PSV (voetbal)

Uut Wikipedia, de vrye encyklopedy

PSV (Philips Sport Vereniging) is 'nen perfessionele voetbalverienige uut Eindhoven. 't Is iene van de traditionele topclubs van Nederlaand, die speult in de Eredivisie.

Geskiedenisse

In opdracht van Gerard en Anton Philips wör op 31 Augustus 1913 'nen voetbalverienige op-ericht, waor verschiedene sporten beoefend kunnen worden. De verienige is speciaal op-ericht veur personeel van Philips. De clubkleuren bint rood en wit. PSV begint as voetbalverienige mit allienig personeel van Philips. In de eerste wedstried wördt of-etrapt deur Frits, de zeune van Anton Philips. Nao 1928 maggen ok mensen van buten 't bedrief sporten. PSV döt al sund 1914 mit an die competitie. Nao een antal jaoren speult 't al in de hoogste klasse van 't Nederlaanse voetbal. PSV wör veur 't eerst kampioen in 1929. Daornao wint 't in 1950 veur 't eerst de KNVB-beker.

In 't midden van de jaoren '70 is de eerste golden tied veur de verienige. Mit voetballers as Willy van der Kuylen en de breurs Willy en René van de Kerkhof wint PSV enkele nationale priezen.