia Foundation 03:56, 22 des 2011 (CET)

Distributed via Global message delivery. (Wrong page? Fix here.)

Wul iene es e'em kiekn?

Ik heb net veur't eerst hier een artikel schree'm. Sol iene misschien e'em kunnn kieken of 't mij goed afgoan is? 't Is 't artikel over Ina Müller, een Duutse zangeres die ok geregeld in 't Platduuts zingt. Ik schreef op zien Zuud-Drents (omgeving Emmen). Verander gerust wat nie goed goan is. Ik heb Drents eigenlijk altied allenig maar proat en nooit schree'm. Bedankt alvast! Bermond (overleg) 21:53, 9 jan 2012 (CET)

Moin Bermond, ten eerste natuurlik onmeundig mooi a'j hier wat eskreewn hebt. Doar mu'w dr mear van hebn! Vuur skriefwiezes van t Dreants zo'j es op de webstea van t Huus van de Taol mutn kiekn. Dee hebt det hardstikke mooi terechte. Ik hebbe n poar kleaine dinge anpast in oew artikel, mu'j mer eawn kiekn o'j t dr met eens zeent. t Platduuts (Hör mal n beten too) hoo'j hier in elk geval nit oawer te zetn, det begriepe vie zo wal ;). Mooin mal he'j ook emaakt. Goodgoan. Woolters (overleg) 11:44, 10 jan 2012 (CET)

Bedankt, dan vuul dan weer met. Ik zal um nog wel eem weer deurkieken met de aanwiezings van het Huus van de Taol. Ik zal hier wel niet zo huul vake kommen, maar dan wee'k da'k me nie te veul zorgen maken moet a'k weer zun soort onderwerp tegenkom. Ie ok goedgaon. Bermond (overleg) 16:36, 10 jan 2012 (CET)

Ik had dr lol an en dacht ik schrief dr nog eem iene. Nou ha'k daor een mal veur neudig en nou warkt het tweede diel niet. Ik har es een mal op de Duutse zien die'k toen eem hierhin zet heb, mal:purge, omdat het leek dat dr een vertraging op de server zit hier (gistern kwam hij ok niet metien naor veuren, maar duurde het ok eempies. Kan het wezen da'k iets fout daon heb, of zit dr misschien een fout in de hoofdmal mal:Infobox of nog wat aanders? Bermond (overleg) 20:12, 10 jan 2012 (CET)

Ik hebbe t ezeen. Mer ik zin nit zo klook met dee dinge. Ik skriewe vuurnamelik tekst, en de maln loa'k mooi wean. A'k dr vroagn oawer hebbe loa'k det meestentieds oawer an de aandere gebroekers, mer dee zeent de leste deage froai stille. Ik zal ze wal es eawn anskriewn. Oonderwiel mooi verdan skriewn, n artikel kan ook wal efkes zoonder mal. Woolters (overleg) 20:23, 10 jan 2012 (CET)

Hej ok wel geliek an. De fout is in het artikel in elk geval niet te zien. Maar eem afwachten. Bermond (overleg) 20:25, 10 jan 2012 (CET)

Welkom Bermond! Ik heb der even naor ekeken en weg en were wat an-epast, noen steet t der volgens mien wel aordig op. @Woolters: da's waor, mer ik wark achter de scharms nog an wat artikels (en systeemteksten), ze bin allinnig wat langer, daor do'k altied iewig lange over veurda'k t schrap hebbe :-P. Servien (overleg) 21:36, 10 jan 2012 (CET)

Bedankt allemaol, ok Droadnaegel nog. Ik zie nou wa'k a'k nie goed dan haar. Bermond (overleg) 18:56, 11 jan 2012 (CET)

Announcing Wikipedia 1.19 beta

Wikimedia Foundation is getting ready to push out 1.19 to all the WMF-hosted wikis. As we finish wrapping up our code review, you can test the new version right now on beta.wmflabs.org. For more information, please read the release notes or the start of the final announcement.

The following are the areas that you will probably be most interested in:

• Faster loading of javascript files makes dependency tracking more important.
• New common*.css files usable by skins instead of having to copy piles of generic styles from MonoBook or Vector's css.
• The default user signature now contains a talk link in addition to the user link.
• Searching blocked usernames in block log is now clearer.
• Better timezone recognition in user preferences.
• Improved diff readability for colorblind people.
• The interwiki links table can now be accessed also when the interwiki cache is used (used in the API and the Interwiki extension).
• More gender support (for instance in logs and user lists).
• Language converter improved, e.g. it now works depending on the page content language.
• Time and number-formatting magic words also now depend on the page content language.
• Bidirectional support further improved after 1.18.

