Stadsumrooper
Oet Wikipedie, de vraaie enzyklopedie
Nen stadsumrooper verkundigden vrögger et ni-js in den stad, toon doar nog geen krante bestoand. Hi-j breg de bevölking op de heugte van ni-js van het stadsbestuur en van anbiedingen van middenstaanders.
[bewark] Nederlaand
Doar bunt in Nederlaand rundumme 26 stadsumroopers en darpsumroopers dee bunt an-eslotten bi-j et umroopersgilde "Eersten Vereaniging Stads- en Darps Umroopers Nederlaand"
Nen dele van dizze umroopers komt reagelmoatig mekaar teggen op wedstrieden in den laande. Den umrooper dee eersten is ewödden kreg 1 punte, nummer twee kreg doar 2 punte veur enzowieter. Alle wedstrieden wödden an et ende van nen seizoen bi-j mekare teld. Wie noa et seizoen den minsten punte hef, mag zich Nederlaands Kampioen neumen. Nederlaands Kampioen van 2007 is Hein den Rooper (Henk van den Nieuwenhuizen) uut Oosterwiek. In 2008 wödt den Nederlaandsen Kampioen op 13 december op den mirrewinterfeasten in Den Riep bekand emaakt.
In den Grunniger stad Winschoot is doar et helen joar nen stadsumrooper anwezzig, Geert Veen. Bi-j under anderen den Grönmarkte in et Rosarium en bi-j Open Monumentendag is hi-j van de parti-j.
In et Drentsen Möppelt is, tiedens de 6 Donderdag Meppeldagen in den zommervakantie, stadsumrooper Egon Zwikker in den binnenstad beazig.
In den Twentsen stad Oatmörsken is twee moal in et joar nog nen stadsumrooper actief. Op Poaszoaterdag, as den stadsumrooper et hoalen van et poasholt veur et poasvuur ankundigt, en in Oldejoarsnachte, as den stadsumrooper zingend mit nen tröppe inwonners de leu völ heil en zeagen wunst.
Ok et Braobantsen Ravenstein hef zien eigen stadsumrooper, Gerard van Gelder. Bi-j verskillenden geleagenheden en feaste vervult hi-j nen rolle. Joarleks is in Ravenstein tiedens den broaderie "Samen op de koffie" nen groot stadsumroopers wedstried woaran nen meerderheid van de Nederlaandsen umroopers an met düt. Ook de lokoalen krante "den Omrooper" is verneumt noar den boodschappers van vrögger.
In Alphen an den Maas (Gemeente West Maas en Waal) is Peer Witzel den darpsumrooper. Reggelmoatig geet hi-j op tocht um feaste, verjoardagen of andere tiedingen in et darp bekand te maken.
Darja van Caluwé uut Dordrecht is den enige vrouweleken stadsumrooper van Nederlaand.
