Starbucks

Uut Wikipedia, de vrye encyklopedy
Starbucks öp Vleegveald Brössel.

Starbucks Corporation is ne innernasjonale ketn van koffiehuuze oet Seattle in de VSA. De ketn is in 1971 in dee stad öpricht. t Teekn van Starbucks is ne sirene.

t Is de grötste koffiehoesketn van n wearld, met 17.009 huuze in 50 laandn. Dr zeent mear as 11.000 huuze in de VSA, 1000 in Kanada, 700 in t Vereanigd Könnigriek en mear as 150 in Turkiej. n Antal van dee huuze is in t bezit van n aander öf warkt saamn met Starbucks.

Starbucks verkoopt nich allean koffie moar ok aandere waarme en kolde draankn, koffieboonn, salades, dubbelstoete, häpperskens en taarte. Doarboawnop verkoopt t ok nog beuke, muziek en films biej de Starbucks-Entertainment-ofdealige en met t mark Hear Music. In supermärkte kö'j koffieboonn en room-ies van Starbucks veendn. Dr zeent ok Starbucksn dee in aandere koophuuze zeent, biej veurbeald in beukehuuze en supermärkte.

Skiednisse[bewark | bronkode bewarken]

De earste vestige van Starbucks gung lös in 1979 in Seattle önner de leaidige van Jerry Baldwin, Zev Siegel en Gordon Bowker. Disse drea verkeupn in de earste Starbuckskoophuuze koffiebeune van heuge kwoaliteait en masjienes öm koffie te moakn. Tiejdn t earste joar hoaln zee öare beune biej Peet's Coffee and Tea, noa det joar hoaln zee t dreks van de koffieboern zölf.