Oldambt (gemainte)

Oet Wikipedie, de vraaie enzyklopedie
Gao naor: navigasie, zeuk
Gemainte Oldambt
Vlage van de gemainte Oldambt Woapen van de gemainte Oldambt
(Vlage van Oldambt) (Woapen van Oldambt)
Lokoatsie van de gemainte Oldambt
Lokoatsie van de gemainte Oldambt
Informoatsie
Provìnzie Grunnen
Heufdploats Winschoot
Geogroafie en bevolken
Oppervlak
 - Laand
 - Woater
296,42 km²
234,46 km²
61,96 km²
Koördinaoten 53° 9′ N, 7° 2′ OKoordinaoten: 53° 9′ N, 7° 2′ O
Overg
Belaankrieke wegen A7; spoorlien Grunnen-Schaanze
Netnummer 0596, 0597, 0598
Postkoden 9670-9682, 9684-9694, 9940-9944
Offisjeel webstee www.gemeente-oldambt.nl

Oldambt is de noam van de fuziegemainte ien t Nederlaandse Oost Grunnen, dij op 1 jannewoari 2010 ontstaait oet soamenvougen van Scheemde, Winschoot en Reiderlaand. De noam komt van de streek woarien nije gemainte ligt. Deur n vroagenbraaifje ien te vullen konden ienwoner n noam oetkiezen. Op 20 novìmber 2008 is bekìndmôkt dat de noam Oldambt wonnen haar. Aander meugelkheden wazzen Winschoot en Reiderlaand.

Ien jannewoari 2008 besloten de drij gemainten onder drok van provìnzie Grunnen de gemaintelke fuzie tou goan doun, ook omdat tuzzen Scheemde en Winschoot der om tou t kunstmoatege Oldambtmeer t Blaauwe Stadprojekt aanlegd wordt. Veuraal de kommunistische partaaien, de NCPN ien Reiderlaand en de VCP ien Scheemde, hebben staark protesteerd tegen de fuzie. Ook nou dat de prozedure zowat ôfronden is, blieven zai zok verzetten. Ien roadsvergoadern bleken zai de ainigste tegenstaanders te wezen.

Oldambt over korte tied[bewark | bronkode bewarken]

De gemainte zel om en noabie 40.000 ienwoner hebben. Doardeur is t aantel roadszetels op dit moment nog nait vast te stellen. Hebben Scheemde, Winschoot en Reiderlaand tiedens de verkiezens in novìmber 2009 tuzzen de 40.000 en 45.000 inwoner, den binnen der 27 zetels tou verdailen. Komt t ienwoneraantel tuzzen de 35.000 en 40.000 te liggen, dan krigt nije gemainteroad 25 zetels.

Oetsproak[bewark | bronkode bewarken]

De nije gemainte zel de eerste gemainte ien Nederlaand wezen mit n Grunnegse noam. Ien gemainteroad van Winschoot ontstond ien t veurjoar van 2009 beroering omdat t VVD-roadslid Irene Vrooland konsekwìnt Old Ambt broekte. Zie docht dat dit ook ien de rest van Nederlaand de gouie oetsproak wezen zol en dat elkenain zok doar aan holden mouten zol. As man van t Grunnegs oetgaait is de juuste oetsproak aans nait old-amt, môr ol-damt. [1]

Reverìnsies[bewark | bronkode bewarken]

  1. RTV Noord