Saksen (vôlk)
Oet Wikipedie, de vraaie enzyklopedie
t Gebied dat zowel bie de Saksen as bie n aander volk rekend wordt
De Saksen binnen n Germoans vôlk oet t noorden van Europa, ien t noudoagse Noordwest-Duutslaand en t oostelk paart van t noudoagse Nedderlaand. Vanôf de 5. aiw stekt n dail van de Saksen t Knoal over en vaalt t tegenswoordege Groot-Brittanie binnen, soamen mit de Angeln, Fraizen en de Jytten. De aachterbleven Saksen ien Duutslaand huilen nog laank vast aan heur Germoanse godsdainst môr wuiren deur de Fraanken onder laaiding van Koarel de Grode mit gewèld kirstend en binnen hoald bie t Fraankische Riek. n Belaangriek laaider van de Saksen was doudestieds Widukind. Ien de middelaiven was Saksen n belaangriek paart van t Hillege Reumse Riek.
Ien Grunnen, t Drint, Overiesel, Aachterhouk en Noord-Duutslaand binnen de mit de toal van de Saksen verbonden Leegsaksische dialekten nog angoal de belaangriekste streektaal en verwiezen noar de Saksen. t Kin nait veronderstèld worden dat de ienwoner van aal dizze streken tot t Saksische vôlk heuren. Zo worden de Grunnegers ook wel as Friso-Saksen of sums zulfs as Fraizen zain en de minsken van de Veluwe as Zuderzee-Saksen en sums zulfs as Franken.
[bewark] Saksen op de veluwe
Over t aalgemain môkt man onderschaaid tuzzen Keltische en Germoanse stamgebieden. De grìns tuzzen baaide toal-kultuurgebieden luip over de Veluwe. Vandoar dat dizze regio stoer noam te geven is. De Marsi wazzen n keltische stam. De Saksen, Franken en Fraizen Germoans. De Franken binnen noa de Grode Vôlkerwandel ien Frankriek en Midden Duutslaand terècht kommen. De Fraizen hebben tiedelk n groot riek had woar ook (dailen van) de Veluwe bie heurden. Dit duurde aans nait laank en doarbie komt dat de Fraizen wazzen veuraal n zee- en reviervoarders vôlk. De Saksen binnen noa de Fraizen opkommen en hebben n swoare stempel lègd op de Nederlaandse en Duutse toal en kultuur, veuraal ien de tied van de Hanze. Zekers noa de keltische tied kin de Veluwe dus ien elk gevaal typeerd worden as Saksisch. Bovenal staait dat de Veluwe n veulziedeg verleden het woarop verschaaidende vôlker ien dezulfde tied heur stìmpel op t gebied drokt hebben.
[bewark] t Peerd
In t woapen van Twìnte, t woapen van Leegsaksen en de heraldiek van aandere Saksische gebieden, is n peerd zichtboar. t Verhoal gaait dat de Saksische vorst Widukind veur zien kirstenen aait op n swaart peerd zat. As belonen veur zien bekeern kreeg hai van Koarel de Grode n wit peerd.
t Swaarte peerd is nog aait te zain ien t woapen van de regio Herford ien Noordrhain-Westfele. t Widde peerd is, zo as al eerder vermèld, te zain ien t woapen van de dailstoaten Noordrhain-Westfele en Leegsaksen, ien de regio Verden ien Leegsaksen, ien t woapen van t Engelse greefschop Kent en ien t woapen en de vlaag van Twìnte.
n Aander theorie is dat Sleipnir, t peerd van Woden is, de belaangriekste god van de maiste Germoanse stammen. Van dit peerd zol ook t witte peerd van Sunterkloas ôfstammen.
|
|
 |
|---|---|
|
Allemannen | Ambronen | Ampsivoaren | Angelen | Angrivari'jers | Asdingen | Batoaven | Bajuwoaren | Boi'jers | Bructeren | Boergondi'jers | Cananefoaten | Chamoaven | Chasuarie | Cherusken | Sjatten | Cimbren | Dulgubnie| Fosie | Franken | Freezen | Gepieden | Goten | Harie | Helisi'jers | Herulen - Hermunduren | Jeuten | Kwaden | Lakringen | Langebaarden | Lemovi'jers |Lugi'jers | Manimi'jers | Markomannen | Marobudui | Mattiakken | Naharvoalen | Nemeten | Nervi'jers | Sjouken | Ostrogoten | Rugiërs | Saksen | Semnonen | Silingen | Sitones | Skiren | Sueben - Suionen - Sugambren - Tenkteren | Teutonen | Toxandriërs | Treverie | Triboken - Tubaantn | Tudri | Ubi'jers | Usipeten | Vandalen (volk) - Vangionen | Visigoten | Volcae - Warnen |
|
