Weadewinde

Uut Wikipedia, de vrye encyklopedy
(döärstüürd vanaf "Pispotjen (Calystegia sepium)")
Weadewinde
Weadewinde

De weadewinde (Calystegia sepium, synonym: Covolvulvus sepium) is en vaste plante üüt de windefamily (Convolvulaceae) en hevt en groute witte blome. Et is in Neaderland de groutste inheymske blome. Ümdat et vake vöärkümt up allerlei ungewünsde plaatsen, wördt de weadewinde vake as en rüütsoort eseen.

Döärdat de akkerwinde en de weadewinde årdig up mekare lyken wörden se vake mid mekare vorward, in de volksmund wörden beide planten in et neadersassisk anedüded mid pispotjen, of en variant dårvan.

Vorspreidingsgbeed[bewark | bronkode bewarken]

De weadewinde kümt vöär in de gemåtigde klimaten van et noordelike halvrund sou as in Europa, Asie, Noordwestafrika, Noordamerika en in landen mid en gemåtigd klimaat in et südelik halvrund sou as in Australie, en Argentinie in Süüdamerika.

Kenmarken[bewark | bronkode bewarken]

De weadewinde hevt en lange dünne, rygende, rechtsümwindende stengel, dee richting de sünne groit. Et drait sik üm andere planten hinne, in en döär heggen en rikkinge. Et kan en längde bereiken van ungeväär twey tot dree meter. Under de grund sit en wurtelstekke, wårvanüüt en bült sköäten nå boaven skyten.

Bloi[bewark | bronkode bewarken]

De weadewinde steyt in bloi van juni tot an de harvst. Et hevt dan en (vüüv tot söäven centimeter) witte (pis)potformige blome. De blome bloit mär eyne dag, slüt sik as et düüster wördt of as et reagent. De döäsvrücht hevt eyn tot veer såden.

Soorten[bewark | bronkode bewarken]

  • Calystegia sepium subsp. americana. Noordamerika.
  • Calystegia sepium subsp. angulata. Noordamerika.
  • Calystegia sepium subsp. appalachiana. in et ousten van Noordamerika.
  • Calystegia sepium subsp. binghamiae. in et westen van Noordamerika (Kalifornie).
  • Calystegia sepium subsp. erratica. Noordamerika.
  • Calystegia sepium subsp. limnophila. in et süden van Noordamerika.
  • Calystegia sepium subsp. roseata. Westeuropa, an de küsten. Et hevt rose blomen.
  • Calystegia sepium subsp. sepium. Europa, Asie.
  • Calystegia sepium subsp. spectabilis. Siberie. Blomen hebben vake en rose klöör.

Volksnamen[bewark | bronkode bewarken]

  • Tweants:
    • pispötte (aaid meyrvold)
    • pispötje(s)
  • Veluws:
    • pispotje(n), pispötje(n), pispötty(n)
    • krüüpspül
Wikimedia Commons Commons: Calystegia sepium - plaatjes, filmkes en/of gelüüdsbestanden.