Stip
Oet Wikipedie, de vraaie enzyklopedie
Stip is de benoamen van n heufdsaus bie n moaltied. Der binnen verschaaidene oarden stip:
- Broadstip (Noordwest Europees en Amerikoans)
- Butterstip (Nederlaands)
- Kurry (Indioas, Thais)
- Mostertstip (Grunnegs)
- Temoatstip (Italjoans)
Onderwarpen |
[bewark] Broadstip
Broadstip is t extrakt van vlaisk. Voak wordt der ook roux bie doan, bieveurbeeld tuzzelwaaitenblom, butter of eulje. In landen as Nederlaand, Duutslaand, Engelaand en de Verainde Stoaten wordt t over eerdappels hìn goten en soamen opeten.
As varioatsie kinnen der verschaaidene toudounens deurhìn doan worden zo as champions, stôkjes vlaisk, siepeltjes, môr ook wien.
Tegenswoordeg is broadstip ook kriegensboar in poudervörm, woarbie allend môr n bitke woater bie hoft en den koken mout.
[bewark] Butterstip
Bie dikke riest wordt voak butterstip doan. Dit is gewoon smolten butter dij ook in vluiboare vörm schonken wordt. De traditsie is n goatke te môken in t midden van t bultke dikke riest en de butterstip doarin te gaiten.
[bewark] Kurry
In India en Thailaand is kurry de heufdsaus in moaltieden. t Wordt goten over riest en kin mengd worden mit verschaaidene toudounens as hìn, bonen of aander gruinte. Ook kurry is tegenswoordeg in poudervörm kriegensboar, môr deurdat kurry veul dikker is as broadstip mout der maisttieds ook vrizze vlödde deurhìn.
[bewark] Mostertstip
In Grunnen wör van oldsheer mostertstip as wichtegste saus broekt. t Wör môkt van Grunneger mostert, mengen doan mit wat stôkjes spek en spekvet. t Wör eten bie eerdappels dij der in blokjes of hailmoal instipt wörren. Vandoar de aalgemaine noam stip. Tegenswoordeg wordt Mostertstip eten as gewoon gerecht en nait meer as heufdmoaltied.
[bewark] Temoatstip
Temoatstip of pastasaus is de heufdsaus in Itoalje en komt binoa in elk Italjoans gerecht veur. t Wordt over pasta goten en wordt voak mengd mit vlaisk (maisttieds gehak) en gruintes as temoat, praai, siepel, basilikum of oregano.
[bewark] Nedersaksisch
- Drèents: jus, stip, vet
- Grunnegs: stip
- Urkers: doop
- Veluws:
- jus
- sjeu (Apeldoorne, Ugchelen)
- nat
- vet
- stip(pe)
- saus(e) (Harskamp, Loen, Klanenbeek)