Report any problems on the labs beta wiki and we'll work to address them before they software is released to the production wikis.

Note that this cluster does have SUL but it is not integrated with SUL in production, so you'll need to create another account. You should avoid using the same password as you use here. — Global message delivery 17:25, 15 jan 2012 (CET)

Language support group for Nedersaksisch

The Wikimedia Foundation has brought together a new team of developers who are dedicated to language support. This team is to support all the languages and consequently it is not realistic to expect that the team members can provide proper support for your language. It is for this reason that we are looking for volunteers who will make up a language support team.

This language support team will be asked to provide us with information about their language. Such information may need to be provided either to us or on a website that we will indicate to you. Another activity will be to test software that will likely have an effect on the running of the MediaWiki software. We are looking for people who clearly identify their ability. Formal knowledge is definitely appreciated.

As much of the activity will be concentrated on translatewiki.net, it will be a plus when team members know how to localise at translatewiki.net.
Thanks, Gmeijssen (overleg) 13:03, 31 jan 2012 (CET)

Wikipedie op de mobiel

Niej: sinds kort steet t veurblad van de Nedersaksiese Wikipedie oek op de zaktelefoonversie (mit dank an Slomox)! Servien (overleg) 22:57, 31 jan 2012 (CET)

Kattegerie:Vôlk

Ik bun al n zetjen gangs um de kattegeri'jen en mallen naor ANS um te zetten, en no kwam ik dissen teggen: Kattegerie:Vôlk. Da's Grunnegs, lik mi'j. Wat is dat in ANS? Vaolk, of volk of nog wat aans? Droadnaegel (overleg) 00:53, 11 feb 2012 (CET)

A've de oetsproak vaolgen zollen zol t "vaolk" worden, maor dat zigt der nait oet, dus "volk" liekt mie beter den. Grönneger 1 (overleg) 11:06, 11 feb 2012 (CET)

A'j t uutspreken as /vɔːlk/ (zo as "n vaol doekjen") dan heur je t inderdaod zo te schrieven, mer m'n dunkt dat der toch vaker "volk" eschreven zal wörden, op zich gien probleem want je hoeven natuurlik niet elk klein dingetjen an te geven (net zo as ik t vortvallen van de T niet schrief). Servien (overleg) 18:59, 14 feb 2012 (CET)

MediaWiki 1.19

(Apologies if this message isn't in your language.) The Wikimedia Foundation is planning to upgrade MediaWiki (the software powering this wiki) to its latest version this month. You can help to test it before it is enabled, to avoid disruption and breakage. More information is available in the full announcement. Thank you for your understanding.

Guillaume Paumier, via the Global message delivery system (wrong page? You can fix it.). 16:12, 12 feb 2012 (CET)

Goodkuring gebroek ofbeeldings RTV Oost

Moin, t is al nen zet eleedn, en ik geleuf a'k t al earder emeeld hebbe, mer ik was minne inbox an t opruumn en ik köm t oonderstoande bericht nog teegn:

RE: gebruik foto's‏

Beste Woolters,

Dank je wel voor je mail. Hierbij geven we toestemming om foto's van onze website te gebruiken mits er een bronvermelding bij komt te staan.

Ik hoop je hiermee voldoende van dienst te zijn geweest.

Met vriendelijke groet, Floor Westerveld

Marketing & PR RTV Oost

Woolters (overleg) 18:41, 14 feb 2012 (CET)

Puzeltje

Ik heurde man op radio proaten over Grönnegse scrabble en noar aanlaaiden doarvan heb even n puzeltje moakt. Aplaus veur de eerste dij hom hailemoal oplöst! :) Grönneger 1 (overleg) 20:13, 19 feb 2012 (CET)

He'j mooi edaon! Ik heb vanmirreg al eventjes gauw ekeken, mer der zitten der al n paor bie die'k wel wete, mer de rest is biester lastig! Ik zal m'n der es an wagen ;-)... Servien (overleg) 19:30, 20 feb 2012 (CET)

Sukses! De maiste woorden binnen wel vindboar op dizze wikipedia of mien videos op youtube. t Is traauwens nog nait ien de ANS (wel n belaangrieke mitdailen bie n woordpuzel dunkt mie). Grönneger 1 (overleg) 20:40, 20 feb 2012 (CET)

