Soedan

Uut Wikipedia, de vrye encyklopedy

Soedan (Arabies: السودان, as-Sūdān), offisjeel de Soedanese Reppubliek (Arabies: جمهورية السودان, Jumhūrīyat as-Sūdān), is een laand in et dal van de Niel in Noord-Afrika. Op et noorden ligt Egypte, op et oosten lignt de Rode Zee, Eritrea en Ethiopië, op et zuden ligt Zuud-Soedan, op et zuudwesten de Sentraal-Afrikaanse Reppubliek, Tsjaad in et westen en Libië in et noordwesten. Et is et doarde grötste laand van Afrika. De Niel split et laand in ne oostelike en westelike helfte.[1] et heuwdgeleuf is de Islam.[2]

In de Ooldhead ontsteunden in Soedan völle beskawingen, zo as et Könninkriek Koesj, Kerma, Nobatia, Alodia, Makoerieje, Meroë en aanderen. De meesten deden et good an de Niel. roond 3300 vuur Kristus, vuur de dynastiese tied van Nubië en Nagadan, onsteunden der geliektiedig faraotiese hearserstelsels.[3] Umdet et zo kort bie Egypte ligt, wör Soedan ook roond et 6de joarhoonderd ekerstend en roond et 15de joarhoonderd islamiseerd. Duur de kerstening is de Oold-Nubiese sproake de euldst vastelegde Niel-Sahariese sproake. De euldste skriften komt oet et 9de joarhoonderd.

Soedan was et grötste laand van Afrika en de Arabiese wearld töt an 2011, toen as Zuud-Soedan zik ofskeaiden noa de Zuud-Soedanese ofskeadingsverkiezingen. Doarduur is Soedan non de doarde grötste, noa Algerieje en de Demokratiese Reppubliek van de Kongo.

Soedan is an eslötten bie de Verenigde Nasies, de Afrikaanse Unie, de Arabiese Liga, de Organisasie vuur Islamitiese Samenwoarking en de Neet-lieerde Beweaging. Doarnöast kiekt ze met in et Wearld-Haandelsverboond[4][5] De heuwdstad is Kartoem, wat ook et politieke, kulturele en zakelike middelpeunt van et laand is. Soedan is ne federale presidensjeel representatief demokratiese republiek. De politiek wörd eregeld duur de Nasjonale Vergoaring.[6] De Soedanese rechtsproake volget de Islamitiese sjaria.

Naam[bewark | bronkode bewarken]

De naam Sudan is egewen an de strekke zudelik van de Sahara, dee löp van West- töt Midden-Afrika. De naam keump van et Arabiese bilād as-sūdān (بلاد السودان), wat "de laanden van de zwarte leu" beduudt. Dit slöt op West- en Noord-Midden-Afrika.[7]

Verwiezings[bewark | bronkode bewarken]

  1. Collins, Robert O. (2008). A History of Modern Sudan. Cambridge University Press. ISBN 978-0-521-85820-5.
  2. Foreign Affairs. Where is the Middle East? Davison, Roderic H. 1960:38. 665–675.
  3. History in Africa. Studies and Comments on Ancient Egyptian Biological Relationships. Keita, S.O.Y. 1993:20.129–154.
  4. Cia.gov - The World Factbook: Sudan. U.S. Central Intelligence Agency. Bekekken op 10 juli 2011
  5. WTO – Understanding the WTO – members. Bekekken op 15 februwoari 2015.
  6. الموقع مغلق للصيانة. Bekekken op 15 februwoari 2015.
  7. EJ Brill. International Association for the History of Religions. Numen. Leiden, 1959. p 131.