Paleis Het Loo
Oet Wikipedie, de vraaie enzyklopedie
Paleis Het Loo is nen veurmoalig Könninklek Paleis en vandage Nationaol Museum, eleagen an den raand van den stad Apeldoorne bi-j den geliekgeneumden wiek Het Loo. Het beheurt tot den Top 100 der Nederlaandsen UNESCO-monumenten.
Onderwarpen |
[bewark] Geskiednis
Stadholder Willem III, achterkleinzünne van Willem van Oranje, koft in 1684 et middeleeuwsen kasteel 't Olde Loo an, um doarnoast nen ni-j jächtverblief te bouwen. Et laand leent is biezunder geskikt veur tuunanleg mit woaterwarken vanweage den natuurleken woateranvoer vanuut de bulten.
Et paleis was et zommerverblief van den Nederlaandsen stadholders en könningen van 1686 tot 1975. Et paleis is untwarpen deur de toonangeavende 17e-eeuwse architect Jacob Roman. Et wierd veur et letst bewond deur Prinsesse Margriet.
[bewark] Paleis
Et paleis is noa restaurasie in de joaren '70 vanof 1984 in-ericht as museum. In et museum kuj nen indrök kriegen hoo den openvolgenden Oranjes in dit paleis leafden.
Ok is in den stallen bi-j et paleis steet nen groten verzoameling ri-jtuugen uut et bezit van den Könninkleken Staldofdealing deej künt bekieken. Dee Stallen en Koetshuze bunt dreks bi-j den heufdingäng. In nen zi-jvlöggel van et Paleis is den verzoameling binnenlaandsen en buutenlandsen ordetekkenen van et Museum van den Kanselari-je van den Nederlaandsen Orden te bekieken.
Et untwarp veur et binnenwark is veur nen groten dele van den hand van Daniël Marot. Verbouwingen hebt ze in den 19den en 20den eeuwe edoan.
Doar wödden ok reagelmoatig wesselende kiekdagen eholden.
Bi-j et paleis heurt ok et Paleispark, dat net as den Könninkleken Holtvesteri-je underdele is van Kronedomein Het Loo. Et kronedomein stoand bekand as geleefd jächtdomein van den könninkleken familie.
Vlakbi-j et paleis, in Huus Het Loo, wont vandage Prinses Margriet en prof. mr. Pieter van Vollenhoven. Achter Het Loo steet et Kasteel 't Olde Loo, dat deur den regering ter beschikking is steld an Könningin Beatrix.
In december en januari is Paleis het Loo in karststimming. Doar bunt karstbeume en de toafels bunt gedekt mit servies.
[bewark] Tuun
Paleis het Loo hef nen Hollaands-classicistiesen tuun mit Fraansen invlooden (nen vakverdealing ofgezet mit buxusheggen). Et is nen formelen tuun in den stiel van den 17den-eeuwsen barok in noavolging van den renaissancetuunen van André le Nôtre zoas bi-j et Kasteel van Versailles. Vanof et balkon (op woonsdag toogänkelek) is nen uutzicht op den tuun.
[bewark] Uutgoande verwiezing
