Walmölle

Oet Wikipedie, de vraaie enzyklopedie

Nen walmölle is nen mölle dee steet op den stadswal van nen ummuurden stad. Hierdeur had nen mölle vri-jen windvang. Ok waren zie bi-j geslotten stadspoorten veur den stadsbewonners bereikboar en had et stadsbestuur vaste inkomste uut den "belasting op et gemoal".
Um te veurkommen dat et stadsbestuur inkomsten misleep, wöd doar "mölledwang" op-elegd. Zi-j waren dan verplicht um zien groan op ne stadsmölle te loaten moalen.
Dee stadsmölle wödden mangsmoal deur et stadsbestuur bi-j opbod an den meest beedende möllenoar verpacht, woarbi-j hi-j zich verplichtten um den belasting op et gemoal veur et stadsbestuur te innen en of te stoan. Doarnoast had den möllenoar "schuprechte", et rechte um as moalloon nen dele van et meal veur eigen gebruuk achter te holden. Hierveur wöd nen schuppe van bepoalden ofmetingen ebruukt. Sommige möllenoars heelden bi-j den steele hun doeme op den raand van den scheppe, woardeur zie meer meel koanden schuppen.