St Francisbaai

n Lochtfoto van St Francisbaai

St Francisbaai (Afrikaans: St Francisbaai, Engels: St Francis Bay; vake aofekort tot St Francis) is een van de darpen van de plaatselike gemeente Kouga en völt onder de distriktsgemeente Cacadu in de Oost-Kaap van Zuud-Afrika. St Francisbaai is n redelik niej darp, dat uut wele boerderiejen is ontstaon.

Deur St Francisbaai streumen twee rivieren, de grootste daorvan is de Krommerivier die uutmond in de Indiese Oseaan, de aander is de Zaandrivier (n verbörgen rivier) die onder t zaand deurstreump over n rotsachtige ondergrond. St Francisbaai lig kortbie Humansdarp en Jeffreysbaai, t is zwat n uur riejen bie Port Elizabeth vandaon.

Buurten

t Darp is verdeeld in zes buurten:

• t oorspronkelike deel, dat allinnig uut witte huzen mit strodaken (of zwarte dakpannen) besteet
• Santareme, t gedeelte dat der Toskaans-/Spaansachtige uutziet
• t Havengebied (Port St Francis)
• De kaap (Kaap St Francis)
• De kanalen
• Sea Vista (n krottewiek waor de meeste kleurlingen en zwarte meensen woenen), oek wel de lokasie eneumd.

Geschiedenisse

Veurdat de Europeanen der gungen woenen, wördden t gebied bewoend deur de Khoi. De naam van dit darp kömp van de Portugese ontdekkingsreiziger Manuel de Perestrelo die in 1575 St Francisbaai zien naam gaf. In Santereme (n buurte in St Francisbaai) bin der n paor San-skeletten evunnen, disse skeletten bin 5180 jaor oud. t Darp is ontstaon rond 1950. Van de Portugese invleujen is niet zoveule te marken, t enigste wat nog an Portugal en t Middellaande Zeegebied döt denken bin de Spaans- en Portugeesachtige straotnamen en bouwstiel in Santareme.

Kaap St Francis is n ampart darp dat vake tot St Francisbaai erekend wörden. Vrogger heetten t Kaap-Serras en wördden oek ontdekt deur Manuelo de Perestrelo. t Is n plekke waor veule surfers naortoe koemen.

Foto-uutstalling

• 

  De Krommerivier

• 

  n Kaapse ginstkatte kortbie de Zaandrivier.

Webstee

• Webstee van St Francisbaai

Dit artikel is eschreven in t West-Veluwse dialekt van Nunspeet, in de Algemene Nedersaksiese Schriefwieze.