Verliefdheaid

Oet Wikipedie, de vraaie enzyklopedie
Gao naor: navigasie, zeuk
De verleefdheaid van twee persoonn oet-ebeeld in n skilderieje van Pierre August Cot, ehetn De Leante.

Verliefdheaid is ne emosie dee'j biej mensken veendn könt. t Kan veurkömn in ne liefdesrelasie, moar t kan ok eanziejdig veurkömn, wat betekkent det de eane wal interesse hef in de oandere moar de oandere nich in de eane. t Kan slechts eankele wekken öf daagn duurn, moar sommigen hebt t öar völle leaven. De readn det verliefdheaid rap weer oawer geet kan verskiln van persoon töt persoon. Biej sommigen blif t heel lange umdet degene dee verliefd is ok de verliefdheaid van de oandere krig, biej oanderen blif t moar kört umdet t een plötselinge en tiedelike opspöllige van de hormonen is dee noa ne körte tied wear veurbiej is.

Karakteristiekn[bewark | bronkode bewarken]

Verliefdheaid is wannear ne persoon nen zeer grote antrekkigeskracht veult noar nen oanderen, det vake nich vriewillig gebeurt en ok vake kerakteriseerd wörd met ne behoofte van weaderziedse geveulns van de geliefde. Iej wordt echt helemoal met-etrökn deur deegene en köant oewe gedachtn nergns oanders op richten. Deur sommigen wörd ok de seksualiteait as n belangriek onnerdeel ezeen; zeeleu zegt det verliefdheaid de zeuktocht veur nen potensjeeln sekspartner is.

Verliefdheaid kan ok dwaze verliefdheaid wordn. Disse verliefdheaid kan ok ne obsessie wordn, woarbiej biej de geleefde de positieve en oantreklike kaantn oawerdreven wordt, terwiel de negatieve en ofstotelike kaantn biejnoa of heelmoal erkend wör. Hiermet krie'j n geperfeksjoneerd beeld van de geleefde.

Verliefdheaid wör ekenmarkt deur t völle deankn an de geleefde, en de behoofte um um te verdeadign as nen oandern negatief oawer um is. Verder köant extreme vörme van vreugde en wanhoop ontstoan, ofhangend van of de verliefdheaid wal of nich weaderzieds is. Biej mekoar enömn is t zo det iemand weg-edreagn wörd deur geveulns van passie en leefde töt op ne situasie woar t op ne verslavige begeent te liekn. Oawer t aalgemeen geet t saamn met ne grote passie of verwoonderige vuur iemand. Veur degeenn dee't nog nimmer earder met-emaakt hebt kan t verkeerd begrepn wordn en as (seksuele) fantasiejn ezeen wordn, moar ok as ne konstruksie van romantiese fiksie.

Verleefdheaid is nich t zelfde as leefde. Tarwiel t biej liefde nich per se fysiek möt wean moar t ok oawer fysieke en geestlike gesteldheaid wean kan, könt ze biej verliefdheaid de behoofte veuln um aait biej deegene te wean, um wellicht te goan zoenn of zölfs seksuele hoandeligen oet te voern.

Onnerdeeln[bewark | bronkode bewarken]

Verliefdheaid geet aajt saamn met nen groten antrekkingskracht op de oandere persoon an. Oandere onnerdeeln zeent de behoofte veur beantwöardige, de angst veur ofwiezige, ne nich te behealpn verleagnheaid in de umgevige van de geleefde, en in t geval van ginne weaderziedse verliefdheaid vaak t indeankn det de oandere achter zinne neutraliteait woarskienlik wal verliefdheaidsgeveulns hef. Dat elke hoandeling dee hee oonderneamp vuur ne meuglike aksie van verbörgn verliefdheaid wordn an-ezeen.

Verliefdheaid steurt alle oandere geveulns van twiefel en gevoar noar n achtergroond, woardeur alle aksies en gedachtn en geveulns helemoal um de geleefde dreeit, en veardere negatieve kaantn en moeilikheedn wordt vergetn.

