Stadsknoal (knoal)
Oet Wikipedie, de vraaie enzyklopedie
t Stadsknoal is n knoal in de Nederlaandse provìnzie Grunnen.
In 1765 wuir der deur de stad Grunnen besloten n knoal te loaten groaven van Boareveld tot Troapel, dit om de ontginnen van t hoogveen van t Boertanger Moor te bevorderen. Ze kozen veur n trajekt laangs de raand van de provìnzie Grunnen, parallel aan de Semslinie, de 150 joar eerder vaaststelde grens tussen Grunnen en t Drìnt.
t Stadsknoal het n lengte van 32 kilometer en is in 1856 voltooid. Deur de törfvoart was t in de 19. aiw ain van de drukst bevoaren voarroetes in Nederlaand. Bie de sluzen konden waachttieden oplopen tot n poar uren. Op dizze ploatsen wuiren dan kafees en winkeltjes vestegd. Deur de aanleg van dit knoal ontstonnen de ploatsen Knoal en Muzzelknoal.
