Pierre Bonnard

Uut Wikipedia, de vrye encyklopedy
Pierre Bonnard

Pierre Bonnard was een fransk postimpressionistiske skilder, geboaren up 13 oktober 1867 up Fontenay-aux-Roses - üüt de tyd up 23 januari 1947 up Le Cannet.

Bonnard hevt altyd up siksülv ewarked en is dårümme ouk neet simpel in te deylen by een bepålde styl. Nåst skilderen, illustreerden hee vake vöär blader en hevt ouk noch een mål een ebrandskilderde rüte emaked. Y süllet in syn wark nooit geweld teagenkummen. Bonnard kekken altyd med vöäle wille når de kleine dinge van et leaven, en dat döäde hee in syn skilderyen. Hy skilderden vöäle stråttafferelen üüt Parys of landskappen uut Süüdfrankryk achter een vulle untbyttavel. Typiske Bonnard-underwarpen nå 1903 binnet binnenkanten van een hüüs med vrouwlüde dee gangs waren an ear pot en stilleleavens.

Bonnard wördt döär syn klörige rüümdes ouk wal de lätste der impressionisten enöömd. Mar syn manere van warken verskilden inholdelik med den van de impressionisten; wår impressionisten een indrük van een moment wolden låten seen, dår könden Bonnard mangs jåren an de komposity gangs weasen te veranderen.

Leaven[bewark | bronkode bewarken]

Pierre Bonnard döäde een rechtenstudy an de Sorbonne in Parys van 1886 töt 1889 en een künstupleiding up 1888/89 an de Ecole des Beaux-Arts en vervolgens an de Académie Julian.

An de Académie Julian leyrden hee Ker-Xavier Roussel en Paul Sérusier, Maurice Denis en Jean­ Edouard Vuillard kennen, den hüm wys makeden med et wark van Paul Gauguin. Dit güngen up 1888 når een untmöting van ear up Pont-Aven. Nåst Gauguin wördden hee slim beinvloded van de toon eyrtyds up Europa wyd ewörden japanske klörenholtsneades, wår as der alleynig med lynes en groute klöörvlakken ewarked wördden.

Up 1890 satten hee kört in militäre deenst, wår as med stoppeden ümme de heylen tyd as künstenaar künnen gån warken.

Dit artikel is eskreaven in et sallandsk, in de Nysassiske Skryvwyse.