Noords wandelen

Uut Wikipedia, de vrye encyklopedy
Stoksjokken in Helsinki, Finlaand

Noords wandelen (vanuut t Engels: Nordic walking) of stoksjokken is t lopen mit spesiale skistokken/sjokstokken. De sport is nog niet zo lange bekend in Nederlaand, mer is n echte gekte in Skandinavië en Amerika. In Finlaand, waor disse sport vandaon kömp, bin der al n miljoen beoefenaars van t noords wandelen.

t Noords wandelen is in Finlaand ontstaon as zoemeroefening veur langlopers. Noords wandelen kombineert positieve treningseffekten van hardlopen mit de veurdelen van langlopen.

Vergeleken mit normaal lopen zet je mit noords wandelen meer drok op de grond deur t aofzetten mit de stokken. Beoefenaars van t noords wandelen maken meer gebruuk van der scholders en bovenarmspieren, terwiel ze n goeie rog-, borst- en buukspieroefening kriegen. Hierdeur krie'j extra energie in de beweging en ku'j:

  • vlogger lopen
  • langere afstaanden lopen
  • heuvels makkeliker beklimmen
  • oek t bovenlief trenen
  • meer kalorieën verbraanden.

n Stok veur t noords wandelen mut zo lange ween dat e recht ummeneer wis a'j t vastpakken, en in elk geval niet hoger is as n hoek van 90 graojen mit de elleboge. n Stok mut ongeveer 2,5 sentimeter korter ween as n skistok veur dezelfde persoon, umdat e emaakt is um in de snee te steken. n Richtliende veur de juuste lengte van de stok is de lichaamslengte vermenigvuldigen mit 0,68. Der bin n paor belangrieke verschillen tussen sjokstokken en n kuierstok:

  • De voot(/scho) van de stok is schune eplaotst (bie de kuierstok recht).
  • De haandlussen bin brejer en wörden op n bepaolde maniere mit klittenbaand um de polze edaon (bie de kuierstok bin t vake gewone smalle lussen).

Uutgaonde verwiezingen[bewark | bronkode bewarken]