Sint Joriskarke (Breevoort)
Oet Wikipedie, de vraaie enzyklopedie
De Sint Joriskarke is nen laat-gotiesen karke in Breevoort, woarvan den fundamenten uut 1316 bunt. Bi-j het beleg van Breevoort in 1597 deur prinse Maurits, is den olden karke verbraand en bunt de gewelven in-estort. Den Reformasie begun mit nen verwoosten karke. In 1599 wöd begonnen mit den bouw van nen ni-j karke in gotiesen stiel. Bi-j den ontploffing van den kruuttoorn in 1646 leep de karke groten schaa op. Den karke kreg in 1672 'n mooien Rokokko preakstool en wöd later veurzien van nen Noaber-orgel. Kenmarkend veur dizzen karke is doarnoast den zogeneumden 'boernzolder'.
Onderwarpen |
[bewark] Name
Den karke dankt heur name an den schutspatrone van de borgmannen van Breevoort, Sint Joris dee den draak oaverwint. Op den toorn steet doarumme neet ne weerhane zoas gebruukelek, moar Sint Joris.
[bewark] Restaurasie
In 2006 hebt zie de grofzerken en natuursteenvloere in den karke verni-jd. Den vloere was verzakt en in slechten toostand, doarbi-j hadden zie vröger wat grofzerken op zien kop elegd, dee wollen zie wier aan den juusten kaante leggen. Zie hebt uutgebreid histories underzook edoane noar dee zerken, en blek dat 2 van dee zerken dee op zien kop lagen van den Droste Haersolte, veurmoaligen bewonners van et kasteel Breevoort. Zie kwamen um et leaven soamen mit bi-jnoa al hun kinder tiedens den kruuttoornramp in de 17den eeuwe. Tiedens den restaurasie ging de boavenste zandloag van rundumme 10 cm dikte vort en wödden zeefd. Hierin wödden vondsten edoan zoas: munten, menseleken reste, gebraandskilderd glas. Wieter hebt zie nen steen evonden van den Vereanigde Nederlaanden.
[bewark] Bekieken
Den Sint Joriskarke is gratis te bekieken 12 juli t/m 26 augustus en altied tiedens den moandeleksen grootn beukemarkte. Ok tiedens open monumentendag van 9.30 tot 17.30.
