Peerdehoeve

Oet Wikipedie, de vraaie enzyklopedie
Gao naor: navigasie, zeuk
De peerdehoeve

De peerdehoeve (Latien: Tussilago farfara) is een dartig centimeter hoge vaste plaante, en beheurt tot de composietefemilie.

De bleuitied lig vrog, in meert/april, bie mooi weer al in febrewaori. De plaante beheurt tot de naakbleuiers, de blaojen koemen eers nao de bleui. Tiejens de bleui bin de blaojen kort, greun of hemmen rooie schubbetjes langes de stengel. Nao de bleui wonnen 't hartvormige of ronde en etaande blaojen. Disse blaojen bin an de onderkaante viltig behaord en staon in een rozetvormige kraans rond de steel.

De plaante is een pioniersplaante dee zich veural op nieje grond goed thuusveult, vake staon ze tussen grezen in de wat niejere wegbarms of hellingen. Op disse hellingen help de wortelstokke (tot zo'n aanderhalve meter lange) en de uutlopers um de grond vas te houwen.

Ekelogische aspekken[bewark | bronkode bewarken]

De peerdehoeve wonnen bezoch deur de gresbieje, halictus quadricinus, koolzwarte zaandbieje, pluimvootbieje en tronkebieje.

Foto-uutstalling[bewark | bronkode bewarken]

Wikimedia Commons Commons: Peerdehoeve - plaetjes, filmkes en/of geluudsbestaanden.
Nuvola apps ksig.png Disse pagina is eschreven in 't Nunspeets