Sabine Uitslag

Oet Wikipedie, de vraaie enzyklopedie
Gao naor: navigasie, zeuk
Sabine Uitslag

Albertje Sabine Uitslag (Westerhaar, 4 meart 1973) is ne Neerlaandse polletiekvrouwe. Van 8 april töt augustus 2008 vervung he Mirjam Sterk as lid van n Tweeden Kamer vuur t CDA den't met zwangerskopsverlof was. t Was vuur t eerst det n lid van n Kamer zik leut vervangen vuur ne zwangerskop.[1] Seend september 2008 is he vast kamerlid vuur t CDA, umdet Karien van Gennip der oet gung.[2]

Leawen[bewark | bronkode bewarken]

Oetslag wör joonk in t Vjenne en gung in Almelo noar t Christelijk Lyceum. Doarnoa studeerden he verpleegkeunde an de Saxion Hogeskole in Eanske. Tusken januwoari 2007 töt an det he in n Kamer köm, dee he woarken vuur t wetenskoppelik buro van t CDA. Doar was Uitslag oonder mear drok met t roadgewen van de fraksie wat gezoondheaidszorg angeet. Bie de verkiezings van 2006 steund he 50ste op de lieste vuur kandidoaten en kreeg 6535 stemmen. Noa öare instelling op 8 april 2008 spreuk he direkt op n vroagstuk oawer zwerfjeugend.[3] Op 13 juni 2009 spreuk Uitslag bie de 35e EO-Jeugenddag met oonder mear Prem Radhakishun, Joël Voordewind en Roelof Bisschop. Op 24 september 2009 vreug Uitslag an minister André Rouvoet of zin ministerie kan oetzeuken of de jeugend ewoarskouwd kan worden vuur met n kompjoeter bewoarkte fotomodellen duur der n soort kuurmoark op te zetten.[4]

Mooi um te weten[bewark | bronkode bewarken]

  • In december 2006 wör he verkeuzen töt beste webpolletieker van t joar 2006.[5]
  • Uitslag dut zingen bie ne coverband, Spinrock. Earder zung he in de band Zipper.
  • Eand 2009 maken Uitslag bekeand det he n nommer in t Tweants geet opnemmen,[6] det Loat mie lös geet heten.[7]

Oetgoande verbeendiges[bewark | bronkode bewarken]

Bronnen / wellen:
  1. Sabine Uitslag vier maanden CDA-kamerlid, de Stentor, 24 januari 2008
  2. Uitslag definitief in Tweede Kamer, RTV Oost, 26 juni 2008
  3. "Sabine Uitslag na beëdiging meteen in debat" Delta FM, 6 april 2008
  4. "CDA wil nepmodellenwet" Sp!ts, 24 september 2009
  5. Sabine Uitslag (CDA) webpoliticus van het jaar, NU.nl, 18 december 2006
  6. Rockdiva CDA Uitslag neemt Twentse hit op Telegraaf.nl, 28 december 2009
  7. Loat mie lös moet grote hit worden tctubantia.nl 15 februari 2010