Oldambt (streek)

Oet Wikipedie, de vraaie enzyklopedie
Gao naor: navigasie, zeuk
t Oldambt in Grönnen

t Oldambt of Oldamt is n gebied in t oosten van de provìnzie Grunnen. t Wordt soms as Ommelaand aanduud, mor het noeit n offisjele stoatus as Ommelaand had. t Oldambt ken op twai menieren zain worden:

Historisch/stoatkundeg gebied[bewark | bronkode bewarken]

t Historisch/Stoatkundeg gebied t Oldambt is n streek tuzzen de Ommelanden en Westerwolde. t Wordt enkeld soms zain as n Ommelaand, soms weer nait. t Beston uut de tegenswoordege gemaintes Veendam, De Pekel, Winschoot, Menterwold, Scheemde, Reiderlaand en de vermoalege gemainte Termunten. t Ston onder direkt bestuur van t Stad. De Stad har n zetel op twai stees: Oterdum en Oal Pekel. Loater kwamen zai soamen in Midwolda. t Oldambt beston veur dizze verainen uut twij gedailtes: t Wold-Oldambt en t Klai-Oldambt. Dit verkloart woarom de Stad twij zetels har. Dizzent wuiren soamen t Groot Oldambt nuimd. De oldste benoaming veur dit gebied was Alda Ombechte.

Kultuur/geogroafisch gebied[bewark | bronkode bewarken]

t Kultuur/geogroafisch gebied t Oldambt bestait uut t zulfde gebied as hierboven, allend den zunder t zudeleke gedailte van de gemainte Veendam en de gemainte De Pekel, de gemainte Reiderlaand en t oosteleke gedailte van de gemainte Scheemde. Zo kennst goud zain dat t Oldambt uut twai dailen bestait.

t Oldambt tegenswoordeg[bewark | bronkode bewarken]

t Oldambt kommt tegenswoordeg overain mit t historisch/stoatkundeg gebied mit as hoofdstad/belaankriekste ploats Winschoot. t Stait bekend om zien kapitoale stees in t oosten en de Blaauwe Stad bie Winschoot.

t Oldambt om 1300