Eenziedig deankn en fantasieje[bewark | bronkode bewarken]

Tiedens de verliefdheaid wordt alle aksies en situasies in t leaven terugge-bracht op de geleefde. Biej alns wa'j doot denkt iej det t better is as de geleefde drbiej is, en biej alns wat dr gebeurt wörd t noar de geleefde herleaidt, zölfs al hef dr de geleefde nog nooit wat van zeen of oawer heurd. As dr nog ginne verbeendige tusken ne aksie en de geleefde was, dan wörd t wal op-emaakt as t gebeurt. Alns wörd zo emaakt en ezeen det t op een of oandere manier wal meuglik wean möt.

Fantasiejn van de geleefde dee oawer (te) verregoande ideejn goat wordt vake weg-eloatn deur de verleefde. Söms is t fantaseern terug-zeend. Iets det deur de verleefde as bewies det de geleefde weerzieds verleefd is wör oawerdacht. As iets wat noch nooit earder veurkömn dead wör deur de verliefde zoo ne situasie verzunn en wörd ehopt det t ok in de realiteait gebeurn geet.

De fantasiejn könnt lange bröggen sloan tusken de verbeeldige en de reoaliteait van de verliefde. De lengte en in-ewikkeldheaid van de fantasiejn wör vast-esteld döar de tied en vriejheaid dee de verliefde hef. De gelukzoaligheaid van t verzönn'n möment van völtrekkige as de möglikheaidn van t töt woarheaid wörn van de fantasieje steads greuter wör (zölfs aal is t önwoarskiejnlik). t Is nich aajt prettig zoo te denkn, en as ofwiejzige woarskiejnlik wör könnt de edaktn wechseln öp wanhoop en söms zölfs zelfdödige an.

Fantasiejn könnt ok in dreume töt uutige komn. Disse dreume zeent vaak zwoar emosioneel en könt n dreumer in wanhoop wakker loatn wördn. Dreume könt de geveulens en gedachten loatn opniej loatn beginn op n momeant det de (veurmoalig) verleefde zinne geveulens (biejnoa) nich mear had.

Ofwiezige in ne Amerikaanse High School.

Angst veur ofwiejzige[bewark | bronkode bewarken]

Ondanks det n noadruk veuraal op de positieve eaignskopn ezet wörd en dr ne grote hoppe op weaderziejdse geveulens is, is dr ook n angst veur ofwiezige. Det kan dr veur zorgn det de verleefde zik heal ongemakkelik en verleagn geet veuln in de noabiejheaid van de geleefde. Meastieds geet det ok saamn met n geveul van zölftwiefel.

Desöndanks is t in de measte gevaln zoo det n angst veur ofwiezige dr veur zorgt det de verleefdheaid ophoold as de verliefdheaid nich weaderzieds is, en zölfs aal zeent beaide partiejen in mekoar interesseard, dan kan t nog aait zo wean det dr ginne relasie keump umdet beaidn de angst veult veur t uutlegn van öare kerakteristiekn an mekoar in de angst det de oandre 'm dan trögtrekt.

Hoppe[bewark | bronkode bewarken]

Verleefdheaid öntsteet en blif allean as dr ok hoppe biej is. De boasis veur verliefdheaidshoop is measttieds nich reëel moar interpreteard zooas de verliefde t gearne zeen wilt. De hoop spöart de verliefde an öm öp teknen van weaderziejdse evoolns an te zookn, en elke beweagige en uutsproak en edragspetroon wör anoaliseerd veur teknen dee angeven det d'r ne kaans is.

Iej könnt ne verliefde öp elk möment noavroagn noar elk woard, elk eboar en elken aksie dee de eliefde edoan hef binn'n t zicht van de verliefde. Iej kriejt aajt n uut-ebreaid en detailleard antwoard. As n deeng, nen ploats, ne persönne öf situoasie mit de eliefde in verbaand ebrachd kan wörn, dan stoat t in t eheugn van de verliefde eskriewn.

t Besef det ne verliefdheaid nich weaderziejds is kan d'r ne heale tied oawer doon öm biej de verliefde öp in n köp an te kömmn. Veuraal as de verliefde ginne drekse reaksie van de eliefde kriejt hieroawer.


