Surdo
Nen Surdo is ne grote bastromme wat in völle soortn Braziljaanse muziek gebroekt wörd, vuurnamelik in Axé/Samba-reggae en de verskeaidene oondersoortn van samba, woer't t zwoare gedeelte van t slagwoark hef.
Surdo's hebt meestal ne grötte tusken de 14 doems töt 29 doems. In Rio de Janeiro hebt surdo's meestal ne heugte van 60cm. Surdo's in t noordoostn van Brazilië zeent vake wat meender (50cm). n Kettel is emaakt van hoolt, galvaniseerd stoal of aluminium. Veln zeent van siknvel of plastik. Ne bateria oet Rio hef gewoonlik surdo's met siknvel (vuur nen woarmen klaank) en aluminium kettels (vuur t gewicht). Ze wordt meestal edreagn an nen reem um de hupn of skoolder, met t vel zo vlak meugelik. t Oondervel wörd nit bespöld.
Met n surdo wörd vake t kenmoarknde samba-ritme spöld, wat dut deankn an nen härtslag. t Wörd met éénn stok met nen dikn knop bespöld. met de aandere haande wörd um en umme n slag edeampt.
