Waoterplaante (algemeen)
Een waoterplaante hef zien eigen an-epas an een tiedelijk of veurgoed bestaon onderwaoter. Waoterplaanten greuien in een vochtige umgeving dee zo nat is dat de aandere plaanten der neet kunnen overleven.
Net as de plaanten dee bovenwaoter greuien bin ze ofhankelijk van loch, koolstof, mineralen, spoorelementen en vitemines. Deur disse behoeftes speulen ze een belangrieke rolle in 't evenwich van netuurlijke waoters. Ze nemen koolstof (uut-esteuten deur vissen en bacteriën) op veur der fotosynthese en vervangen disse koolstof deur zuurstof. Ze haolen nitraoten, fosfaoten en aandere elementen uut 't waoter en gebruken dit veur der greuipreces.
Veerder bin waoterplaanten belangriek veur bepaolde diersoorten um in leven te kunnen blieven. De waoterplaanten zörgen derveur dat disse waoterdieren te eten hemmen, mar oek schuul- en breudplaosen hemmen.