Rouke Broersma

Rouke Broersma (Amsterdam, 1940) is een skriever op onder meer 't gebied van de Drèentse skrieveri'je.

Tussen 1960 en 2001 was hi'j onderwiezer in Scheerwolde, leraar Nederlaands in Grunning en pabo-docent in Assen. Hi'j publiceren vertellegies en gedichten in verskeiden literaire tiedskriften, twie romans (daoronder De put), een vertellegiesbundel en twie gedichtenbundels (daoronder De Hoge Veluwe en andere toponiemen). In de jaoren tachtig en negentig verschenen van hum onderwiespublicaties.

Tussen 1989 en 2000 was Broersma redactielid van 't Drents Letterkundig Tiedschrift Roet, daoras hi'j vertellegies, gedichten, besprekings en opstellen in publiceren.

In 1993 kwaamp van hum en Stieneke Boerma de literatuurgeschiedenis Drèentse schrieverij uut (Zuudwolde: Het Drentse Boek). In 2003 verscheen bi'j dezölfde uutgeveri'je Scheupers van de taol: Bloemlezing van de Drèentse Schrieverij 1837-2003, deur Broersma samenesteld.

Wieder skref Broersma oaver de pedagoog Célestin Freinet en 't Freinet-onderwies. Onder zien wark op dit gebied valt Tony de Wees (vertaling van een kienderboekien van Freinet mit autobiografische trekkies) en Célestin Freinet, een pedagoog voor onze tijd (vertaling van de Freinet-biografie van Michel Barré).

Sund 1975 woont-e in Bunne.

Bronnen

• Broersma, Rouke (red.) (2003), Scheupers van de taol: Bloemlezing van de Drèentse Schrieverij 1837-2003, Zuudwolde: Het Drentse Boek
• Rouke Broersma op Zoveelvogelszoveelzinnen.nl

Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.