Two Bridges

Oet Wikipedie, de vraaie enzyklopedie
Gao naor: navigasie, zeuk
De olde brögge.
De nieje brögge.
t Two Bridges Hotel det vreuger nen kootsiersherbarg was.

Two Bridges (Tweants: Twea Brögn) is nen isoleardn plak in t heart van Dartmoor National Park in Dartmoor in n civil parish Dartmoor Forest in Devon, Englaand. t Leg önnevear 2,5 km ten neurdn van Princetown laanks de olde Turnpikestroate dee in n 18n joarhönnerd kats deur Dartmoor an-leg is (noe-an-n-dag is t de B3212.

Ne koarte oet 1765 döt n herkömst van noam angefn: vreuger lei de stroate moar n kleain stukskn streumöpwöarts van woar twea streume samnkömt, oawer zoowa n West Dart River as n River Coswic, woardeur d'r twea brögn nödig warn.

In 1891 warn disse vort-goan en was d'r alleanig eane brögge, vearder streumofwöarts, oawer n West Dart. Teagnweurdig bint d'r ekter wier twea brögn öp n plak deurdet d'r nen niejn, modernern struktuur nödig was veur t moderne verkear tarwiel zinn oldn broor ok stoan bliefn. Bezeukers denkt mangs det disse dezölfde brögn bint dee n noam geawn hebt an dissen plak.

In n 18n joarhÖnnerd was Two Bridges t bekantst veur zinn tuffelmarkt. n Plak was zönner twiefel keuzn öm zinne sentroale lokoasie, en ok maklik bezeukboar laanks de wegge de toon en ok vandoag nög de eanige broekboare wegge is dee deur Dartmoor henne geet. n Poar kleaine steangreuwe in de noabiejheaid bewiest det d'r vreuger ok wat industrie was.

Zee dee wärkn en mekoar öntmeutn in dissen of-leagnn plak könn zich verfrisn en oawernachtn in Saracen's Head. Dissen kootsierherbarg oet 1794 steet d'r noe-an-n-dag nöch, moar hett noe t Two Bridges Hotel.

Ok vandoag-n-dag is t n populair ontmeutignspeunt veur toeristn en waandloars. t Gebeed is ömreengd deur prehistoriese antikwieteaitn, met önner oare Bronstiedneaderzettign, steannriejn en nen grötn menhir - the Beardown Man - den ten neurdwestn van Two Bridges leg. n Devonport Leat - n haand-groawn kanoal - geet d'r kats laanks.