Ridder
Van Wikipedie
Ridder is nen adelleken titel. In Nederlaand besteet doar gene vrouweleken vergelieking.
Den titel wödt tussen de veurname en den geslachtsname ploatst (zunder heufdletter um verwarring tussen achtername en titel te veurkommen).
- Familie: ridder van Rappard.
- Familie: ridder Huyssen van Kattendieke.
- Familie: ridder de van der Schueren.
- Enzowieter
Den titel ridder kump in Nederlaand en Vloanderen op twee wieze veur: "op alle" en "mit et rechte op eerstgeboorte".
In et eersten geval heft ieder lid van den betreffende adeleken familie (dat wil zeggen iedere manneleken afstammeling, in manneleken liene) rechte op den titel.
In et tweeden geval wödt den titel verarfd in den Saliesen liene. Dat wil zeggen dat den oldsten manneleken afstammeling van den eersten dräger van de titel zich ridder mag neumen. Den reste is dan dus zunder titel.
[bewark] Ridderschop
Den verzoamelde adel in nen gewest neumt zie wal den ridderschap wat dus neet hetzelfde is as nen Ridderorde.
Ofgezeen van et weurd ridderschap in de betekkenis van "wat mit den ridder verbaand holdt" en "het ridder wean" waren doar instellingen en bunt doar vereanigingen dee ridderschoppen wödden neumd. Den Ridderschop was in et Nederlaandsen rechte et openboar lichaam of college woarin de edelleu, neet allenig ridders moar ok baronnen, burggraven, graven, markiezen, prinsen, hartogen en ongetitelden edelleu van nen proveensie vereanigd waren. Zi-j speulden ne rolle in et bestuur. Den 7, later 19 en noa 1830 11 Nederlaandsen ridderschoppen bunt in 1850 bi-j et in warking treaden van den deur Thorbecke op-estelden Proveensiewet vort egoan. In den middeleeuwn en in den Republeek der Vereanigde Nederlaanden hebt tal van ridderschoppen bestoan. Teggenwoordig bunt doar vereanigingen van edelleu dee zich "ridderschoppen" neumt.
Zee veur meer infomasie et heufdartikel Ridderschop.
