River Dart

Uut Wikipedia, de vrye encyklopedy
River Dart
n River Dart
n River Dart
Lengte en heugte
Heugte 450 m (West Dart) en 510 m (East Dart)
Van Dartmeet
Naor Engels Kanoal
Eerdkundig
Laand(n) Englaand
Proveensie(s) Devon
Grötste staeden Dartmouth
Ofvleujing en ziejrivieren


n River Dart is nen stroom in Devon, Englaand woarvan de kwelle öp Dartmoor leg en geet biej Dartmouth n zea in.

Noam[bewark | bronkode bewarken]

n Noam kömp woarskienlik van t Brytonies en beteknt "stroom woar eakebeume greujt" ömdet de euver van t loager-lean deil dichbegreujd was met eakebösse. Vreuger wörn n noam ok wa as "Darant" skreawn.

Loop[bewark | bronkode bewarken]

Vistrappe biej Buckfastleigh.
Kastealn van Dartmouth en Kingswear.
Biej Dartmeet.

n Stroom begön as twea aparte oftakkign (n East Dart en n West Dart) dee samnkömp biej Dartmeet. De päde laanks disse streume geft goode waandelleanheadn en d'r bint n antal kleaine woatervälle. De streume hebt n antal clapperbrögn dee d'roawerhenne goat, woarvan de bekantste biej Postbridge leg.

Noade't Dartmoor oetgeet, geet n Dart zuudwestwöarts laanks Buckfast Abbey en deur Buckfastleigh, Dartington en Totnes. Biej Totnes woar n 17n-joarhönnerde stuwe leg, geet n stroom t getiedngebeed in, en d'r bint vanof doar ginne brögn oawer n stroom henne mear. n Pöntskn geet oawer n stroom biej t dörpskn Dittisham noar n oarn kaant.

t Dart-estuoarium is ne grötte ría en is populair biej zeailern. t Dorp Kingswear en t städskn Dartmouth legt an de eust- en westkaantn van t estuoarium en bint met mekoar in verbeendige bracht met twea voortuugepönte en nen vootgängerspont. In Dartmouth leg ok nen haawn.

n Ingang in n stroom vanof zea is an beaide kaantn met klifn bedekt. An n eustkaant leg Kingswear Castle gansk dich laanks n woaterraand en an n westkaant leg Dartmouth Castle öp zeanivoo. Vreuger harn de twea kastealn ne kettige oawer de breadte van t estuoarium dee zee biej zönsönnergang oetdöa zoodet viejaandlike skeepn nich n haawn anvaln könn.

Oawerwegn[bewark | bronkode bewarken]

De ría de't estuoarium van n Dart vörm is deep en hef steale wälle woardeur t slim veur verkear is. Beneajn Totnes bint ginne brögn.

Biej n stroommoond höl t de samnleawign van Dartmouth en Kingswear oet mekoar. D'r bint veurstelle wes öm hier ne brögge near te pleurn, moar det döa oetendlik nich kömn. In ploatse d'rvan bint d'r noe drea pönte woar iej n stroom oawerstekn könt.

Önnevear 4 km streumöpwöarts van Dartmouth he'j n Greenway Ferry biej Dittisham.

Wier 8 km streumöpwöarts leg Totnes, woar twea verkearsbrögn, ne spoorbrögge en ne vootgängersbrögge oawer n stroom hennegoat.

Literatuur en folklore[bewark | bronkode bewarken]

The Weaver Twins from Stoke Gabriel wrote a song entitled, "Dart". The music video was filmed along the river and has been featured on Radio Caroline television.

n Dart makket völle folklore öp Dartmoor, woar d'r n tradisjoneal respekt en aangst veur besteet - de wöater könt zear plötslig zear heug goan deurde't reagnt hef öp Dartmoor. Hierdoor is t riempskn öntstoan:

"River of Dart, Oh River of Dart! Every year thou claimest a heart!" In 1951 is d'r deur Ruth Manning-Sanders n book oetbrach oawer n stroom en zinne skiednisse met n noam "The River Dart".

De Engelse dichteresse Alice Oswald skriefn t dicht Dart (2002), det n T. S. Eliot-pries kriegn.

The Weaver Twins van Stoke Gabriel skriewn n verskn oawer n stroom met n noam "Dart".