Schuddeldouk

Uut Wikipedia, de vrye encyklopedy
n Nait zo vrizze schuddeldouk

n Schuddeldouk is n doukie woarmit de schuddelbaanke en geutstaine aanschoond wordt. n Schuddeldouk wordt ook bruukt om toavels mit ôf te vegen. Vrouger kregen kinder ook even mit schuddeldouk om de snuvverd as zie vies waren. Dit vinden kinder maisttied nait zo leuk. De bekìndste schuddeldouken binnen wit en dun of geel en dik.

De noam is wat verwarend, omdat vrouger de schuddels der mit schoonmôkt wuiren. t Is dus n veurloper van de ôfvasbözzel. Veur t dreugmôken van de koppies en schuddels wuir vrouger n aander schuddeldoukie bruukt, môr tegenswoordeg bruukt man hier n teedouk veur.

Schuddeldouken kinnen n huil ìnde bakteries bevatten as zie nait geregeld wozzen worden. Ìnd 2005 meuk de Konsumìntenbond bekend dat n schuddeldouk in n studìntenhuus sikkem 7,9 miljaard bakteries bevat. Ien n schuddeldouk bie n Nederlaands gezin wuiren sikkom 3,1 miljoen bakteries vonden. Aal douken bleken bie t onderzuik al noa ain dag veul bakteries te bevatten. Dit hoft gain probleem tou wezen as t schuddeldoek allinneg bruukt wordt veur t schoonmôken van t schuddelbaanke en dus nait veur kinder om de snoet. Deur t doukie te wasken op sèsteg groaden worden aal bakteries dood môkt.

Leegsaksisch[bewark | bronkode bewarken]

[disse mal bewarken]

Dit artikel is skreaven in et grönninger dialekt van de Veenkelonien.