Spiekerhouwn

Uut Wikipedia, de vrye encyklopedy
Spiekerhouwn

Spiekerhouwn of Neagelhouwn is n volksspölleke vuur in kafees, keetn en op buurtfeeste, woerbie t de bedoling is at spöllers um buurtn met nen hamer of moker nen zeuwn- of neegndoems spieker in zo min meugelik höwwe töt an n kop in n stuk van nen of ezaagnden boomstam houwt.

Spölverloop[bewark | bronkode bewarken]

Eelken spöller krig eenn spieker. Den mag eelken spöller eerst rechtop in t hoolt vaste tikn. Doarnoa mag iederene een moal per buurte nen houw op n eegnen spieker geewn, woernoa't n hamer duur egeewn mut wordn. A'j n spieker skel houwt ma'j um eawn wier rechtop tikn. Denne wat n spieker as eerste helemoal in t hoolt hef ehouwn hef ewunn. In nen variaant op t spölleke mut denne wat n spieker dr t leste in hef dr n röndjen beer in doon. Hierduur wörd t spölleke noa verloop van tied aal meuiliker.

Kampioenskopn[bewark | bronkode bewarken]

In t Tweantse Riessen wordt alle joarn de wearldkampioenskopn spiekerhouwn eheuldn. Dr is zeelfs ne echte bokaal bie. t Houwn gebuurt hier met nen kaphamer, met de platte kaante. Hierduur wörd t extra lastig um n spieker good op n kop te raakn. n Winner mag zik n joar laank plearkeunink neumn.

Media[bewark | bronkode bewarken]

In t tellevisieprogramma Kopspijkers van de VARA, wat leup van 1995 töt 2005 en presenteerd wör duur Jack Spijkerman, was n vast spiekerhouw-deel, woerbie't twee gäste van t programma um buurtn vroagn kreegn oawer öar eegne vakgebeed. Elke keer as ze ne vroage good hadn, mochen ze nen houw op n spieker doon. Denne wat zinn spieker t deepst in de houwtoafel ehöwn har, har t oonderdeel ewunn.