Ostara

Oet Wikipedie, de vraaie enzyklopedie
Gao naor: navigasie, zeuk

Ostara is ne Saksise godinne. Zi-j is de godinne van de lente, 't lecht, d'warmte en 't boaven kommen van de Zunne. 't Feest van heur is ekarstend as Poasen.

Der wörd vake ezegt dat Ostara d'zölfden is as de noordse vruchtbaarheidsgodinne Fri-ja.

Poasen/Easter[bewark | bronkode bewarken]

Der bint laanden woar luu 't poasfeest Ostern of Easter nuumt. De Geestliken Beda Venerabilis (673-735) schrevven in de temporum ratione dat de Saksen 'n Godinne anbedden die Eástra enuumd wörden. De moand Meert wörden bi-j eur Ésturmonath’ enuumd, ofwel Ostara's moand.

Op 't Oldheugduuts het Godinne Eástr Ostara. De ere van Godinne Ostara deun de Saksen elk joar 'n feest, dat zi-j ôstartage nuumden. Ôstartage is 't meervold van ôstarâ. 't Feest duren twie däge. 't Engelsen Easter kump van de namme van de Godinne Eástra, en op 't Duutsen Ostern an Godinne Ostara.

De godinne Ostara wörden allinnig deur de Saksen vereerd. Vrogger vierden zi-j op 't noorden van 't hudige Duutslaand en 't oosten van 't hudige Nederlaand ok Ooster, mar de vertelligies van de Ostara wörden deur de karke geliekedoan an 't Kristliken Poasen. Drumme ok dat 't op Nederlaand noe Poasen wörden enuumd, van 't Jeudsen Pesach feest oaverenömmen.

Lente[bewark | bronkode bewarken]

Ostara is ne Godinne van de lentetied. Zi-j verbeld de oaverwinning van 't lecht en 't anbrekken van de vruchtbare.

Heur namme slöt dan ok op 't Oosten, doar woar as't lecht, de zunne vandan kump.

Ostara is de Godinne van de ströalende morn, 't boavenkommende lecht.

Nuvola apps ksig.png Dit artikel is eskreven in t Sallaandse dialekt van t Vechtdal.