Slangenburg

Uut Wikipedia, de vrye encyklopedy

Slangenburg is n kasteel in de gemeente Deutekem, rundumme 5 kilometer van den stad verwiederd. Et kasteel ligt in et geliek-eneumde bosgebeed tussen Deutekem en Varsseveld, woar ok de Sint Willibrordabdi-je en n krematorium te vinden bunt.

Slangenburg is ontstoan an et ende van de Middeleeuwn. In de 16de eeuwe wodden et kasteel eigendom van den veldheer Frederik Johan van Baer, den et verbouwden um doar te können wonnen.

De lesten partikuliere eigenoaren, de femilie Passmann, warn Duutsers. De femilie ligt begroaven op de bi-jzundere begroafplaatse noast de slotgrachte. Noa den krieg wödden alle Duutse bezittingen verbeurd verkloard en zo wodden et kasteel eigendom van den Nederlaandsen stoat.

Teggenwoordig wödt et kasteel bruukt as gasthuus van et klooster van de Benediktienen. Et laandgood en de kapelle van et klooster bunt toogänkelek veur tooschouwers. Et eeuwenolde lanenstelsel op et laandgood is biezunder. Et is anelegd in den vörm van n trapezium. De trapeziumvörmige lanen bunt bewoard ebleaven.

Slangenburg beheurt tot den Top 100 der Nederlaandsen UNESCO-monumenten.

Galeri-je[bewark | bronkode bewarken]

Uutgoande verwiezingen[bewark | bronkode bewarken]