Tieksken

Oet Wikipedie, de vraaie enzyklopedie

Et kuuken van men huusmus is noa den geboarte nog kaal en hulpeloos.

Nen tieksken of kuuken is et jong van nen vöggel. Den beneuming wödt in et biezunder ebruukt veur et jong van nen huundervöggel, zoals nen tuut. Tiekskes wödden geboaren in nen nust.

Tiekskes hebt oaver et algemeen nen gans deepgoanden verzörging van den mooder neudig. Bi-j völ vöggels vleegt den mooder of en an mit eaten um de tiekskes voldoonde te vooden. Bi-j anderen vöggels, zoas pinguïns, eaten de tiekskes kots uut de keel van hun mooder. Bi-j wier andere vöggels künt de tieksken dreks hun eigen eaten zeuken, woarvan tuuten tieksken nen bekand veurbeeld bunt.

Vri-jwal altied nemt den mooder den verzörging van de tiekskes op zich, mangs samen m-t den vader. Doar bunt net völ vöggels woarbi-j uutsluutend den vader veur de tiekskes zörgt.

Doar bunt ok tiekskes dee in nen nust in nen boom geboaren wödden, dee noa hun geboarte dee anderen (unuut-ekommen) eier uut et nust smieten, um hun kans op oaverleaven te vergroten.

[bewark] Lichoamsbouw

Tiekskes hebt nen plomp lief, nen verholdingsgewies groten kop, nen groten snoavel en grote eugn. Ok völ tiekskes van andere dieren, (woaronder den mens), hebt verholdingsgewies nen groot heufd bi-j den geboarte.

[bewark] Tuuten tieksken

Nen tuuten tieksken

Tuuten tieksken bunt arg kwetsboar en neet gezeagend mit nen groten wiesheid. Zie bunt nen makkeleken prooi veur roofvöggels, katn en andere carnivoren en künt verzoepn in nen woaterbeksken of beake. Den mooderklökke zal echter probieren heur tiekskes te bescharmen. Tiekskes künt noadat zoe uut et ei gekroapen bunt dreks lopen, eaten en piepen. Zie zult dee eerste dagen veural deurbrengen in et zachten, wärmen dons van den mooderklökke; doarnoa zult zie meer zelfstaandig op tocht goan. As den mooder vindt dat de tiekskes te eigenwies bunt, zal zie de tiekskes deur middel van heur geklök trögroopen.

Anvankelek besteet den vacht van nen tieksken uutsluutend uut dons, moar al noa enkele dagen verschienen dee eersten veern.

Wee doarop neet oefend is, kan an den buutenkante van et tieksken meujlek zeen of et nen wiefken of menneken is. Bi-j sommigen rassen is et verskil te zeen an den hand van den kleure van et tieksken, bi-j andere rassen is et menneken groter dan et wiefken.