Ploatsnoambred

Oet Wikipedie, de vraaie enzyklopedie
Gao naor: navigasie, zeuk
Ploatsnoambred van Delden
n Twijtoaleg ploatsnoambred van n noaberschop

n Ploatsnoambred is n bred dij bie de iengaang van n ploats staait. Onder de ploatsnoam staait de noam van de gemainte woar of de ploats ien ligt, behaalve as de ploatsnoam liek is aan gemaintenoam.

n Ploatsnoambred betaikent ook aaltieds n maximumsnelhaid van 50 km/u, môr voak wordt der veur de dudelkhaid nog n verkeersbred mit de maximumsnelhaid onder n ploatsnoambred zet. Sums wordt der toch n hogere toustoane snelhaid aangeven, bieveurbeeld op rondwegen.

Voak zit der onder n ploatsnoambred nog n lutje bred mit n tekst as "Welkom" bie t binnenrieden en "Tot ziens" bie t verloaten van de ploats.

Bie n gehucht of noaberschop is der voak gain offisjele bebaauwde kom, hierdeur geldt der bie dit ploatsnoambred automoatisch gain legere maximumsnelhaid. Hier staait dan voak n ploatsnoambred ien t negatief: n wit bred mit blaauwe of swaarte letters.

Twijtoalege ploatsnoambreds[bewark | bronkode bewarken]

  • Sunt de joaren '50 staait der ien de provìnzie Fraislaand noast de Nederlaandse ploatsnoam, ook de Fraise noam op t bred.
  • De provìnzie Grunnen het hier ook over noadocht, môr oetìndelk is t nait deurgoan.
  • De Limbörgse gemainte Weert, het sund 15 juli overaal twijtoalege ploatsnoambreds.
  • Ien Luxembörg hebben ze ook overaal twijtoalege ploatsnoambreds.

Boetende hìnwiezen[bewark | bronkode bewarken]


Wikimedia Commons Commons: Ploatsnoambred - plaetjes, filmkes en/of geluudsbestaanden.