Slag op de Hardenbargerheade

Uut Wikipedia, de vrye encyklopedy
Slag up de Hardenbargerheade.

De Slag up de Hardenbargerheyde (ouk wal es den Vergettenen Veldslag enöömd), was nen veldslag in den Tachtigjårigen Oorlog. De Slag wörde leyverd up den 17. juni 1580 up de heyde by Hardenbarg tüsken en Ståts leager van Filips van Hohenlohe un Spaanske leagers. Hyrby köämen meyr as 1600 soldåten uut de tyd.

Verloup[bewark | bronkode bewarken]

De eyrst pår jår har et sassiske deyl van wat nu Neaderland is noch niks geyn last van den Tachtigjoarigen Oorlog. De watergeuzen vöchten veer jår lange an de küste, vöärdät see pas by Den Brielle nen voot an wal kreagen.

Op den darden määrt van 1580 köäs Stadholder Sjors van Lalaing (Gråf van Rennenbarg) vöär de spaanske kante. Ümdät den regeyrden oaver Grönningen, Freesland, Dreante un Oaveryssel, warren de Ståtsen bange dat alle sassisk-neaderlandske städen (med ne roumske meyrderheid) syn vöärbeald volgen solden un den upstand van de Ståtsen neet meyr solden helpen. Dårümme beleagerden de Ståtsen Grünnen måndenlange, wårby as se alle hülpe gebruken kunden. Filips van Hohenlohe, nen leagerbaas, wolde gaerne trouwen med den dochter van Willem van Oranje. Dat küm Van Oranje good uut. Hee vünd et good, as Van Hohenlohe em helpen solde med alle vechterye. Hohenlohe was net in Oldenzel un wör up den 15. juni up eröäpen üm med et beleg van Grünnen to helpen.

Van Hohenlohe en syne kavalery maakten dat hee dårhen köm, mär by Kovern höärden see van et volk dat der nen trop Spanjaarden under Maarten Schenk van Lingen når Zwolle trök. Dår warren de Swollenåren teagen den köäning in et geweyr eköämen. Hee draiden rap ümme med syn leager en güng up Hardenbarg an. Up de venebrugge, en dröyg stükke land tüsken twey morassen by Hardenbarg (rechtevoord ne buurskop van Hardenbarg), tröffen de beide leagers mekaar. Hohenlohe höäld der geyn reakening med dat sinne soldåten doudmöä warren van et vöäle vechten en reisen. Et leager begünde düs al möä an den stryd.

Stryd[bewark | bronkode bewarken]

In den nåmiddag van den 17. juni 1580 besköät Hohenlohe et leager med kanonnen. Nen koppel spaanske speerrüters wördden medeyne eraked. Dårümme nöm ne andere spaanske eynheid de beyne. Hohenlohe stüürden der syne rüters achteran. Dårmed köämen see tüsken de spanjaarden en wördden ümsingeld. 1500 van Hohenlohes soldåten köämen uut de tyd, underwyl as Schenk minder as 100 man verlöäs. Hohenlohe sölv en nog en antal anderen wüsten vord to kummen.

Nåsleyp[bewark | bronkode bewarken]

Leygers kreagen altyd slecht betaald, of mangs helemål neet. Üm dät up to vangen, bestöälen un plünderden de soldåten reagelmåtig de buren in de büürde, wårby as see ouk flink söäpen. Vöär et gewone volk makeden et neet uut wee der teagen wee vöcht. De buren hadden der flink den buuk van vul dat see voordan oavervöllen wördden döär soldåten un begünden öär eygene leager; de Wanhopigen. By Gramsbargen tröf Van Hohenlohe's vlüchtende leager en köppelken van de Wanhopigen. Met stökke, seisen en hoivörken vlöägen see Von Hohenlohe's leager an. Dät güng öär eyrst good af, mär Van Hohenlohe's leager wüst sik to herpakken en slachteden 700 buren af tüsken Döätekom un Rålte. Hee trök nåtyds nog jåren döär Tweante, Salland en den Achterhook un löät steades as Almelo, Dealden, Goor un Deepen afbranden.