Maor jao, dit is n enzyklopedie, dus der stoan n hail eande woorden, maor toch :p ik bedoul dus ien de toalwiezer. Grönneger 1 (overleg) 20:47, 20 feb 2012 (CET)

Skier wark! Ik krieg der wal wat in-evuld, maor ik krieg m neet vol, daorveur is mien Grunnegs te slecht. Droadnaegel (overleg) 23:35, 28 feb 2012 (CET)

Braand lös zol k zèggen! Grönneger 1 (overleg) 23:50, 28 feb 2012 (CET)

1.

2. Old

3.

4. Skeuvellopen

5.

6.

7.

8.

9.

10. Sikkom (of sikkem)

11.

12. Ommelaand

13.

14.

15.

16.

17.

18.

19.

20.

21.

22. Knoal

23.

Vertikoal. 1. Zoltkaamp 2. old 3. acht 4. scheuvellopen 5. ainendartig 6. dôbbes 7. boeskool 8. hait 9. loug 10. sikkom 11. slaif

Horizontoal. 12. Ommelaand 13. toes 14. dag 15. botten 16. hounder 17. hoos 18. trankiel 19. zeel 20. Leegsaksen 21. zoepen 22. knoal 23. dook Ni'jluuseger (overleg) 14:47, 2 mrt 2012 (CET)

Nummer 1, 2, 4, 5, 7, 8, 9, 10, 11, 12, 13, 16, 17, 18, 19, 20, 21, 22 en 23 binnen goud. Nummer 6 is binoa goud (dôbbeN). Nummer 3, 14 en 15 binnen nait goud. Mòr wel komplimìnten! Grönneger 1 (overleg) 23:31, 2 mrt 2012 (CET)

14 eiw/aiw 15 bonker/bonken 3? zol dan met i- anvangen, kwarteer ezocht op t net, neet evonden. Droadnaegel (overleg) 00:13, 3 mrt 2012 (CET)

Bonken is goud! Grönneger 1 (overleg) 10:48, 3 mrt 2012 (CET)

Nummer 3 is nait echt n typisch Grönnegs woord. t Is 'eren'. Grönneger 1 (overleg) 10:49, 3 mrt 2012 (CET)

Kattegerie:Veurmoaligen Stoat

Twiefel: veur ANS wi'k Kattegerie:Veurmoaligen Stoat herneumen, maor Veurmaoligen staot steet mi'j wat tegen. Wat duch ow: Kattegerie:Veurmaoligen staot, Kattegerie:Veurmaolig laand, Kattegerie:Histories laand, Kattegerie:Historiesen staot, Kattegerie:Vrogger laand/staot, Kattegerie:Laand dat neet meer besteet of nog wat aans? Droadnaegel (overleg) 23:32, 28 feb 2012 (CET)

Ik hebbe zeelf nit heel völle möaite met veurmoalig, mer a'j t dan toch an weelt pasn, zol ik vrog(g)er(en) stoat/laand t meuiste veendn. Woolters (overleg) 17:13, 29 feb 2012 (CET)

Vroggere staot, Staot in 't vleden. Ni'jluuseger (overleg) 16:48, 2 mrt 2012 (CET)

Pending MediaWiki namespace changes

There is a request to change the names of MediaWiki namespaces for the Lower Saxon (Dutch) language. As this is a change that is hard to undo, we are looking for conformation from the community that this is what you want. The changes can be found in this "Gerrit document".

We are looking for an answer by April 5th. Thanks, Gmeijssen (overleg) 12:01, 25 mrt 2012 (CEST)

The concerning website/document is not available... Grönneger 1 (overleg) 12:20, 25 mrt 2012 (CEST)

Fixed .. sorry Gmeijssen (overleg) 17:37, 26 mrt 2012 (CEST)

A'j dat doon willen, grege! (Um t internasionaal te houwen: ja graag/gerne/asseblief/gärna / yes please / oui s'il vous plaît). :-) Servien (overleg) 21:26, 27 mrt 2012 (CEST)

Platies

Hoe kan ik plaaties invoern in n artiekel? Faasco (overleg)

Ik hebbe t intussen uutevunnen. Faasco (overleg) 18:16, 22 apr 2012 (CEST)

Goed bezig, Faasco! Servien (overleg) 21:33, 23 apr 2012 (CEST)