Ofsluutdiek

Oet Wikipedie, de vraaie enzyklopedie
Gao naor: navigasie, zeuk
Ofsluutdiek
Satellietfoto van de Ofsluutdiek
Bouw van de Ofsluutdiek

De Ofsluutdiek sluut sinds 1932 t Iesselmeer (de veurmaolige Zujerzee) of van de Waddenzee en loopt van Den Oever op t veurmaolige eiland Wieringen naor t Friese plekjen Zurich. De diek is 32 kilometer lang, en is zo'n 90 meter breed. De Ofsluutdiek is n oenderdeel van de Zujerzeewarken, die ontwörpen bin deur Cornelis Lely.

In eerste instansie zou der n treinspoor over de diek heenkommen, hier is oek rekening mee ehouwen, mar dit treinspoor is der uuteindelik niet ekommen. In plaots van dit treinspoor is der n extra breje autoweg an-eleid. Dit worde de A7 of de E22. An de noordzied, de kant van de Waddenzee, leit oek n fietspad.

t Woord 'diek' betekent n ofscheiding tussen land en waoter. Dit zou kloppen as t hele Iesselmeer dreugeleid was, mar deur de verandering van de plannen is t n dam eworren: n scheiding tussen twee waoters. De Ofsluutdiek had dus eigenlik de Ofsluutdam moen heten.

Opknapbeurt[bewark | bronkode bewarken]

Volgens de Minister van Verkeer en Waoterstaot Karla Peijs van 2006, is de Ofsluutdiek nao 75 jaor toe an n grote opknapbeurt. De diek is eigenlik te leeg. De kroen en t binnentaloed bin niet voldoende erosiebestendig. En oek de sluzen voldoen niet meer an de normen die vandaag de dag esteld worren.

Ze het veuresteld um de diek, en nog n bult are dieken, waoterkeringen en sluzen, n groendige opknapbeurt te geven. t Gaot dan um oengeveer n vierel van de 3.000 kilometer waoterkeringen in Nederland. Dit kost oengeveer zo'n 1,8 miljard euro.

Op 24 mei 2007 maakte de regering bekend binnen 15 jaor te starten mit de opknapbeurt van de Ofsluutdiek.

Op 1 november 2007 schreef t Noordhollands Dagblad dat der op de Ofsluutdiek n proefsentraole ebouwd worde waorin blauwe energie op-ewekt wort deur zout en zeut waoter te mengen.

'Ofsluutdiek' in nauw verwante talen[bewark | bronkode bewarken]

Nedersaksies[bewark | bronkode bewarken]

  • Grunnegs: Ôfsloetdiek of Òfsloetdiek
  • Urkers: Ofsleutdik
  • Veluws: Ofsluutdiek of Aofsluutdiek
  • Overig: Ofsluutdiek

Uutgaonde verwiezingen[bewark | bronkode bewarken]

Wikimedia Commons Commons: Ofsluutdiek - plaetjes, filmkes en/of geluudsbestaanden.
Nuvola apps ksig.png Dit artikel is eschreven in t West-Veluwse dialekt van Putten, in de Algemene Nedersaksiese Schriefwieze.