Pebliek domein

Uut Wikipedia, de vrye encyklopedy
Symbool, zunder rechtsgeldigheid, det gebruukt wördt um an te gèven det een wark in 't peblieke domein heurt

Warken in 't peblieke domein bint warken waorvan de intellectuele eigendomsrechten bint verleupen, niet meer geldig bint of niet van toepassing bint. Veurbielden bint 't wark van Shakespeare en Beethoven, de mieste vrogge stomme films, de formules van de Newtoniaanse netuurkunde en de patenten op 't gemotoriseerde vliegen. De term wördt gewoonlijk niet gebruukt as de schöpper van een wark daor nog een bepaolde maote van recht op hef: in zokke gevallen wördt ezegd det 't wark een licensie hef, of mit toestemming gebruukt wördt.

In informeel taalgebruuk slat 't peblieke domein op warken die pebliek beschikber bint, intied det de formele term slat op warken die gien privé-eigendom kunt wèzen of die wal pebliek eigendom kunt wèzen. Umdet rechten per laand of rechtsgebied bepaold wördt, kan 't wèzen det d'r in een bepaold rechtsgebied rechten geldt op een bepaold wark en in een aander rechtsgebied niet. Sommige rechten mut per laand vastelegd wörden; 't ontbreken van zokke registratie in een laand waor dit opgiet gef dan an det 't wark in 't peblieke domein heurt.

Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.