Paleis
Oet Wikipedie, de vraaie enzyklopedie
Nen paleis is nen ambtshoes dat nen oppenbaoren of ceremoniële nut hef. Et is mangs ok nen (won)hoes veur nen stoatsheufd. Ok kardinoalen en biskoppe wont normaal ezeen in nen paleis.
Onderwarpen |
[bewark] Soorten
Et weurd paleis is ofkumstig van den Palatien (Latien: Palatium), den name van den bulte in Rome woarop dee paleizen van den keizers stoanden. Nen hoes mit nen oppenboaren toak is bieveurbeeld nen paleis van justisie. Den anduuding paleis wödt ok spottend ebruukt veur minder könninkleken huze as: gokpaleis en sportpaleis. Italiaansen heernhuze en kastele kriegt mangs den titel "Palazzo", bieveurbeeld: Palazzo Farnese, Palazzo Vecchio of et Palazzo Vendramin-Calergi. Ok in steedn in aandere laanden kuj paleizen zeen, zoas den stadspaleizen van Paries, of in Spanje dee zogeneumde Palau's (bieveurbeeld Palau Güell). Doarnoast bunt de fantasiepaleizen te neumen, ok wal folly's geneumd, zoas et bekanden Palais idéal van Ferdinand Cheval.
[bewark] Nederlaand
In Nederlaand hef den Könninkleken familie de paleizen oaver-edroagen an et Riek, dat vervolgens leden van den familie hef too-estoan sommige paleizen kosteloos te bruuken. Bekanden Nederlaandsen paleizen bunt:
- Paleis Huus ten Bosch (stoatseigendom vanof 1795)
- Paleis Noordende (stoatseigendom vanof 1795)
- Paleis op den Dam (stoatseigendom vanof 1936; doarveur gemeente-eigendom)
- Paleis het Loo (stoatseigendom vanof 1795 sinds 1975 nen museum)
- Kasteel 't Olde Loo (stoatseigendom vanof 1968; noe buutenverblief stoatsheufd)
- Paleis Soestdiek (stoatseigendom vanof 1971)
- Paleis Langen Veurholt (stoatseigendom vanof 1992) (neet meer as paleis in bruuk).
- Paleis Kneuterdiek (stoatseigendom vanof 1938 ten behoove Road van de Stoate) (neet meer as paleis bruuk).
- Kasteel Drakensteyn (privé-eigendom)
- Villa Eikenhorst (privé-eigendom)
- Vredespaleis (gene könninklek paleis, moar nen plaetse woar den wealdvrede woödt bevorderd deur stoat- en rechtskunde)
