Snee

Oet Wikipedie, de vraaie enzyklopedie

Snee is meestentieds neerslag dat uut de wolken kump en dat besteet uut ieskristallen.

Snee kump in Nederlaand en Vlaanderen neet zo heel vaeke veur. Der vuilt gemiddeld op ongeveer dartig dagen per jaor snee, mar heel wat jaoren gaon veurbie zonder dat der veule snee vuilt.

[bewark] Ontstaon

As de temperetuur vlogge onder 't vriespunt geet, veraanderen de piepkleine waoterdruppels van de wolken in hele fiene iesnaoldjes. As disse naoldjes ummeneer vallen dan blieven ze kleven an stofdeeltjes (zaandkorrels, reuk- of asdeeltjes) dee in de luch zweven. Hierdeur vormen kristallen, sneesterns. Disse sterns kunnen verschillende vormen hemmen, mar ze bin altied zespuntig.

As 't weit, klitten de sneesterns op weg naor de eerde samen en vormen een vlokke. Zo'n vlokke besteet uut wat ies en iezelig veule luch tussen de iesnaoldjes. Je kunnen 't zien as een kussen vol veren mit luch dertussen. Vlokken bin onregelmaotig, klein of groot, mar as 't wiendstille is, dwarrelen ze zeutjes an ummeneer.

[bewark] Overlas

Snee kan veur heel wat overlas zörgen neet allinnig deur gladheid mar veural bie natte snee kan 't oek veur vermindering van 't zich zörgen. Bie zwaore sneeval is 't zich minder as 500 meter, vergeliekbaor mit mis. Veural de eerste snee van 't seizoen of blotse sneebujen leveren preblemen op. Bie periodes mit herhaoldelijke snee en wienterse bujen is de weggebruker deran ewend en pas 't verkeer zich an.

Snee veroorzaak de grootste preblemen as de neerslag vuilt bie vors, veural bie maotige tot strenge vors. As 't dan oek hard geet weien, stuuf de snee op en ontstaon dersneedunen. As snee verwach wonnen bie wiendkrach zesse of zeuvene geef 't KNMI een weeralarm uut veur sneejach. Bie wiendkrach achte of meer en snee gelt een weeralarm veur een sneesturm. Oek bie anhouwende zwaore sneeval mit op grote schaole meer as 5 centimeter per ure en vars sneedek van ten minsen 5,5 centimeter wonnen een weeralarm uut-egeven. Dit is gevaorlijk veur 't verkeer en is tot grote overlas. Snee zelf is neet glad, mar wonnen deur 't verkeer tot glad ies erejen. Snee kan bestrejen wonnen mit de hulpe van sneeschuvers.

[bewark] Nedersaksisch

• Grunnegs: snij, snèj
• Veluws: snee of snei
• Drèents: snaai of snei
• Stellingwarfs: sni'j
• Urkers: snijacht

Meer ofbeeldingen dee bie dit onderwarp heuren ku-j vienen in de kattegerie Snow van Wikimedia Commons.