Tweekamp
Oet Wikipedie, de vraaie enzyklopedie
Nen Tweekamp of duel (Latien: duellum) is nen, mangs vri-jwilligen, gewalddoadig treffen tussen twee leu, veul al noa nen uutdoaging van éne van beiden deelnemmers deur nen hanse veur iemands veute te warpen. Wee den hanse oppakt, zo wol den reagel, nemt den uutdaoging an. In West-Europa vönden tweekampen mit reagelmoat ploats tot an et beginne van den 20den eeuwe, howal den umstaandigheid van laand tot laand verskilden. Vandage bunt tweekampen in alle West-Europese laanden bi-j wet verboden.
In den middeleeuwn wöd ben tweekamp mangs ebruukt as nen godseurdeal.
Den uutdrökking oaver wee den hanse pakt is ofgeleid van et eertieds gebruukeleken oppeningsritueel.
[bewark] Wetteleken toostaand in Nederlaand
In 1881 wöd in et Nederlaandsen Wetbook van Strafrechte et uutdoagen tot en annemmen van nen tweegkamp uutsluutend strafboar esteld wanneer doarop doadwarkelek nen tweekamp ploatsvond. Doar was allenig sproake van nen tweakamp as doarbi-j getuugen anweazig waren. Dizzen toovoeging in et Wetbook van Strafrechte deenden um te veurkommen dat den verholdingsgewies laege straffen rundumme nen tweekamp unterecht too-epast zollen wödden wanneer nen verdachten unterecht zol zeggen dat doar sproake zol wean van nen tweekamp[1]. Tot 1 februari 2006 wöd den tweekamp nog apart strafboar esteld in et Nederlaandsen Wetbook van Strafrechte in den artikelen 152 tot en mit 156. Doar bestoanden toon nog vri-j gunstige strafrechteleken bepoalingen rundumme den tweekamp. Vandage wödt nen tweekamp berecht under den gewonen wetsartikelen rundumme moord, doodslag en mishandeling.
Den wetgeaver zag et verbod op et tweegevecht as nen verolderden wetsbepoaling. Dee betreffende wetsartikelen bunt vri-jwal nooit too-epast. Tussen 1886 en 2004 bunt doar in Nederlaand moar 8 tweekampen berecht[2].
Al bi-j den totstaandkomming van et wetbook an et ende van dne 19den eeuwe bedächten zi-j zich al of den tweekamp wal apart strafboar esteld mös wödden. Zi-j waren et doar oaver ens dat et nen untooloatboaren vörm van eigenrechte was, moar zi-j vonden et te wiet goan um dee verdachten te vereurdelen volgens den klassieken moordbepoalingen, umdat beiden parti-jen doarmet instemden.
Tweekampen tussen officieren van den kriegsmachte kwamen verholdingsgewies vaker veur dan tussen bürgerleu. Et Wetbook van Kriegs Strafrechte vermeldden tot den herzeening van 1990 tweekampen in nen ofzunderlek artikel.
[bewark] Uutgoande verwiezingen
- Olde uutvoering van et Wetbook van Strafrecht
- den Volkskrante - Letsten tweekamp um vrouwe wöd mit woapens beslecht
- den Volkskrante - Tweekamp um vrouwe ‘normaal’ bestraft
