Pierre Messmer

Oet Wikipedie, de vraaie enzyklopedie
Gao naor: navigasie, zeuk
Pierre Messmer

Pierre(-Auguste-Joseph) Messmer (20 meert 1916, Vincennes, Fraankriek - 29 augustus 2007, Paries) was een bestuurder in de Fraanse overhied van Gaullistische snit. Onder president Charles de Gaulle was hi'j menister van defensie (1960-1969) en onder president Georges Pompidou bekleedden hi'j het ambt van eerste menister (1972-1974).

Strieder en koloniaol ambtenaor[bewark | bronkode bewarken]

Messmer kwaamp in 1937 onder de waopens. In de Twiede Wereldoorlog vocht hi'j an de kaante van de Vri'je Fraansen, en sleut hum an bi'j de staf van generaal De Gaulle. Hi'j hef in Afrika (Slag um Bir Hakeim), Italië, Fraankriek en Duutslaand evochten, en deu mit an de invaosie van Normandië.

Nao de oorlog bekleedden hi'j veur Fraankriek posities in varre laanden. In 1945 wördden hi'j nao een parachutelaanding vast-eneumen deur de Viêt-minh, die teung de Fraanse politiek in Fraans Indochina vocht. Hi'j wus al vlogge vot te koemen. In Afrika hef hi'j hoge commissaoris van verschillende gebieden ewest. 't Historische proces van dekolonisaosie hef hi'j esteund.

Ministeriaole posten[bewark | bronkode bewarken]

Messmer beheuren töt de trouwe medestaanders van De Gaulle, en was menister van defensie töt dizze leste 't ambt van president neerleggen. Oppe defensiepost kreeg hi'j in 1961 te maken mit 'n opstand van generaols. Ok zetten hi'j de Fraanse ontwikkeling van kernwaopens in gang, wat of deur De Gaulle ewenst was. In 1971 wördden Messmer menister van oaverzeese departementen en gebiedsdielen.

Eerste menister[bewark | bronkode bewarken]

In 1972 benuumden hum president Pompidou um Jacques Chaban-Delmas as eerste menister op te volng. Hi'j stönd an 't heufd van drei körtdurende regerings. Twei jaor later volgden hum Jacques Chirac op. As ofgeveerdigde van 't departement van de Moselle en fractieveurzitter van de Gaullistische RPR bleef Messmer in de nationale verzameling töt 1988. Van 1971 töt 1989 was hi'j ok borgemeister van Sarrebourg.

Académie Française[bewark | bronkode bewarken]

Van verscheiden belaangrieke instellings hef Messmer veurzitter ewest. In 1999 wördden hi'j uutekeuzen um bi'j de Académie Française te koemen. Ok vanof det jaor was hi'j kanselier van 't Institut de France. Hi'j had veule dekeraosies, en hef verscheiden waarken oaver zien leben uutegeben.

Kiek op de dingen[bewark | bronkode bewarken]

Pierre Messmer hebt ze wel de leste gaullist enuumd. Oaver zien invloed hef hi'j ezegd det hi'j in de gelegenhied ewest hef um "keuzes te maken", wat niet krek 't zölde is as zien eing wil uutvoeren. Van de onafhaankelkhied van Algeri'je hef Messmer veurstander ewest.

Van de koloniaole tied geleufden hi'j det dizze veurdelen ehad hef, zoas de vrede die vake handhaafd wördden. Oaver de studentenopstand van mei 1968 zee Messmer det hi'j de veraanderende weerden in de maotschoppi'je niet hef willen teungholden, mar wal de anarchie en het geweld. Volngs Messmer vergist de ecologische activisten teung kernenergie heur, umdet 't een schone vorm van energie is.

Bronnen[bewark | bronkode bewarken]

Nuvola apps ksig.png Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.