Paul Schabbink
Paul Schabbink (Goor, 18 mei 1972) is nen tellevisiepresentator bie RTV Oost, zanger en muzikaant. Wieter dut hee met an t theaterprogramma van Helligen Hendrik, as Skoffel Gertje.
Leawn[bewark | bronkode bewarken]
In 1972 wörd Schabbink geboorn in t Hengelse Gerardus Majella-zeeknhoes. Zien vaa is bakker in Goor. Noa de HAVO geet Schabbink noar t konservatorium in Eanske, met as heuwdväkke Schoolmuziek en Keyboards. Hee hef doarbie al in verskeaidene bands en allround-orkeste spöld.
Schabbink helpet ook met bie de oprichting van de lokale umroop in Goor: Reggestad Radio. Zodöanig keump he bie t umroopwaark terechte, en richet zik vuural op sportverslaggewing. Al noa n joar keump he in de belangstelling bie Radio Oost. Nit völle later wörd Radio Oost umme vormd töt RTV Oost, en geet Schabbink vuur de tellevisie t sportverslag doon. As RTV Oost um dan n vast kontrakt anböd, mut he stopn bie t konservatorium.
Hee dut skoonwal nog aait leedkes maakn vuur de Goorse School- & Volksfeesten en de theaterprogramma's met Bert Eeftink. Wieders dut hee nog teksten skriewn vuur bedriewe, nöalstuks vuur verskeaidene blaadn en hef he de Tweantse versie insprökn van de Fabeltjeskrant.
Perseunlik[bewark | bronkode bewarken]
Schabbink wont nog aait in Goor, is trouwd en hef twee zöns.