Lichoamelike effektn[bewark | bronkode bewarken]

N verliefd köppel.

Van de verliefdheaid kö'j heartklöppigen, tremoren, wit wegtrekn, bloozn, vergreutige van de pupil en algemiene zwokheaid kriejn. Onhaandigheaid, stöttern, verleagnheaid en verwarrige zeent t meast veurkömmnde öp t edragsniveau. Iej könnt ziek wörn, last kriejn van duuzeligheaid en hoofdpien, enzovöart. D'r skiejnen zölfs evaln bekeand te wean woarin mensken flaauw-evaln zeent.

D'r is bezorgdheaid, nervöasiteait en ön-erustheaid ömde'j angstig wean könnt de'j döar too te geven a'j evoolns nen woaren raamp öntkeetn'n doot. Völle van de psychologiese andoonigen kömmt van de angstn dee mit verliefdheaid soamn goat. Measttieds kömmt disse dreks öf vlöks noa n kontakt mit de eliefde, en ereandern doarnoa voak vlög in t evool in extoase te wean öf wanhoop.

De hoge sensiviteait dee d'r mit soamn goat lett ök voak öp de lichoamssproak van de eliefde, en geeft dan voak an det pögige töt ne reloasie nich te völle vruchtn ofwerpt (zölfs aal wör det döar de verliefde oandres interpreteard en vervörmt töt bealnd woaruut bliekt det de eliefde t wal wil). De eaign lichoamssproak is dan ök voak öncontrollearboar en loatt voak zeen det de verliefde önzekker is.

Zölfbewustheaid, woakzoamheaid, bewustelikheaid en ne enörme hoovölleheaid energie goat in t lichoam roond. t Evool kö'j in t midn van de borst, de groond van de keel, de därmn en söms ök in de eslachtsdeiln vooln. Det kan ebeurn a't ne situoasie van weaderkerigheaid is, moar kan söms nöch arger wean in tiedn van wanhoop.

Seksuoaliteait[bewark | bronkode bewarken]

N zoen'nd köppel.

Bewustelikheaid van de seksuele antrekkige is wichtige biej verliefdheaid, moar biejnoa neujt t deeng woar t meast öp elet wör; measttieds wör t as "lichoamelike veurdeiln" ezeen. Desöndaanks is t zoo de't meast konsisteante önnerdeil van de verliefdheaid t poarn is, nich allean as (bevreadignde) seksuele inneraksie moar ök as verplichtige.

Verliefdheaid kan intenser wörn noa seksueel kontakt, en mit ne greutere verliefdheaid kömmt n greuter verlangn veur seksueel kontakt. t Is voak zoo det seksueel kontakt de önzekkerheaid wegsloat, moar rechtevoorts hooft det nich mear zoo te wean.

Verliefdheaidsfantasiejn zeent nich t zelfde as seksuele fantasiejn; verliefdheaidsfantasiejn goat aajt oawer deengn dee in de reoaliteait ök möglik zeent, en könnt nich estöpt wörn as zee an de gaang zeent. Seksuele fantasiejn zeent min öf mear vriejwillig en könnt oandren dan de eliefde, önbekeandn öf zelfs verzönn'n persönen bevatn, in kombinoasie mit situoasies dee in t echte leven woarskiejnlik neujt veur goat kömmn. Verliefdheaidsfantasiejn geeft voak ne bettere öntspannige en loat de lichoamstemperoatuure riejzn, woarbiej seksuele fantasiejn minner krächtig zeent en voak inhoaldn hoo good nen collegoa, ne(n) klasgenoot(e) öf ne vreamde in de bus in de berre zeent (öf wat de fantasearder erwacht van hoo good zee zeent).

Iej kriejt voak de behoofte de oandre an te roakn, te ömhelzn, te zoenn öf (zooas boven uut-elegd) te poarn.