Raveliene

Uut Wikipedia, de vrye encyklopedy
Raveliene
Raveliene in Naarden

Ne raveliene is n underdeel van nen veste. Et is n viefhookeg of redanvörmig verstarkt eilaand dat zich an de buutenkante van de vestingmure bevundt, moar dat mangsmoal an den veste is vastebouwd. De punte van et raveliene stök dan uut in de vestengrachte.

Et raveliene bevund zich halverweage de bastions, mangs veur de toogängspoorte van den veste, moar et kan ok et gedien (Nederlaands:Gordijn) (ok wal courtine eneumd, dat is de mure tussen twee bastionnen) mit de scholderheuke van de noaburige bastions verdeadigen.

Ne raveliene kon ok wödden ebruukt veur aandere doolenden, bi-jveurbeeld as huusvesting van jagers dee warkten buten den veste en ok nen taak konden hebben in de verdeadeging van de stad.

Bi-j de vestingwarken (of "den veste") van Naarden ligt de ravelienen as eilanden in de vestengrachte (of "den veste") (et water an de butenkante van et raveliene heet de raveliensgrachte). In Goes kent zie et Raveliene den Greunen Jager en Raveliene den Grenadier dee as schiereilaand (verbunden deur maegere brugge of dam) zowal veur et gedien as in de buurte van ne toogängspoorte lagen.

In de museumstad Bourtange, dee is herbouwd in de stoat van 1742, bunt ravelienen in et echt te bewunderen.